| 
رد: وش سويتي فينا يا بنت
و طلعواا للحوش الخارجي ... هتان اخيرا حس انه انتصر .. قاعد يردد في نفسه انت ما ينفع معك إلا اهددك بجريمه ....
فيصل وقف : خلاااااص وين تبي نروح بعد !؟
هتان لف عليه و تنهد : انت ما تفهم إلا بالتهديد ! و بعدين وش يعني لك ولد خالتك ؟
فيصل : يااخي مالك دخل .. اش بغيت اخلص ...
هتان : ترى حناا متفقين .. و لا نسيت !
فيصل : أي اتفاق !؟
هتان : لا تتغابى .. انا قلت لك الفصل الثاني بنرجع نطلع سوا .. و لا انت عارف اش رح يصير ..
فيصل : ترى اللي تسويه ماهي برجاله !
هتان : اناا حر .. اذا الرجاله بنظرك كذا ما ابيهاا .. المهم تطلع معي اليوم ..
فيصل عض شفايفه قهر و قبض ايدينه بينفجر من عصبيته : و بعدييييييين يعني ؟!
هتان :هذا اللي عندي يااا تجي ياا تجي ..
فيصل : والله ما انساها لك ياا هتان .. اللحين بسمع كلامك .. لكن اوعدك بعد ما اتخرج لك حساب ثاني معي ...
هتان : هههههههههههههههههههههه يااا حلوك و انت معصب .. يا الله ياا الله امش و اترك الهياط عنك ما يليق عليك ترى ...
فيصل : هييين صبرك علي ...
هتان : لااا تنسى الطلعه بعد العصر و انا بمرك ...
فيصل : ...................لا رد بس مقهور طبعا ..
رجع للصف حاول عمار يفهم منه وش كان يبي هتان .. بس فيصل ما حب يدخل عمار بينهم .. احسن له بعد ... و حنان على وضعهاا لا اسمع لا ارى لا اتكلم ^^ ..
و انتهى اليوم الدراسي على خير ... رجعت حنان و نامت على طول ما تكلمت مع فيصل ابد ....
سريع نجي لبعد صلاة العصر ... يزيد و اخوياه اخيرا وصلوا للشرقيه .. و اتفقوا يتقابلون في استراحتهم .. طبعا مشاري راح يشوفهم لحاله حتى هتان نفسه ما يدري عن جيت يزيد ...
مشاري : يا الله ان تحيهم .. تو ما نورت الشرقيه ..
يزيد : الله يحييك .. بوجودك يا الغالي ...
مشاري : ماا شاء الله جبت كل اخويااك ؟
يزيد : ايييه معليك .. ناوينهاا اليوم بأكبر ساحه عندكم ...
مشاري سحبه على جنب بعيد عن اخوياااه ....
يزيد : ياا رجااال وش فيك ؟!
مشاري : تعاال هنا .. نبي نتكلم عن موضوعنا ..
يزيد : دقيقه دقيقه وين هتان ؟
مشاري : عنده طلعه مع خويه فيصل مو بفاضي لنا .. و غير كذا ما قلت له انك جاي .. و لا ابيه يدري ..
يزيد باستغراب : ليييييه ؟!
مشاري : الأسلم انه ما يدري .. اذا تبي امورنا تمشي خلها بيني و بينك ..
يزيد : ما عندك مشكله ياا ولد ..
مشاري : و اللحين وش هي الخطه ؟
يزيد : تونااا واصلين ياا ولد اذكر الله خلنا نرتاح و نعين من الله خير ..!
مشاري : اللي يسمعك كنك طول الطريق انت اللي تسوق ..
يزيد : ايييه والله اناا .. مووووتري ياا ولد محد يسوقه غيري ..
مشاري يسلك : درينااا ياا الطااره محد مثلك يا الله بس ...
يزيد : رح اشتر لناا شي نآكله ...
مشاري : افااا صرت اشتغل عندكم !
يزيد : يا اخوي من الاصول تعزمنا حنا ضيفانك وش بلاك ....
مشاري : ياا الله سردب .....
و راح جاب لهم اكل و طبعا خلاهم يقطون معه الاخ طفران ^ ......
بالشقه ... الكل صحاا .. و فيصل كان يجهز نفسه .. في أي لحظه هتان رح يمره .... حنان شافته يجهز حاله كابرت لا تسأله على وين .. مع ان ودها موت تعرف وين ناوي يروح فـ قعدت تخمن ......
دق جوال فيصل ......
فيصل : هلاااا ....
هتان : اناا تحت يا الله انزل ...
فيصل : هذا انت ... كيف حبت رقمي ؟؟
هتان : حبيبي لو كنت بآخر الدنياا اجيبك ..
فيصل : خلك ساكت بس ..
هتان : استناك طيب يا الله تعال ..
فيصل : دقيقه و انزل ..
بعد ما سكر .. لا زالت حنان متردده تكلمه و لا لا .... بعدين .......
حنان : انت بتطلع و بقعد انا لحالي ....؟!
فيصل ~ هئ اخيرا تنازلت و كلمتني .. يوم شافت انها بتقعد لحالها بالشقه خافت .. و حتى في هذي مصلحه ..!
فيصل : طيب ؟؟؟؟!!
حنان : ايييش اللي طيب .. ودني بيت امي ع الاقل ..
فيصل ~ عناد فيك ماني موديك .. ما تعرفيني الا وقت الحاجه .. معليه ياا حنو اعرف كيف اجازيك : لأ ...
حنان : كيف يعني لأ ؟؟! ما احب اقعد لحالي و انت تعرف ...
فيصل : لااا ما اعرف شي ...
حنان صرخت : لييييش تكلمني كذا ؟!
فيصل : مدري عنك .. شوفي انتي وش مسويه .. الى احتجتيني تصيري عسل و اذا ما احتجتيني قلتي احب وليد ...
حنان : انت مالك دخل انا احب مين .. انت لازم ما تخليني لحالي ..
فيصل : لا تكلميني ... >> يقلدهاا يوم قالت له لا تكلمني ^ ..
حنان رفعت حاجب : يعني كذا ... طيب يااا فيصل ..
فيصل : هههه ههه .. سي يوو ياا حبيبة وليد ...
حنان مقهووووووووووووره من تصرفه معهاا ....
نزل و هو يضحك على شكل حنان ... ما كانت متوقعه ان فيصل ممكن يسحب عليهاا ...
فيصل ~ خوووفي تكرهني زياااده بعد ... آآآخ منهاا ما درت اني رايح للموت برجولي لعيونهاا ...
و ركب السياره جنب هتان ....
هتان : هلااااا و غلااااا ..
فيصل وجهه للشباك و ما رد عليه .....
هتان : اخبااارك ياا الحووووب ...
فيصل : تراك شايفني اليوم بالمدرسه .. ماله داعي هلا و اخبارك و مدري وش !
هتان : ههههههههه و لو اشوفك 24 ساعه ما أمل و بسألك عن اخبارك ..
فيصل : كذا بتغثني .. و ترفع ضغطي ( فتح باب السياره ) و انا بنزل ....
على طول هتااان حرك السياره .. و فيصل سريع سكر الباب ....
فيصل : مجنووووون انت ؟ تشوفني افتح الباب و تمشي ...
هتان : أي والله اني مجنون .. مجنون بك ياا بعدهم ..
فيصل : تصدق .. شكل موتك على يدي .. و في الاخير انا اللي بروح اعدام ..
هتان : ههههههههههههههههههههههههه و الله تعجبني الى عصبت ..
فيصل ~ يا الله ان تصبرني عليه .. يا الله ان تشغله في نفسه .. ما عنده شغله الا اناا ...
هتان : في ناس متحديني .. و ابيك تعزز لي ..
فيصل : ما عندك مشكله نروح نموت ترى عادي ..
هتان بنظره : الرجاجيل ما تهااب الموت !..
فيصل : أي أي عادي حناا رجاجيل و عشان نثبت رجولتنا لازم نموت و حنا نفحط صح كلامي ..
هتان : هههههههههههه ادري انك تطقطق .. لكن صح كلامك ..
فيصل ~ هذا لازم نوديه مستشفى الامراض العقليه .. أي والله انه مجنون .. ( يتذكر الماضي ) مع انه ما كان كذا .. هو اللي تغير هو ! ..
نرجع للاستراحة اللي فيهاا مشاري و يزيد و شلته .. اثنينهم كانوا قاعدين على جنب بعيد عن الشله .....
مشاري : واللحين بلعت صح .. و عينت من الله خير .. يا الله علمني كيف ...؟
يزيد تربع : اسمع يااا طويل العمر .. عندي خطتين .. مخمخت عليهاا مخمخه مو بصاحيه ..
مشاري : ايييه و وش هي !؟
يزيد : صبرك ياا ولد لا تصير مستعجل .. فيه خطه سهله و فيه وحده معقده ..
مشاري : عطناا السهله سريع ...
يزيد : ابشر .. شوف اول شي لازم اعرف من خوي الولد و اللي دائما معه ..
مشاري : اكيد فيصل يعني مين !
يزيد : حلووو .. شفت فيصل هذا لازم نبعده عنه .. و لازم ناخذ جواله منه ..
مشاري : اييه و بعدين !؟
يزيد : بس اذا اخذنا جواله نرسل لوليد(حنان) من جوال فيصل .. اني انا في المكان الفلاني و تعبان و لازم تجيني ضروري ..
مشاري تحمس : ياااا سلااااااااام عليك .. و انا اللي اعرفه وليد(حنان) غبي يصدق بسرعه ..
يزيد : شفت هذي ابسط خطه .. و اذا ما نجحت عاد نروح للمعقده ..
مشاري : لا لا ان شاء الله بتنجح ...
يزيد : انا كل شي لقيت له حل و خططت له .. بس اللي ما عرفت له كيف نبعد فيصل عن وليد(حنان) ...
مشاري : هذي اتركهاا علي انا اعرف كيف ..
يزيد : اجل تم ...
مشاري : طيب المكان اللي بناخذه له وين ؟!
يزيد : شقة واحد هنا بالخبر متعرف عليه من سنه ..
مشاري : انت واثق فيه ..؟
يزيد : معليك الرجال طيب .. و عايش لحاله بالشقه ...
مشاري : ليش لحاله ؟! وضعه ما يطمن ..
يزيد : ياا اخوي يقول انه جاي من حفر الباطن يدرس هنا جامعه .. و استأجر شقه ..
مشاري : اييييه دام كذا كويس .. ما شاء الله الاخ جامعي بعد .. طيب ما نبيه يكون في الشقه كيف ؟..
يزيد : اتفقت معه على كل شي و بيعطينا الشقه .. باقي بس افكر اش نرسل لوليد(حنان) اذا اخذنا الجوال عشان يقتنع و يجي ...
مشاري : معليك والله انه درج بتمشي عليه أي كذبه ..
يزيد : كوووويس ..
مشاري : متى التنفيذ طيب ؟!
يزيد : بكره الاثنين .. خلك جاهز العصر ان شاء الله ..
مشاري يفكر بشر : دقيقه ليش بكره .. خلهاا اللحين ..
يزيد : ههههههه شكلك مره متحمس ما فيك صبر !
مشاري : يحق لي .. بكشفهاا بنت اللذين ..
يزيد : ههههه من اللحين حكمت انه بنت ..
مشاري : والله من الاول و انا شاااك .. بنشوف بنشوف ..
يزيد ابتسم بخبث : اييه بنشوف .. بس ليش تبي اللحين بالذات ...؟
مشاري : شوف انا اقولك .. قعدت افكر فيهاا .. هتان اللحين اكيد طلع مع فيصل ... ما علينا الا نقنع هتان يسرق منه الجوال ...
يزيد : هنا المشكله .. كيف بتقنع هتان ؟
مشاري : هممممممممم ( قعد يفكر )... ايوووووه لقيتهااا ...
يزيد : هاا وش بتسوي ...؟!
مشاري : اللحين بدق على هتان و اسمع وش بقوله ...
يزيد : يا الله ورينااا ...
دق مره مرتين و ثلاث و اربع ما رد ......
مشاري : عساااه يرد .. خوفي لانه مع فيصل ما يرد و لا يقفل جواله ..
يزيد : وش دعوه ! مو بصاحي خويك ..
مشاري لا زال يدق : ادري فيه من يومه مهبول ... بس رد ..... الوووو ..
هتان : وجع يوجعك ما تدري انا مع مين ...
مشاري : ترى كله فيصل يعني مع مين مثلااا ...
هتان : ماا ابي ازعاج لا تدق .. ازعجت امي .. فارق يا الله ..
مشاري : لحظه عندي شي مهم بقوله لازم تعرفه .. اكتشفنا ان فيصل مخاوي واحد جديد ...
هتان بصدمه : أأماااا عاااااد .. لا تقعد تفتري ...
مشاري : ما افتريت و اذا تبي تتأكد خذ منه جواله بس بدون لا يدري وشوف الرسايل ....
هتان : ما يمديني اقعد افتش جواله قدامه ...
مشاري : انت اسرق الجوال و انا بمرك و اخذه .. و بفتشه لك و بعلمك بالصحيح ...
هتان : اوووكيه .. والله ان طلع مخاوي احد لا اوريه ...
مشاري : ههههههههه انتوا وين ؟ بجيكم ...
هتان : الحاره اللي ورى مدرستناا .. انا بشوف لي طريقه اخذ جواله و انت استعجل ...
مشاري : ابششششر دقايق و اكون عندك ...
قفل منه و هو يضحك .. ضرب يزيد كف بكف ....
يزيد : انعن شكككله صدددددق !
مشاري : شفت قلت لك .. أي شي عن فيصل خط احمر هههههه ..
يزيد : و انت بعد طلعت منت بسهل ..
مشاري : احم احم ... يا الله ابروح اخذ الجوال و اجي .. مع اني احس لو خاطفينه من بيت كان اريح ...
يزيد : ههههههههه اكيد تمزح .. بتوديناا في داهيه انت !
مشاري : ههههههه والله والله اريح .. بس صادق ما نبي نروح في داهيه .. يا الله اشوفك بعدين ...
يزيد : طيب و تكفى استعجل ...
مشاري : هههه شوف من المتحمس اللحين ...
يزيد : ......................
ننتقل لبيت العنود ... عزمت شهد و اصايل على السينما في بيتهم ... و حضروا طبعاا ....
شهد : واااااااااااااااو روووووعه ما شاء الله ..
اصايل : ههههه على كذا كل يوم بسنتر عندكم ...
العنود : ههههههههه حيااكم والله ...
شهد : هاا وش الفيلم اللي بنشوفه اليوم ؟! نبي رعب ياا بناات ...
العنود : وس رعبه انتي ... حبيبتي اناا ابي رومانتك ..>> سوت نفسهاا هيمانه ...
شهد : يااا سلاااام .. وش عندك ياا الرومانسيه ..
العنود : ما عندي شي ... ( ناظرت اصايل اللي كانت مشغوله بجوالها ) وش تسوين انتي ؟
اصايل : اراسل ....
العنود غمزت : حبيبب القلب ؟!
اصايل ابتسمت : لأ .. وحده بتجيناا اللحين ...
العنود باستغراب : مييين ؟!
اندق باب الغرفه .. دخلت الجوهره .... سلمت ع البنات ...
الجوهره : هلااا بكم ياا صباايااا نورتوا ...
اصايل : منور بوجودك ياا جوج ..
الجوهره : تسلمين حبيبتي ... ايييه وش كنتي تبغين .. ارسلتي لي اجي لغرفة السينما !
العنود ~ يعني كانت تراسل جوج ....
اصايل قربت العنود منها : أي ارسلت لك .. عنوووده ودهاا تقولك شي ...
العنود لفت ع اصايل بهمس : وش السالفه !؟
اصايل : انتي وعدتيني امس تصالحيهاا ..
الجوهره : وش فيكم ياا بناات !؟ عنووده انتي فيك شي .. علميني بلييييز ..
اصايل تدفهاا : ياالله اخلصي ...
العنود : خلااااص طيب درينااا ..
الجوهره : ؟؟؟؟؟؟؟؟؟؟؟؟؟؟؟؟!!!!!!!!
العنود : جوج .. انا آسفه .. بصراحه آسفه على كل شي .. و .. و بغيت اقولك .. انو .. انو خلااص نسيت خالد هو ما كان يحبني اصلا .. و .. يعني .. الله يهنيكم .. بس هذا اللي كنت بقوله ...
الجوهره تجمعت الدموع بعيونهاا .. راحت لهاا ركض و ضمتهاا ...
العنود : هههه شوي شوي علي ..
الجوهره : و رب الكون ياا عنووده ما كنت ادري ان العريس خالد ..
العنود : خلاااص والله ما عاد يهمني ...
الجوهره : بلييييييز لا عااد تزاعليني كذا .. حنا خوات و ما لنا غير بعض ..
العنود : ان شاء الله ما عاد فيه زعل بيننا ..
الجوهره ضمتهاا مره ثانيه : ياااااا حبيبتي ...
اصايل تصفق : الحمد لله و رجعت المويه لمجاريهااا ...
شهد : أي والله الحمد لله ...
اصايل : و اللحين يا الله نشوف الفيلم سوا ...
العنود : ايييه يا الله ...
راحت العنود و معهاا اختها الجوهره و قعدوا جنب بعض و سوالف .. من زمان ما تكلموا مع بعض ... ظلت اصايل واقفه مع شهد تناظرهم و هي مبسوطه .....
اصايل : صح بغيناا ننسى !
شهد : وشو ؟!
اصايل : الفشااار .. الله يعافيك .. روحي المطبخ قولي للشغاله تجيبه ...
شهد : ليييييش انا ؟!
اصايل : ياا بنت شوفي الخوات قاعدين مع بعض مستانسين تبين نخرب عليهم عشان فشار ..
شهد : لااا اقصد روحي انتي ...
اصايل : مااا فيني حييييييييل تكفيييييين ...
شهد : اوووووف خلااااص ..
اصايل : يا الله خذي عباتك و روحي و بسرعه ارجعي ..
شهد : و تتشرطين بعد ! الله يعيني عليك ...
اصايل : ههههههههههههههه حبيبتي انتي .. ايييه و لا ترجعين الا و الفشار معك اووووووكيه قلبووو ..
شهد بدون نفس : يصير خير قلبووو ..
طلعت شهد من الغرفه متوجه للمطبخ .. و هي طالعه تتلفت حولهاا تخاف لا يكون ولد عمتها نواف موجود ... و صلت للمطبخ بسلاام ..
شهد : ءء ء انتي ياا .. مدري وش اسمها شغالتهم .. المهم وين فشار ماما عنود ...!؟
الخدامه : انا اللحين سوي ....
شهد : و بعد ؟! ما قد سويتي ؟ .. اووووف و الاخت اصايل تقول لا اجي الا و الفشار معي .. يعني لازم استنى ...
وقعدت بالمطبخ علة جوالها تنتظر الشغاله تخلص ... الى ان ... دخل نواف للمطبخ بيشرب مويه و يطلع ... ما ركز ان اللي قاعده هي شهد لانها كانت معطيته ظهره .. على باله العنود ...
نواف : ماا شاء الله على وين ياا العنود ؟!
شهد شهقت : هئئئئئئئئئئئئ ( تركت الجوال من يدهاا و حطت يدهاا ع صدرهاا ) .....
نواف : بسم الله عليك وش فيك ..؟
شهد تلعثمت و ما عرفت تتكلم .......
نواف قعد مقابلهاا ... تفاجئ انها امو العنود .......
نواف : انتي .. انتي مو شهد بنت عمتي !؟
شهد منزله راسهاا للارض ... ما قدرت تتكلم من قوة الحياا اللي جاها ..
نواف قام : آسف والله على بالي العنود ..
كان بيمشي بيطلع من المطبخ ... ما تدري كيف تجرأت و نادته ......
شهد : نواااااااااااااف !
نواف : لبيييييه ...
شهد ~ آه ياا قلبي قالي لبيييه .. وش اسوي بعمري شكلي ما نسيته و لسا احبه .. لا لا بس هو : ء ء ء آ أنا .. يعني ...
نواف : وش فيك ؟
شهد متردده : بقولك .. بقولك شي ...
نواف : آمري وش بتقولين ..؟
شهد : انا .. انا احبـــــــــــــك .... >> بكل جرأه اخيرا قالتها ...
نواف مفهي : هااااه !
شهد حطت يدهاا ع فمهاا : ما قلت شي ...
جت بتروح مسكهاا مع ذراعهاا ...
نواف عينه بعينه : فهميني .. وش سالفة احبك هذي ..
شهد تناظر يده اللي ماسكه ذراعها : ء ء .. انسى اللي قلته ...
|