شبكة همس الشوق - عرض مشاركة واحدة

11 - 8 - 2015, 05:36 PM

العصريه .. في بيت اهل خالد .. الكل كانوا متجمعين بالصاله عدا ابوهم .. كل شوي يصحى احد و يجي يقعد معهم .. و آخر الواصلين كانت اصايل ...
اصايل : مسسسساء الخير ..
الكل : مساء النور ...
اصايل : ازعجتني الشغاله كل شوي تصحيني وش فيه ..؟
ام خالد : انا طلبت منها تناديكم ..
منار : يمممه يا الله قولي وش الموضوع .. صار لي ساعه على اعصابي ..
جود : أي يمه قولي ..
خالد شاق الحلق ابتسامه : اهدوا ياا بنات ترى الموضوع يخصني ..
فهد لف عليه : يخصك ؟؟؟
خالد : اييه اسمع امي ..
ام خالد : بقولكم وراكم مستعجلين .. اخوكم خالد .. يوم الخميس خطبته ...
الكل كااان مصدوووووووم ..
اصايل : اووه ااام جي .. اكيد عنوووده بنت عمي صح ..؟
ام خالد : لأ اختهاا ..
اصايل : هاااه ؟!
فهد : صدق هالكلام ياا خالد ؟
خالد مبسوط : أي صدق .. ما ودك تبارك لي ؟
فهد وقف : لأاا ما شفت الا اخته !؟.. انا طالع ..
ام خالد : فهوودي حبيبي وين ما خلصت كلامي ..
فهد : خلاااص يمه عرفت الزبده ..
راح فهد و لحقه خالد لبرى ... بس قبل نشوف اصايل المصدومه ..
اصايل : يمممممه تمزززززززحين ؟
ام خالد : لا والله ما امزح .. هذا قرار عمك و ابوك .. احنا مالنا دخل ..
منار : اييه الله يوفقهم و يبارك لهم .. اخوي ما رح يلاقي احسن من جوج ..
اصايل : هيييه وش اللي احسن من جوج ؟! .. لأ يمه اناا رافضه ..
ام خالد : و ليه ان شاء الله ؟ .. شايفه على البنت شي !؟
اصايل : لأ .. بس .. يااااا يمه افهميني البنت اكبر من خالد ما تصلح له .. العنود مررره مناسبه ..
ام خالد : يا بنتي هذا قرار ابوك و عمك حنا ما لنا أي كلمه ..
منار : بعدين ياا اصايل اذا اثنينهم موافقين خلاص ..
اصايل : مين قالك ان الجوهره موافقه ؟!
منار : محد قالي بس عندي احساس رح توافق عليه ..
اصايل : احساسك غلط ...
ام خالد : ياا بنااات ترى نقاشكم في الموضوع لا بيقدم و لا بيأخر لانه تقرر كل شي .. يوم الخميس الخطبه و الخميس الجاي الملكه .. و الزواج لسا بنفكر بعد ما نستشير العروس ..
اصايل : ماا شاء الله كل شي قررتوه ..
ام خالد : والله قرارات ابوك ..
اصايل : طيب ...> و جت بتمشي لانها كانت بقمة عصبيتهاا .. هي عارفه اش قد العنود تحب خالد و كيف رح تنصدم لو درت بالخبر ..
ام خالد : لحظه يا اصايل !
اصايل : وش فيه بعد ؟
ام خالد : لا احد يدري عن موضوع الخطبه .. خاصه اهل عمك ..
اصايل : كيف يعني ؟
ام خالد : لحد اللحين لا العروس و لا اخوانها يدرون ان المعرس هو خالد .. و خالد طلب كذا يبيها مفاجئه لهم ..
اصايل باستغراب : و ليه ؟؟؟!
ام خالد : مدري .. اسألي اخوك ..
اصايل اتلفت : وينه خالد ؟
جود : طلع ورى فهد برى ...
اصايل : انا رايحه اشوفه ...
بعد ما طلعت ...
ام خالد : وش فيهم اخوانكم كنه مو عاجبهم ؟!
منار : لااا يمه عاجبهم لا تشغلي بالك فيهم اهم شي راي خالد و الجوهره ..
ام خالد : و انتي ياا جود اش رايك ..؟
جود : احس مالنا دخل رايي من راي منار ..
ام خالد : اجل بكره اطلعوا السوق و اشتروا احلى الفساتين عشان اخوكم ..
جود : اااوك من اللحين انا مستانسه ..
منار : ههههه ما تغيرت تعشق طلعات السوق ..
ام خالد : ههههههه ايييه ياا منور ما تغيرت على حطت يدك .. و لا تنسوا علموا اصايل تروح معكم ..
منار : ان شاء الله يمه ..

بالحوش خالد وقف فهد اللي كان ماشي و لا هو حاب يسمع احد ....
خالد : فهد وش فيك عطني فرصه اتكلم !
فهد : انت اخ انت ؟! .. اذا حتى ما علمتني !
خالد : انا ما صار لي زمان عارف .. بعدين مو هذا موضوعنا الكل ما يعرف مو بس انت ..
فهد : المفروض انا غير يااا خالد !
خالد : فهد ياا فهد ياا حبيبي .. اللحين ليش متضايق ؟!
فهد : لا تتزوج اخته ..
خالد : أي شي ممكن انفذه لك الا هذا ..
فهد : اصلا وش برجي منك اذا انت تحبه اكثر من اخوك .. اكيد ما رح تسمع كلامي ..> مشى
خالد مسك ذراعه : وقف انا ما خلصت كلام ..
فهد : ماا عاد فيه كلام .. انت تحب نواف و اهله اكثر من اهلك ...
خالد : وش تقول انت ؟ ما خلصنا من ذي السيره ..
فهد : ايه ايه الكلام اللي ما يعجبك ما تبي تسمعه ..
خالد : فهد !
فهد : خلني بحالي .. اذا تحبني صدق و تحب اهلك لا تتزوج ذي البنت ..
خالد : حط عقلك براسك .. ابوي اللي يبي يزوجني و انا ما اقدر ارفض له ..
فهد : اللي عندي قلته .. عن اذنك ..
خالد ~ وش اسوي معه ؟!!! لا حول ولا قوة الا بالله ...
جته اصايل .....
اصايل : وش فيك ؟!
خالد : اخوك ما يبيني اتزوج من عائلة عمي !
اصايل : معليك منه من عمره نفسيه ..
خالد : لا تقولين عن اخوك كذا ..
اصايل : ما علينا اسمعني انت اذا فكرت تتزوج ما لك إلا العنود ..
خالد : انتوا وش بلاكم علي .. كل واحد يبي يقرر كيف اعيش حياتي ؟!
اصايل : انا قاعده انصحك .. العنود تحبك ..
خالد : حب مراهقه .. و صغيره علي .. و انا ما ابيهاا خلقه ..
اصايل : حرااام ليييش ما تبيهاا و الله انها طيبه و الف واحد يتمناها ..
خالد : اصووله ياا قلبي انا ادري انهاا صديقتك و انتي ما تبين تزعلينهاا بس مو على حساابي و حساب حياتي الله يخليك !
اصايل : اووووه خلص انا ما عاد اتدخل .. كيفكم ...
خالد : اصاايل .. تكفين لا يدرون اني العريس ..
اصايل : ايييه و هذي وش وضعهاا ليه ما تبي احد يدري ؟
خالد : عشان ما تصير مشاكل .. لاني اخطط أملك بنفس ليلة الخطبه ..
اصايل : ما شاء الله مستعجل .. يا الله ما اقول غير الله يهنيك مع من تختاره .. و حبيبتي العنود لها الله .. مدري كيف رح تتقبل ..
خالد تنهد بتعب : الله يرزقهاا باللي احسن مني ...
اصايل : آميييييييين > قالتهاا و هي مقهوره .. ثم راحت ..
خالد ~ الله بلاني بهذي اللي اسمها العنود .. استغفر الله العظيم .. اصايل انحلت مشكلتهاا .. بس فهد من يقنعه اللحين .. خل اكلم سامي و افضفض له ..

في بيت اهل فيصل و حنان ... لازالوا يفكروا بحل و مر اسبوع عليه و هم مو عارفين كيف يتصرفوا مع ابو فيصل ...
ام حنان : اسمعي يااا مهاا .. عيالنا اليوم خلصوا اختباراتهم .....
ام فيصل قاطعتها : لا يكوووووون بتعلمينهم !؟
ام حنان : ياا اختي افكر اعلم حنان بس .. قلت يمكن تلاقي لنا حل ..
ام فيصل : والله ماني عارفه ..
ام حنان : الوقت يمر .. و كل ما مر ما هو بصالحنا ..
ام فيصل حطت يدها ع عيونها و تبكي : يااا ربي وش السواة !؟
ام حنان قامت و قعدت جنبها ربتت ع كتفهاا : لا تبكين فديتك .. امسحي دموعك و ربك كريم .. اذا ضاقت عليك ارفعي ايدينك للسما و ما خاب راجيه ..
ام فيصل تمسح دموعها : والله من قال انه بياخذ عيالي لا ليلي ليل و لا نهاري نهار .. ما غير اناظر بوجيهم يمكن ما عاد اشوفهم ..
ام حنان : لا تقولين ذا الحكي .. ما ودي يسمعونك .. اذكري الله ..
ام فيصل : لا حول و لا قوة إلا بالله .. الله لا يوفقك ياا ابو فيصل ..
ام حنان : لاااا يا ام فيصل مهما كان ابو عيالك هذا ..
ام فيصل : استغفر الله بس !
بعد ما هديت شوي ....
ام فيصل : اخاف .. اخاف ابو فيصل يروح يشوف فيصل .. ابوه ما لازم يعرف انه تزوج حنان ...
ام حنان : ليييه ؟ وش فيهاا بنتي ؟!
ام فيصل : ياا اختي ما فيهاا شي .. بس فكري فيهاا .. ابو فيصل ألزم ما عليه سمعة العائلة .. و ابو حنان مسجون .. تتوقعين بيرضى ان ولده ياخذ بنت واحد مسجون !؟ ..
ام حنان تضايقت .. ما عجبهاا الكلام ....
ام فيصل : ياا وخيتي والله ما قصدت ازعلك بكلامي .. بس هذا تفكير ابو فيصل و انا اعرفه .. و لا انتي و بنتك و ابوهاا و النعم فيكم .. و كلنا نعرف ان زوجك مظلوم ..
ام حنان : لااا معليك انا ما زعلت .. بالعكس كلامك عين العقل .. الشي اللي يزعل ان ابو حنان و ابو فيصل كانوا اعز الاصحاب .. ظنك ابو فيصل تخلى عن صاحبه ؟!
ام فيصل : بمعرفتي بابو فيصل اتوقع منه أي شي .. بعدين لا تنسي انه ما كان صديق لزوجك إلا عشان املاكه و لما خسر زوجك كل شي و ما عاد ظل له إلا هالبيت تخلى عنه .. عشان كذا ابو حنان المسكين سافر لـ امريكا يحاول يجمع لو شوي من اللي خسره و صار اللي صار ..
ام حنان : أي والله معك حق ..
ام فيصل : طيب وش السواة معه اللحين ؟
ام حنان : زي ما قلت لك خلينا نكلم حنان يمكن تلقى حل .. نقولهم يجونا بكره اش رايك ؟
ام فيصل : اذا انتي شايفه كذا خلاص ..
ام حنان : ما فيصل زوجهاا لازم تدري .. رح اكلم حنان اول بيني وبينهاا و بقولها لا تعلم فيصل اتفقنا ..
ام فيصل : أي كذا احسن .. نشوف راي حنان بالاول ..
ام حنان : خلاص بعد المغرب بكلمها تجينا بكره ..
ام فيصل : ........................

في الشقه .. حنان صحت و صلت العصر ثم جت بتصحي فيصل ... قربت منه .. كان يتنفس بسرعه .. منظره كان يخوف .. ما كان بخير ..
حنان تهزه : فيصل .. فيصل .. اصحاا .. فيصل ...
فيصل بالكاد يفتح عيونه : وش فيك ؟
حنان : انت اللي وش فيك ؟ .. انت تعبان صح ؟
فيصل : ما فيني شي بس ابي انام ..
حنان حطت يدها ع جبهته : اووووف ناااار .. حرارتك مرتفعه .. قوم نروح المستشفى ..
فيصل : اكره المستشفيات .. انا ما فيني شي ..
حنان : طيب طيب خلك .. بقول لوليد و هو يتصرف ...
جت بتمشي مسك يدهاااا ...
فيصل : إلاااا وليد لا تقولين له ..
حنان : ليييييش ؟! حتى و انت في ذي الحاله تكابر ؟! .. ارتاح انت انا بتصرف ..
فيصل : حـ ......... > راحت ..
حنان ~ وش يحس فيه انا قلقانه عليه و هو يقولي الا وليد ! ..
طلعت الصاله ما كان فيهاا احد ...
حنان ~ شكله بغرفته .. وش اسوي .. اكيد لازم اروح له .. يووه احس ما تصلح .. يااا بنت فكري بفيصل اللحين ! .. لاااااازم اروح لازم ..
دقت باب الغرفه .. ما جاهاا رد .....
حنان ~ ليه ما رد ؟ .. مشكله والله .. لو كنت اعرف دكتور ما كان تعنيت و ازعجته ... بدق مره ثانيه و هالره اذا ما رد ماني بداقه ..
و دقت .. و بعدهاا بلحظات تكلم وليد .......
وليد : تفضل ...
حنان فتحت الباب : اسف على الازعاج .. ممكن شوي بس !؟
وليد : اترك عنك ذا الكلام و ادخل ..
حنان : لو تجي انت برى مو بأحسن ..
وليد : هههههههه انت تبيني ادخل .. ما فيني اقوم .. >> كان متمدد على سريره فقعد ....
حنان ~ عندي احساس انه قاعد يذلني ! : طيب .. لو ما كان الامر ضروري ما دخلت ..
وليد : و ليش كل هذي الحساسيه .. انت ولد و انا ولد و لا !؟
حنان ابتسمت : ايييه .. المهم ....
وليد : قبل تتكلم بتظل واقف ع الباب و لا ايش ؟
حنان : معليك انا مرتاح هنا ..
وليد : ماا يصير تعال اقعد ..
حنان مغتاضه : اوكيه ..> قعدت ع الكنبه ...
وليد : تذكر !؟ هنا كنت قاعد اول مره جيتني فيهاا للشقه .. و يومهاا صورتك عشان الدراسه ..
حنان ناظرت الكنبه و ابتسمت : اييييه اذكر .. ( هههه حتى تروعت لما عدل لي الشماغ .. من يومهاا كل ما يقرب مني قلبي ما يرحمني من دقاته )
وليد : اييي وش كنت تبي تكلمني فيه ؟
حنان ~ حنيت للماضي و نسيت فيصل ! : صح فيصل .. فيصل تعبان و حرارته مرتفعه .. و مو راضي يروح المستشفى .. وش اسوي معه ؟
وليد : بسيطه ندق على الدكتور و يجيه ..
حنان : فكرت فيهاا .. بس ما عندي رقم أي دكتور !
وليد : و لا يهمك انا اعرف دكتور كويس .. بدق عليه اللحين ..
حنان : تكفى بسرعه ..
وليد : عطني دقايق بس ..
حنان : اوكيه انا بروح احط له كمادات يمكن يخف شوي و بعطيه بنادول ..
وليد : أي ضروري عطه .. و نص ساعه ان شاء الله و الدكتور هنا ..
حنان : ان شاء الله .. يا الله عن اذنك ..