شبكة همس الشوق - عرض مشاركة واحدة

15 - 8 - 2015, 10:02 PM

حنان : ان شاء الله ...

نواف مسك يدهاا و صار يمشي قدامهاا و هي وراه .. كان ضااغط ع يدها بقوووه ...

حنان منزله راسهاا للارض .. و لازالت خااايفه و تفكر وش بيصير .. كان كل همها وليد خايفه يشتكون عليها بالشرطه و تروح على وليد ....

و هم مااااشين صاادفوا الشغاله اللي وقفت تناظر بصدمه ....

نواف : اش فيك انتي اش تناظري ...؟

الخدامه : مافي شي سير ..

نواف : يااالله ياالله روووحي .. ( بهمس ) هذا اللي كان ناقص ما حسبت حساب الشغاله ....

الجوهره نادت على الشغاله من المطبخ ......

نواف لف على حنان : يالله خلينا نصعد فوق بسسسرعه ...

حنان هزت راسها بمعنى اوكي ...

و اخذهااا على فوووق ..

نواف : دقيقه اطلع لك ثوب من اثوابي .. صحيح بيكون وسيع عليك لكن شي احسن من لا شي ...

حنان من لما دخلت غرفته و هي مستحيه و خايفه و متوتره : اوووك أي شي ..

نواف : خذي هذا و كل شي تحتاجينه بتلقينه داخل بالحمام –الله يكرمكم- خذي راحتك بالشاور ....

حنان اخذت الملابس من يده : اووووك ..

نرجع لمشاري و يزيد ... بعد ما حنان هربت مشاري حاول يصحي يزيد لكن ما في امل ...اخذه على طول للمستشفى ..... ضمدوا له جراحه و خلوه تحت الملاحظه سووا له تخطيط لدمااغه و ينتظرون النتايج .. حاليا حاطينه بغرفه و مشاري جنبه .. و توهه صحاااا ...

يزيد يتلفت حوله باستغراب : وييييين انااا ؟؟؟ وش صااار ؟

مشاري : ماااا تذكر ؟!!!

يزيد مسك ع راسه يحاول يتذكر : اييييييييييييييه الكلب كان ناوي يذبحني ...!

مشاري تنهد براحه : الحمدلله على بالي فقدت الذاكره بعد ..

يزيد : لأ متذكر كل شي .. وينه الحيوان ؟

مشاري : ماا ادري عنه .. بعد اللي صار حط رجوله و انحاش ...

يزيد : إلاااا اناا ليش بالمستشفى ... ؟؟ صدق صدق ليش انا هنا ...؟

مشاري : تستهبل انت ؟َ! و لا الضربه أثرت على مخك .. يعني ليش عشان نعالجك ... و لا كنت تبي تموت !

يزيد سحب مشاري من ياقته : يااا غبي طلعني من هنااا بسرعه ...

مشاري باستغراب : لييييييه وش فيك ؟

يزيد : احد سأل عن اسمي ؟ طيب انت علمتهم وش صار ؟

مشاري : لأ ما سألوا للحين .. ما علمت احد بشي يقولون بيفتحون محضر و بيستدعون الشرطه ...

يزيد : الشرطه !!!! .. هذا اللي كنت خايف منه .. انا لازم اطلع من هنا بأسرع وقت ...

مشاري : وش فيك انت ؟! ما تبي تشتكي على وليد ( حنان ) ..

يزيد : صاااحي انت ! .. يااخوي انا مطلوب امنيا .. منحاش من الرياض .. تبيني اروح اشتكي بعد .. لازم اطلع و لا بتروح علي .. بسرعه طلعني ..

مشاري : افصخ المغذيات و قم .. اجل مطلوب هاا .. وش اللي بلاني اخاويك ..

يزيد : اللحين بتجحدني .. طلعت على حقيقتك ..

مشاري : والله انت اللي طلعت على حقيقتك .. مطلوب للشرطه و ما تعلمناا .. تخلينا نمشي معك على عماهاا ..

يزيد : اللحين خل نطلع بعدين نتفااهم ...

مشاري : اييه يصير خير .. بس نطلع من باب المستشفى لا اعرفك و لا تعرفني ..

يزيد : كذا الوضع ؟!

مشاري : حبيبي اناا مااابي مشاااكل ... دخلت السجن مره ابوي بغا يذبحني .. الله لااا يعيده من يوم ..

يزيد : امش امش بس يا الجاحد ..

مشاري : سمهاا زي ما بتسميهاا الا السجن ..

يزيد : طيب طيب طل على برى شوف فيه شرطه شي ..

مشاري : دقيقه !

يزيد : هاااه يمدي ننحاش ...؟

مشاري : أي يالله يالله ماا فيه احد بالممر ..

يزيد : كوووويس ..

و قدرواا يطلعوا من المستشفى بسلااام .. و هم طالعين كانوا يتناقشون ...

مشاري : الى هنا تنتهي علاقتنا انا ما اعرفك و انت ما تعرفني ...

يزيد : انت الخسران ...

مشاري : اللي هو .. مالي بالمشاكل ...

يزيد : و البنت وش وضعهااا !؟ تبيني اسامحها على الضربه اللي على راسي ذي .. !

مشاري : والله بتسامحها او ما بتسامحها شي راجع لك .. انا عن نفسي ما عادت تهمني هي بنت هي ولد طابت نفسي ما عاد لي خاطر اتليقف بحياتها ..

يزيد : الله و اكبر .. وش اللي تغير ؟ وين حماااسك ؟!

مشاري : قلت لك طابت النفس .. يالله مع السلامه ...

و افترقوا .. كلن راح في طريقه .. اماا يزيد حاط في باله فكرة الانتقام .... و مشاري للحظه حنان كسرت خاطره لما كانوا بالشقه .. حس بالذنب بس لانهم بدوا بالموضوع ما قدر انه ينهيه .. و اكبر دليل لما ضربت يزيد تركها تهرب مع انه كان بإمكانه يمنعهااا ....

في الشقة عند فيصل .... الولد بينجن .. مو عارف حنان وين ممكن تكون .. و لا هو عارف اش يسوي .. و رقمها مو بحافظه و ما عنده جوال و ما يقدر يدق على امهاا و يسألهاا اذا هي عندها او لا حتى ما تقلق لو طلعت ماهي عندهاا .. يعني وضعه صععععب .. ما غير يروح و يجيب الشقه على امل انها تدق على تلفون البيت .. ما عنده حل الا انه ينتظر .. حتى الشرطه ما يقدر يبلغهم عنها .....

من جهتهاا خلصت الشاور و طلعت ... من خوفها و ارتباكهاا نست حتى تجفف شعرهاا .. اول ما طلعت نواف سرح فيهاا .. ما شال عينه عنهاا ابد .. هي انتبهت و سوت نفسهاا ما تشوفه .. قعدت ع الكنبه اللي بالغرفه بعيد عنه شوي ....

نواف بارتباك : ء ء بعد الشاور .. احسك تغيرتي !

حنان باستغراب : كيف يعني ؟!

نواف : ما ادري احسك صرتي حلوه .. انتي حلوه اساسا بس صرتي احلى ..

حنان صدت وجهها عنه و قالت بصوت غير مسموع : مووو وقتك !

نواف : ء ءءء أي صح نسيت .. احكي لي كل شي صار بالتفصيل ...

بدأت حنان تحكي له الموضوع بالتفصيل من اول ما جاهاا المسج من جوال فيصل لغاية ما وصلت الشقه المشبوهه و في وسط الكلام كان نواف يهزأهاا ليش راحت و هي ع وشك تبكي .. دموعهاا على طرف عينهاا .. اماا نواف كان في نفس الوقت يدور شي بخزانة ملابسه ... في اثناء ماهي تتكلم ... و لقااااهااا ...

حنان تنهدت بقوه : و .. و بس ... هذا .. اللي صار !

نواف ماسك منشفه جاا و قعد جنبهاا بالضبط غرس اصابعه بشعرهاا المبلول .. هي تروعت و قامت بسرعه و ابتعدت .....

حنان ضامه ايدينها لصدرها بخوف >> تعقدت : وش بتسوي ؟

نواف شكلها كسر خاطره : والله ما بسوي شي .. تحسببيني مثل هاذول الكلاب ...!؟ انا بس شدني شعرك جا على بالي ألمسه لاا تزعلي مني بس و شعرك مبلول يجذب ..

حنان : ؟؟؟؟؟؟؟!!!!!!!

نواف : هههههههه اسف ادري اني شاطح .. المهم ( قام و راح لهاا و حط المنشفه ع شعرهاا ) ليييه ما جففتي شعرك ؟

حنان باحراج : ء ء نـ نسيت ...

نواف : فييه عندي مجفف بعد اذا تحبين .. و لا اقولك خليني اجففه انا لك ..

قعدت ع الكرسي و نواف طلع المجفف و صار يجفف شعرهاا .. و كان مبسوووووط مع ان حنان طايحه بمصيبه !

نواف : ياا حبيبتي والله لا اوريك فيهم .. دمي يغلي عليهم .. هذا مشاري داهيه والله ما اسكت له ..

حنان تضايقت : لا تقول حبيبتي .. لا تطيح الميانه فهمت ..

نواف : هههههههه اوك ياا قلبي ..

حنان : نوووووواف مو وقتك والله .. شوف حالتي و شوف انت لا تخليني اندم اني طلبت مساعدتك ..

نواف : خلااااااص والله اسف ..

بعد لحظااات ......

حنان : انا اللي يهمني وليد ما ابي يجيه شي اخاف يشتكون علي ...

نواف : لاااا تشغلي بالك وليد يقدر يتصرف لو اشتكوا .. انتي تطمني لو بيصير شي بنعرف مع الوقت .. انا ابي اوصل لهذا اللي اسمه مشاري لو معي رقمه ...

حنان : وش بتسوي له ؟

نواف : بأدبه اخليه يندم هو و خويه يوم فكروا يلمسونك ..

حنان : ..............

في نفس البيت في غرفة العنود مع البنات دق جوال اصايل ..............

اصايل : بنااات عندي مكالمه مهمه ... بطلع البلكون ..

العنود : ايييه من الحب !

اصايل ابتسمت : ايييه فديته لازم كل ساعه يسمع صوتي ..

العنود : اككككشششخ كل ساعه !

اصايل : قولي ماا شاء الله اوووف اش هذا و بتحسدونااا !

العنود : ماا شاء الله ماا شاء الله نحسدكم على ايش الحمدلله و الشكر هههههههه ..

راحت اصايل ... و ظلت العنود مع شهد .. شهد كانت طول الوقت مسرررحهه و في عالم ثاني ...

العنود : يااا حلووو وين سرحت !؟

شهد : هاااه ؟!.. معك ..

العنود : لااا والله انتي فيك شي .. ترى لاحظت من وقت ما كنا نشوف الفلم ..

شهد : لا لا صدقيني ما في شي ..

العنود : تخبين على اختك ؟! ماا توقعتهاا منك ..