شبكة همس الشوق - عرض مشاركة واحدة

11 - 8 - 2015, 05:47 PM

و بعد عدة دقااايق ... زفواا الجوهره على كوشه جهزوهاا بخصوص هالمناسبه ... و رقص و طرب .. الى ان جابوا لها العقد توقع .. هي استغربت ....
الجوهره : يممممه هذي مو خطبه ...
ام نواف : هذي ملكه ياا بنتي .. كل هذا و تحسبينه خطبه ..
الجوهره : بس انا ما شفته و لا .....
ام نواف قاطعتهاا : يا الله يا الله وقعي بعدين تشوفينه لاحقه عليه .. خلصي عليناا لا تفضحينا قدام الآوادم ...
الجوهره امتلت عيونهاا دمع ~ يعني خلاااص بتزوج هذا اللي ما اعرف من هو ..!
وقعت حتى ما شافت اسم العريس من الدموع اللي بعيونها ...
ام نواف : ياا الجوهره يا بنتي .. كفكفي دموعك .. لا يخترب مكياجك ..
الجوهره : طيب .. يمه بتزفونه جنبي ..؟
ام نواف : أي اكيد .. بس بعد ما يطلعون الضيوف لازم تسولفون مع بعض شوي ما هو صار زوجك ..
الجوهره : بس ما صار عرسناا لسا !
ام نواف : معليه بتسولفون ما قلنا بياخذك معه !
الجوهره : طيب الساعه كم بيجي ؟
ام نواف : على الساعه 8 ان شاء الله ..
الجوهره : بس كذا بدري مره !
ام نواف : ايش نسوي عنده شغل ..
الجوهره : ياا سلاااام ...
ام نواف : انتي اللحين ارتاحي .. يا الله باخذ العقد بوديه لابوك ..
الجوهره ~ ارتاااح هااا !

عند الرجااال .. كان المعرس كاااااشخ ع الاخير و مبسووووط ع الاخير ..
نواف : آه ياا النذل .. تتزوج اختي و لا تعلمني !
خالد : ههههه معليش كنت ابيها مفاجأه ..
نواف : يا الله سامحتتك ياا النسيب ...
خالد : هههه ياااا زين الكلمه بس ...
نواف : ههههههه عجبتك هاا .. يا الله الله يوفقك انت و اختي و يكتب لكم الخير وين ما كان ...
خالد : تسلم ياا اخوي .. و عقبالك ان شاء الله ...
نواف ابتسم : ان شاء الله .. الله يسمع منك و اتزوج اللي فبالي بس ..
خالد : و مين هذي اللي فبالك ؟
نواف : سر .. اذا جا وقتهاا اعلمك ...
خالد : لاااه لاااه .. قمنااا نخبي بعد ... من متى ..؟
جاهم سامي سلم عليهم ...
سامي : الف مبروووك ياا خالد و الله يتمم لك على خير ..
خالد : الله يبارك فيك و عقبالك ان شاء الله ...
سامي حز بخاطره لما تذكر ان اصايل رفضته .... خالد حس فيه و ربت ع ظهره ...
نواف : إلااا اخوك فهد وينه ؟
خالد : ما ادري قال لأبوي انه جاي .. لكني اشك ...
نواف : اييييه هذا هو ما تغير ..
خالد : ......................

بروووب الملكه .. باااك الشقه ....
اخذت شااور و لبست الثوب اللي مجهزه وليد ..
حنان : فيصل ركب لي هذا مدري وش اسمه ...
فيصل : ههههه صار لك شهور تمثلين ولد و للحين ما حفظتي اسمه .. هذا كبك يا قلبي ...
حنان : ركبه و انت ساكت لا تقعد تتفلسف ..
فيصل : هههههه طيب تعالي تعالي ..
جت له حنان و ضبط لهاا الكبك ....
حنان : بااقي الغتره ...
فيصل : لا ما اسمهاا غترة .. لانها بيضا نسميها شماغ .. ركز حموو فديتك ..
حنان : يووووه ازعجتني ..
فيصل يضبط لها الشماغ : هههه علوم رجاجيل لازم تعرفهاا ...
حنان : يكفي انت تعرفهااا ..
فيصل : ايوووا كذا انت اوووكيه ...
حنان : لحظه بشوف شكلي بالمرايااا ...
فيصل : الله يحفظك من كل عين ...
حنان تناظر نفسهاا : واااااو ذوووق وليد روووعه .. تغير شكلي .. اللحين احس اني شاب وسيم هههههه...
فيصل بنظره حاده : المكان اللي بنروح له ياا ويلك تبعدين عني .. انا للحين ما ادري وليد وش يخطط له .. يعني ليش يبينا نكشخ ؟!
حنان : كح كح .. لا تخرب حماسي و الفله اللي انا فيهاا .. كح كح ..
فيصل : لاااا و ازيد على كذا تعبانه .. الله يستر !
حنان ابتسمت : لا تشيل همي .. و يا الله رح جهز نفسك ..
فيصل : ايييه قبل لا اروح انتبهي تطلعي من الغرفه و وليد برى .. انتظريني الى ان اجهز و نطلع سوا ...
حنان ~ بديناا بالغيره من اللحين : اووكيه .. ان شاء الله .. انت بس اخلص شكلنا تأخرنا على وليد ..
فيصل : ....................

و بعد ما جهز حاله ...
حنان : واااااااااااو .. حتى انت كششخه .. لا لا و رزه بعد ...
فيصل بثقه : ههههه ادري .. و احلى من وليد بعد ...
حنان : هههههههه امش امش بس تأخرناا ..
اول ما طلعوا .. عينه على طول عليهاا ......
وليد : الله الله الله وش هالزين ! لا اله الا الله ..
حنان ~ ينا .. يناظرني .. يعني يقصدني .. وش اقول له ؟
ماجد : ما شاء الله عليكم .. تقل كبار رجال الاعمال الله يحفظكم ...
فيصل : تسلم ياا ماجد ..
وليد : والله ان ذوقي خطيييييييييييييير ... ( طلع جواله ) .. حمووود تعال تعال نتصور مع بعض ...
كانت بتروح مسكهاا فيصل ......
فيصل : هه هه مو بلازم .. اذا انتوا جاهزين خلوناا نروح ..
وليد : وش اللي مو بلازم .. خلاص اجل نتصور هناك ...
حنان ذابت على شكل وليد .. هو بعد كان كاشخ بنظرهااا محد يملي عينهاا غيره ..
ماجد : يا الله ياا شباب خلونا نمشي ...
فيصل بهمس : اسمع لا تتصور مع وليد ...
حنان : وش فيك بتفضحناا .. يعني ما كأنه اخذ لي صور من قبل ! .. بعدين انا ولد اللحين ...
فيصل : ياا الغبيه ما فكرتي بعدين اذا درى انك بنت وش رح يسوي بصورك ..
حنان : صوري اللي عنده و انا ولد محد رح يصدقه اني بنت بعدين ما رح يدري اني بنت إلا ........ ( سكتت .. كانت رح تقول الا اذا اعترفت له بحبي و تزوجنا ) ...
فيصل : إلا ايش ؟!
وليد ينادي من عند الباب : حموووووودي .. يا الله نستناكم ع الباب ..
حنان : هذا احنا جايين ...

نرجع للملكه .. فيه امور تغيرت ... و خطط تغيرت ...
ام نواف : ياا حبيبتي عريسك ما يبي يدخل قدام الناس .. طلب يشوفك لحالك بغرفه ...
الجوهره : اكيد تمزحين معي ياا يمه ..
ام نواف : لا والله ياا حبيبتي .. هذا طلب عريسك ...
الجوهره بعصبيه : جعله الـ ................ آه يمه ما ابي ادعي على احد ..
ام نواف : ياا بنتي لا تعصبي ..
جت العنود تشوف اش فيهم بعد ما كانت ترقص ...
العنود : وش فيكم وش السالفه ؟
الجوهره : تخيلي يا العنود فوق ما ان خطبتي صارت ملكه حضرت العريس ما يبي ينزف قدام الناس .. يبينا نكون لحالنا و الأدهى ان امي موافقه !
ام نواف : أي صار زوجك وش فيهاا ؟
العنود : معليه ياا جوج .. اذا امي موافقه خلااص على قولتهاا صار زوجك ..
الجوهره : اذا حتى اسمه ما اعرفه !
ام نواف : بتتعرفين عليه اللحين لا تستعجلين .. طول الايام اللي راحت ما سألتي .. بتسألين اللحين !
العنود : كني سمعت الضيوف يقولون اسمه خالد .. بس ما دريت ولد من ..
الجوهره : خالد ؟؟؟؟!
ام نواف : اييه اسمه خالد ..
شهد : عنوووده يا الله تعاالي نبغاك شوي ..
العنود : جايه جايه .. و انتي ياا جوج لا تتضايقين عشان خاطري ...
الجوهره : ان شاء الله ... ( يااا سلااام و اسمه خالد بعد ! .. وش ذا الحظ اللي عندي ما ودي اشوفه .....)

البنات متجمعين بالزاويه .. حتى الناس حسوا ان وراهم شي ههه ...
اصايل : اسمعوا اذا جيناا بنطلع بدلواا فساتينكم .. لا تطلعون كذا .. افضل شي تلبسون بناطيل .. لان عندي احساس نبي نهرب كثير الليله ...
شهد : يؤؤؤؤ نهرب ليه ؟ بديت اخاف ..
اصايل : وش يخوفك ياا الجبانه .. انا بس اقول احتياطا يعني اذا اخوانا شافوناا او شي ...
شهد : طيب ما جبت معي ملابس ....!
العنود : و لا يهمك بعطيك من عندي ...
جود : شهووده .. اختك فاديه ما رح تجي معناا ..؟
شهد : لاااا اسكتوا لا تعلمونهاا .. شوفوهاا قاعده مع بنات عمي و اصلا ما اتوقع توافق ...
جود : حسااافه كان ودي كلنا نروح ..
العنود : بناااات تراكم ناسيين شي مهم ...
البنات باستغراب : وشوووووو ؟؟؟!!!
العنود : اهلنا ما قلنا لهم اننا بنطلع !
اصايل : اتركوا موضوع اهلكم علي .. بقولهم اننا بنطلع بيت وحده من صديقاتي مسويه حفله ...
العنود : و بيصدقون ؟!
اصايل طقت الصدر : مااا عليك قلت خلوهاا علي .. اسلوب الاقناع اختصاصي ...
شهد : يااا فديتك والله محد قدهاا الا انتي ...
اصايل : هههه ثااانكس بييي ..
شهد : تتوقعون اخواني بيحضرون حفلة خالد ..؟
اصايل : انا اظن الكل بيحضر ... و بتشوفون ...
جود : يااا اني تحمسسست ...
و للحين العنود ما تدري من عريس اختهاا !

و صار وقت العشا .. قلطوواا الحريم .. أما البناات قاعدين بغرفة العنود يخططون للمغامرة اللي ناويين عليه ..
و بالنسبة للجوهره .. صار وقت تروح تشوف عريس الغفله ....
ام نواف : يا الله ياا بنتي قومي ...
الجوهره : يمممه تكفين ما ابي ...
ام نواف : وش ذا الدلع اللحين .. يا الله قومي لا تفشليناا ...
الجوهره ع وشك تبكي : يممممه !
ام نواف : تبين ابوك يعني يجي يسحبك ...؟
الجوهره : خلاااص بروووووح ...
اخذتهاا للغرفه .. و قعدت الجوهره تنتظر عريسهااا ....
ام نواف : انتي انتظري هنا هو شوي و يجي ...
الجوهره : طيب خليك معي ...
ام نواف : عيييييب .. بروح اشوف الضيوف ..
الجوهره : لاااااااا بلييييييييز ماااماا ...
ام نواف : يوووووه ما ابي اشوف وجهك كذا .. لا تخافين صدقيني الرجال طيب و ما فيه احسن منه و ان شاء الله تحبينه ...
الجوهره : يعني ما في امل ؟ .. بتتركيني لحالي ..؟
ام نواف مسكت يدهاا : انتي مو لحالك .. انا دقايق و برجع لك ...
ثم راحت ........
ظلت الجوهره قاعده بمكانهاا و نظرهاا ع الباب اللي بينفتح و يدخل منه عريسهاا ... متضايقه و متوتره و بأي لحظه ممكن تبكي ...
و بعد دقايق دخل العريس .. لابس ثوب و شماغ كشخه بدون بشت .. اما الجوهره كانت لابسه فستان احمر طويل مع فتحه ع الجنب تسريحتهاا مره ناعمه و مكياج ناعم ... كانت طالعه روعه ....> انتوا تخيلوا ما فيني اوصف ^ ..
خالد ابتسم : مسا الحب ...
الجوهره كانت منزله راسهاا للارض بس سمعت صوته رفعته و ناظرته باستغراب : خااااااااالد ؟؟! >> ثم وقفت ..
خالد : كيفك يا حبيبتي ؟
الجوهره : انت .. انت وش تسوي هناا ؟ .. ما تدري ان الليله زواجي .. انت كيف تخليت عني ؟.. انت ما قلت بتكلم ابوي و عمي ؟!.. ما كلمتهم ليه ؟! .. شوف شوف اهلي زوجوني واحد ما اعرفه .. اصلا عاادي اذا ما تبيني حتى لو طلبت تتزوجني كنت برفض عشان اختي .. يا الله اطلع من هنا ما ابيهم يشوفونك .. ( نزلت راسها بحزن ) خلاص ما عاد بيدك تسوي شي لاني وقعت ع العقد ..>> على بالها ان خالد داخل الغرفه بالغلط ...
خالد قرب منهاا ورفع وجهها باطراف انامله : يااا حبيبتي تحبيني هالكثر ؟
الجوهره تناظره و بعيونها دموع : لـ ليش ما تروح ؟.. انا خلاص ماني حلالك ..
خالد : هههه إلا حلالي انتي زوجتي .. انا عريسك اللي ما تعرفينه .. و هذي كلها مفاجئه لك و لاني كنت عارف رح ترفضيني عشان اختك سويت كذا .. مستحيل اخليك تكوني لأحد غيري.. اذا مو مصدقه بجيب لك عقد الزواج و تقرين الاسم ...
الجوهره بصدمه : انت اكيد قاعد تمزح معي ..
خالد : لاااا و اللي خلقني ماني قاعد امزح .. انتي ... ز .. و .. جـ .. تـ ..ـي ..
الجوهره قعدت و هي ماهي مستوعبه الصدمه : و اختي ؟؟؟! اللحين بتكرهني ..
خالد : انتي ما كنتي تدرين من عريسك ... و اختك مراهقه و رح تعرف بعدين انها كانت غلطانه .. خلينا نستانس بملكتنا ... لان ما عندي وقت معزوم على حفل مهم .. طبعا مافي شي اهم منك بس لازم اروح ...
الجوهره ساكته مستحيه و مرتبكه و لا هي عارفه وش تقول .. و كثير اسئله في بالها ...
خالد : حبيبتي اذا ودك اقعد معك بقعد و بلاه الحفل ...
الجوهره بارتباك : لأ .. انا .. ما قلت كذا ..
خالد : طييب ابتسمي ياا قلبي و نبضه .. ياا بعد كل هلي ..
الجوهره لفت وجهها من زود الحياا ...

وصلواا للفندق .. كان منظم و مرتب و كبيييير و حلو بشكل ما تصورته حنان .. اول ما دخلته تفاجئت .....
حنان : واااااااو وش هالمكان ؟!
وليد : شايفيين هذا كله .. ؟
حنان : اييييه ..
وليد : هذا حفل لكم انتوا بمناسبة نجاحكم و نهاية الفصل الاول ...
حنان ماهي مصدقه : لناا احناا ؟
وليد : ايه انتوا ..
حنان : شكرااااا كثير .. اول مره احد يسوي حفل عشاناا .. مو عارف اش اقول ..
فيصل يضربهاا كتف بكتف : فضحتنااا .. هايط و قوول لهم عادي كم مره اهلنا احتفلوا فينا ...
حنان : ههههههههههه ..
وليد : اذا تبي تشكرني ياا حمد خلني اتصور معك ...
حنان ناظرت فيصل بترجي ...
فيصل : اووووف اوكيه ...
وليد : يا الله تعااال جنبي .. و لا تنسى تبتسم ... لاني امووووت على ابتسامتك .. جعلني فداهاا ..
حنان ميته احراج : ههه ان شاء الله ..
وقفت جنبه و صورهم ماجد ...
وليد : ورني الصوره ... ( عطاه ماجد الجوال ) ... يااا لبييييييييه احلى صوره عندي للحين ..
حنان تنازر الارض من حرجهااو خجلهاا .. و فيصل يناظرهاا بقهر ....
ماجد : امش ياا وليد المعازيم بدوا يحضرون خلنا نسلم ..
وليد : طيب طيب اللحين جاي ...
حنان : ء ء وليد ..
وليد : لبيييييه آمر ..
حنان : آ آ .. النتايج ما شفتهاا ما ادري كيف درجاتي ..
وليد : و لا يهمك انا شفتها .. الف مبروووك نجحت و نسبه عاليه .. يعني ترفع الراس ...
حنان استانست : صدددق ؟! .. الحمد لله ...
وليد : ...................

في مكان آخر .. في بيت هتان بالتحديد .. وصل ولد عمه بيتهم .. بعد ما اتفق معه انه بيجيهم ....
هتان فتح الباب و بدون نفس : هلاااا ...
نايف مد يده بيسلم : هلااا بك ...
هتان سحب عليه و دخل ....: ادخل اذا تبي ..
نايف : وش بلاه تقل جايه غصب عنه !
و دخلواا للمجلس ....
هتان : اخلص لان وراي طلعه مع اخوياي ....
نايف انبسط : تكفأ خذني معك ... سيارتي ما وصلت باقي ..
هتان : انا ابي افتك منك و انت تبي تجي معي ..
نايف : تكفأ تكفأ ياا ولد العم !
هتان : وش اللي بلاني و اقولك ... خلاص باخذك لكن لا تسوي لي مشاكل ..
نايف : هههههههههههههه المشاكل هي اللي تجيني انا مالي دخل ..
هتان : اقووول امش امش يا الله انقلع بيتكم مالي خلق مشاكل ...

نايف : لا تقلع بي .. والله ما غير اروح معك ... و تراي امزح ماني بمسوي لك أي مشكله لا تخاف ...
هتان : طيب .. اذا ما عندك سالفه بنمشي اللحين ...
نايف : بغيت اعرف بس كيف مدرستكم .. ؟
هتان : وشو اللي كيف ؟! وش تبي تعرف بالضبط ؟
نايف : يعني براسي مشاكل فيه احد اقدر افقع وجهه ..
هتان : من اولهاا مشاكل .... ( فكر للحظه ) .. تصدق فيه واحد اتحداك تغلبه ...
نايف تربع : والله دام فيهاا تحدي ازهلها ..من هو ؟
هتان ~ هه ابخليه يتحركش براجح و خله يتصفق يستاهل هههههه : واحد بالمدرسه بس ظنتي ما هو بمداوم اول اسبوع الى داوم بوريك اياه ..
نايف : قدااااام .. وبتشوف وش بسوي فيه ..
هتان : الله الله متى يجي اليوم اللي بتتضارب معه بس !
نايف : امش يا الله نروح ...
هتان : يا الله يا النشبه ...
طلعواا بسيارة هتان .....
نايف : وش اخبار فيصل ؟
هتان باستغراب : حتى هذي قالك عليهاا موسى !
نايف : آفاا عليك كل الاخبار عندي ...
هتان : وش تعرف ؟
نايف : انك تلاحق وراه و هو مو بمعطيك وجه ...
هتان : و غيروا ؟؟؟!
نايف : هذا اللي اعرفه ..
هتان : كذاااب ...
نايف : و ربك هذا اللي اعرفه ...
هتان : شوف من اللحين اقولك تحشر خشمك بأموري بتصرف معك تصرف ما يعجبك .. و اسئله ما ابي فهمت !؟
نايف : و انا ما كنت ابي اسألك عن شي .. بس كنت حاب اساعدك ..
هتان : انت وجهك وجه واحد يساعد ..!
نايف : جربني والله ما تخسر .. تراهم يسموني في تبوك الداهيه ..
هتان : و بعد !!!!! ..
نايف : هههه اييييه لو بغيت والله لا اخلي فيصل يصير خويك و برضاه بعد ..
هتان : أمااا .. و تقدر ؟
نايف : قلت لك جربني ..
هتان : وش المقابل ؟
نايف : ما ابي منك شي ..
هتان : ما هي بعلي ذي الحركات .. انت ما تسوي شي لوجه الله ..
نايف : والله حاليا ما ابي شي .. لكن يمكن في المستقبل ..
هتان : اجل وريني .. اذا قدرت تخلينا اخوياء .. لك مني اللي تبيه ..
و صلواا بيت مشاري و اخذوه .. تعرف على نايف و شكلهم بيصيروا صحبه ...

في احد المقاهي ... كان رائد قاعد مع مشعل .. يشكي له من اللي صار .. كان معصب و مقهور ...
رائد : بنت الكلب بتوديني في داهيه ..
مشعل : اهداا ياا رائد ...
رائد : كيف اهدا والله لو درى ابوي عن ذي المصيبه لا يذبحني .. هذا ابوي ما عنده .. اهم شي سمعة العايله ...
مشعل : البنت هددتك اذا قربت ناحيتهاا .. انت اسمع الكلام و ان شاء الله مو بصاير شي ...
رائد : لاااا احلف !! اقعد خاتم في اصبعها .. الحقيره ذي ..
مشعل : ما قلت كذا و انا اخوك .. بس صدقني اذا تركتهم في حالهم ما بيضرونك ..
رائد باستغراب : و ليش واثق ؟؟؟!
مشعل ارتبك : لأ يعني مو واثق .. بس اقول ..
رائد : مااا ادري .. والله ما ادري كيف اتصرف ...
مشعل : اهم شي كلمت الشخص اللي يراقبه انه يتركهاا ..؟
رائد : اييه ما ابيهاا تفضحني الحقيره ...
مشعل : خلاااص .. ان شاء الله محد بينفضح ...
رائد : آآآآخ بس لو اعرف كيف خطرت لهاا فكرت الفضيحه هذي .. و كيف سوتهاا بالذات لما انا فكرت اصيد عليهاا زله .. ؟ الموضوع فيه إنّ ...
مشعل يصرف : لا تفكر كثير والله تتعب ابعد عن عايلتهم و اتق الشر ..
رائد : هذا اللي بسويه اللحين الى ان اشوف حل الى لقيت ..
مشعل : على خير ان شاء الله ...

نرجع للفندق ... اغلب المعازيم وصلواا .. باقي بس خالد و نواف و سامي و اللي معهم ..
أماا فيصل و حنان كانوا بزاويه لحالهم على جنب بعيد عن الناس ...
حنان : يا الله مرررره زحمه ...!
فيصل : المكان ذا ما يناسبناا ..
حنان : صدق .. كله رجال اعمال ..
فيصل : ايييه كله رجال و انتي بنت .. ما بقى واحد ما ناظر فيك .. شي يغبن ..
حنان : و اذا ناظر انا ولد .. !
فيصل : لااا و الاغبن من كذا الكل يبارك لوليد بالنجاح .. تقل هو اللي تاعب في الشهاده ..
حنان : اكيد انا ادرس باسمه .. بعدين لا تنسى وليد ما قصر معناا و يعطيناا فلوس دايما ..
فيصل : غصبا عنه هذا اتفاقنا اصلا ...

دقااايق و وصلواا باقي الشله .. بعد ما سلوا على الضيوف توجهوا لطاولة حنان و فيصل على طول ...
فيصل بهمس : كملت والله ...
حنان تبتسم مجامله : هلااا هلااا فيكم .. و الف مبروك يا خالد وليد قال لنا ان الليله ملكتك ...
خالد : الله يبارك فيك و عقبالكم كلكم ..
نواف نظره على حنان : اناا عروسي جاهزه بس ليتهاا توافق ...
حنان صدت خافت يفضحهااا .. و حاولت تصرف الموضوع ...
خالد : امووووت و اعرف بس من هي !
نواف تنهد : فديييييتهاا بس ..
خالد : لاااا انت مره عشقان ..
نواف : عشقااان و بس !
حنان ~ لازم ابعد فيصل من هنا ما ابيه يشك بكلام نوافوه الزفت بيفضحني ذا لا محاله : ء ء فـ فيصل اش رايك نروح هناك ؟.. ودي اشوف المكان ..
فيصل : حااضر يا الله ...
حنان عطت نواف نظرة حقد و مشت ....
خالد : و انت وش سالفتك مع الحب هاليومين ؟؟
نواف : السالفه طويله .. زي ما قلت لك بوقتها بعلمك كل شي ..
سامي ما كان معهم .. كان متضايق و لازال متضايق لان اصايل رفضته ..

أماا وليد و ماجد كانوا مشغولين بكبار الشخصيات .. الى ان راحوااا ..
وليد : اووووف تعبت .. لولا اصرار عمي ما كنت عزمت رجال اعمال ..
ماجد : عمك يحب التفاخر ..
وليد : و بتعلمني فيه ! عمي و اعرفه يعشق المظاهر ..
ماجد : شوف وراك صقر جا بعد .. و واقف مع اثنين يسولف معهم..
وليد : كييييييف ؟ انا ما عزمته ..!
ماجد : اكيد جاي يتطمن على الحفل كيف ماشي ... اوووص هذا هو جاي اتجاهناا...
صقر : مسا الخير ياا شباب ...
ماجد : مسا النور ...
صقر : ما شاء الله الحفل و لا اروع ...
وليد : شكرااا .. بس انت ليه جاي ..؟ ما اذكر اني عزمتك ! ..
صقر : ههههههه انا ما يحتاج لي عزيمه .. لاني من اهلك ..
وليد : و متى ناوي تروح ...؟
صقر : و ليه اروح بقعد الى ان ينتهي الحفل ..
ماجد : ء ء حيااك خذ راحتك ..
صقر : الله يحييك .. ممكن طلب ياا ماجد ؟
ماجد : آمرني ...
صقر : ما يآمر عليك .. روح للامن اللي برى و قول لهم يبعدون الناس العاديه اللي واقفه قدام البوابه الرئيسه .. منظرهم ما هو بحلو ..
ماجد : بس .. ما يصير يعني عيب يطردونهم !
صقر : حبيبي احنا مستأجرين فندقهم بمبلغ و قدره .. و ما فيهاا أي عيب .. وش تبي الناس تقول عنا ؟
ماجد : خلااص خلاااص انا بتصرف ...
بعد ما راح ......
صقر : ايييه و متى بنشوف كيكة الحفل ..
وليد : الساعه 11 ...
صقر يناظر ساعته : اووه باقي ساعه يعني ..
وليد : و ليه مستعجل ؟ اذا عندك شغل روح ..
صقر : ابد ماني مستعجل .. اقول شفت الاثنين اللي هناك ..؟ كنت اسولف معهم من شوي ...
وليد : وش اسوي لك ...
صقر : و انت على طول تطحن الجبهه .. اصبر و اعلمك .. سألوني عن حمد خويك اللي بالشقه ..
وليد باستغراب : اش يبون فيه ؟ و ليش يسألون ؟
صقر : بس قالوا الولد المزيون اللي هناك ما تعرف هو ولد مين ؟ انا قلت لهم اسمه حمد .. بس ما كنت اعرف هو من أي عائلة !
وليد :اصلا مفروض ما تعلمهم اسمه .. حتى عيال التجار ما لهم امان ..
صقر : وش قصدك ؟ بعدين حتى انا حاب اعرف هو من أي عائلة ..
وليد : هذا الشي مو شغلك .. و لا تتدخل رجاءاً ..
صقر : الظاهر خويك حمد متورط .. و مع الاثنين اللي سألوني عنه ..
وليد لف يناظر وين ما صقر يناظر .....

كانواا حاشرينهاا بالزاويه و طايحين عليهاا اسئلة ...
حنان : آ آ يا اخوي ابعد شوي .. ما تحس انك قريب مني ..
شاب 1 : ههههههه و انت خايف !
حنان : ء ء لأ بس .. ما احب كذا ..
شاب 2 : طيب علمنا من أي عائلة انت ..؟
حنان ~ وش دخلهم بعائلتي اللحين ! ..
شاب 1 يقرب : وش فيك ؟ ما عندك عائلة ؟
حنان : طيب لا تقرب .. بعد شوي كتمت نفسي ..
شاب 1 : هههههههههههههه ..
شاب 2 : الحفل هذا ما يحضرونه الا الشخصيات الهامه و كبار رجال الاعمال .. انت ولد من فيهم ؟
حنان : يااا اخي وش دخلكم ؟!
شاب 1 دفهاا للجدار : احنا شيوخك .. نسألك ترد ..
حنان خافت : وش .. وش يعني بتضربني ؟
جاا وليد .....
وليد : ياا شباب وش فيكم ؟
شاب 2 : لا ابد ما في شي ياا وليد .. عن اذنكم ...
اخذ صديقه معه و راحوااا .. كانوا فاطسين ضحك على شكل حنان واضح انها كانت خايفه منهم ..
وليد بعصبيه : ليش انت لحالك ؟
حنان : آ آ فيصل راح الحمام –الله يكرمكم- و شوي و بيرجع ..
وليد : فيصل هذا ما يعتمد عليه .. مفروض ما يتركك لحالك .. على الاقل اقعد مع نواف و خالد و لا تقعد لحالك ..
حنان : ما دريت ان الملاقيف حتى هناا ..
وليد : الملاقيف في كل مكان .. و هذول الاثنين حاطين عينهم عليك انتبه .. فاااهم انتبه ..
حنان ما فهمت قصده و سلكت : ان .. ان شاء الله ...
جااا فيصل ...
فيصل : وش فيه ؟
حنان : ماا في شي ..
وليد : انا رايح .. و انت يا فيصل انتبه لولد خالتك لا تتركه لحاله ..
فيصل مستغرب : ليه وش صار ؟
وليد : انت اسمع كلامي و بس .. عن اذنكم ...
رااح و بعده بدقايق جاا نواف ....
نواف : هذا انت هناا صار لي ساعه ادورك و جوالك ما ترد عليه ..
حنان : اييه جوالي صامت ...
فيصل لف و قال بصوت غير مسموع : جااناا النشبه الثانيه ما يمدي نفتك من الاول الا جا الثاني وراه .. >> سمعته حنان ...
نواف : حمووودي تكفى خلنا نتصور مع بعض .. سمعت انك تصورت مع وليد .. انت كاشخ و طالع ولد مز خلناا نتصور ..
فيصل عصب : اقلب وجهك ياا نواف احسن ما اخرب الدنيا فوق راسك ..
نواف : بلاااك انت عصبت .. ما اظن اني كلمتك !
حنان : نواف انت روح و بعدين نشوف ..
نواف : ماني برايح لين توعدني .. حلال على وليد حرام علي ؟!
حنان ناظرت فيصل شوي و ينفجر : خلاااص خلاااص وعد بس روح اللحين ...
نواف : طيييب لعيونك ... >> ثم مشى ..
فيصل : و بعدييييييييين معك انتي .. ناااويه تجلطيني !؟
حنان : لأ .. بس وش تبيني اسوي ...!
فيصل : الحفل كله ذا ما عجبني امشي نرجع البيت ..
حنان : ما بقى شي و ينتهي اصبر ..
فيصل : بسبتك قاعد ألعن نفسي .. ليش اني سمحت لغيري يشوفك .. ليتك تفهمين اللي احسه ...
حنان نزلت راسهاا للارض بزعل : آسفه ..
فيصل مصدوم : تعتذرين ! والله شي غريب ...
حنان : آ كح كح كح كح كح >> جتهاا كحه شديده ..
فيصل يده ع كتفهاا : بسم الله .. وش صار لك ؟
حنان : كح كح .. بروح ... كح .. الحمام –الله يكرمكم- اغسل وجهي .. كح كح ...
فيصل : يا الله امش بروح معك...

ماجد طلع عند البوابه الرئيسيه .. و بلحظتهاا كانوا مجموعة بنات داخلين للفندق .. و هو طالع ... وحده منهم كانت لافه على صديقتهاا و تضحك ما انتبهت على ماجد اللي كان مستعجل .. فتصادموا كتف بكتف ....
....... : وجع !
ماجد : آ آ آسف اختي .. صار لك شي ؟
.... رفعت نظرها لعيونه و طاحت لثمتهاا .. و ظلت للحظه تناظره .... و هو يبادلهاا نفس النظرات ....
....... : انت ما تشوف ؟
ماجد : آسف والله كنت مستعجل ...
...... حطت لثمتهاا و عطته نظره و مشت ...
و ماجد ظل واقف في مكانه ينااظرهاا و مفهي ..
ماجد ~ ما شاء الله هذي البنت كأني اعرفهاا .. صوتهاا عيونهاا .. ياا لبيييييييه ياا عيونهاا بغيت اروح فيهاا .. والله احس اني اعرفهاا ... من تكون و ليه جت الفندق ؟! ..