شبكة همس الشوق - عرض مشاركة واحدة

15 - 8 - 2015, 10:15 PM

عمار : لا لا خله هو يطلع .. وشلون بيحس انه تخرج و هو ما صعد للمسرح ...!؟

فيصل : ههههههه عمار معه حق ..

حنان : ابطلع و امري لله ....

كان خوفهاا ماله داعي و صعدت و اخذت هديتهاا و نزلت و الامور زينه و عجا الحفل على خير ....

حنان : عمار عمار !

عمار : هلااا ..

حنان : انت وعدتني تكلم فيصل بخصوص هتان اليوم .. لا تماطل بتساعده هو و هتان و لا لا ؟

عمار : خلاص اللحين اكلمه .. الحياه قصيره ما تستاهل .. و صدقني شفت هتان و حنا داخلين للمسرح .. شكله يحزن ..

حنان نزلت راسه بزعل : أي والله ... ع الاقل خله يفرح بتصالحه مع فيصل اليوم ..

عمار : اوك اللحين بشوف فيصل .. في كلام من المفروض اني قلته له من زمان .. لازم اقوله له اللحين الكلام هذا امانه برقبتي و انا تأخرت ما قلته ..

حنان ما فهمت شي : أي كلام ؟!

عمار : انت انتظر هنا على ما اكلم فيصل ..

حنان : طيب بالتوفيييق ..

و راح لفيصل اللي كان يبارك لزملائه ......

عمار : فيصل .. ممكن شوي ..

فيصل : لبيييه امر ..

عمار : ابيك في موضوع مهم ..

فيصل : اقلقتني وش فيه ..؟

عمار : بخصوص هتان .. لازم تتصالحون بالذات اليوم ...

فيصل : و حتى اننت ؟؟؟! .. اكيد حمد هو اللي قالك تكلمني .. الظاهر ان هتان هذا ساحركم ...

عمار : ههههه لا والله و انا اخوك .. صحيح اني اكرهه و ما اطيقه .. بس عشان هيثم لازم تسامحه و تتصالحون ..

فيصل باستغراب : وش دخل هيثم ؟!

عمار : انا اسسف ياا فيصل .. هيثم قبل يموت كنت انا عنده .. و قال كلام طلب مني اوصله لك .. انا كنت خايف عليك من هتان و ما كان ودي ترجع تخاويه .. خوته غلط في غلط .. فـ ما قلت لك الكلام اللي قاله هيثم ..

فيصل : وش تقول انت ؟ وش الكلام اللي قاله هيثم ؟

عمار : قال ان هتان طيب عيبه الوحيد يغار لان محد اهتم فيه .. قال انا عارف اني بموت .. و قال قول لفيصل يهتم بـ هتان كأنه انا .. بعدهاا .. بعدهاا بساعه جانا خبر موت هيثم ..

فيصل مصدوم : هييييثم قااال كذا ؟ ( يهزه مع اكتافه ) و انا كنت مفكر انه يكرهه .. انت ما تكذب علي يا عمار صح ؟ ..

عمار : لا والله هذي الحقيقه ياا ليتهاا كانت كذب ..انا اسف ما قلت لك .. بس جد حسيت هتان ما لازم يصير خويك ..

فيصل : وشلون تقول ذا الكلام اللحين و هيثم كان دائما يقولي انتبه منه و اتركه .. من الصادق اللحين ...

عمار : ما ادري بس هذا كلامه قبل يموت ...

فيصل الدموع متجمعه بعيونه : اللحين هذي وصية هيثم .. اني اعتبر هتان هو !؟ .. ليييش ما قلت لي .. لييييش ؟! .. يمكن هيثم شاف في هتان شي احنا ما شفناه .. انت شفت كيف انا عاملت هتان كله لاجل هيثم .. حتى يكون مرتاح في قبره .. بالاخير هذي وصاته ...

عمار : اسسف والله اسسسف .. كنت مفكر اني احميك .. بس اصرار ولد خالتك يصالحكم للحظه حسيته يشبه هيثم .. هالشي خلاني افكر كثير و قررت اقولك اليوم ...

فيصل تركه و مشااا ...

عمار : فيييييييصل ! لااا تزعل مني تكفى ..

فيصل : .............. لا رد

حنان شافت فيصل راح .. فـ راحت عند عمار .. : بششششر !

عمار : انحل موضوع هتان .. بس اخاف فيصل يزعل مني و ما عاد يكلمني ..

حنان : ليييشس انت وش مسوي ؟

عمار : خلهااا على ربك ...

أما فيصل طلع من المسرح .. يدووور هتان .. كل تفكيره يعتذر منه .. كان زعلان من عمار .. و زعلان من هيثم نفسه .. لولا وصاة هيثم كان من زمان فيصل سامح هتان .. صحيح هتان غلط على فيصل بس كان فيصل مستعد يسامحه .. اللي منعه هيثم و كلامه ...... ولقى هتان .. كان قاعد مع ولد عمه نايف يدندن و يغني بحزن .....

نايف شافه يناظرهم : هلااا فيصل ...

هتان لف عليه : فيييييصل !

فيصل تنهد : هتاان .. اناا اسسسف على كل شي ..

هتان انهااار بكي دمعته كانت على طرفها : ليييييش تعتذر !؟ انا اللي اسسسف .. انا طول عمري كنت حمل ثقيل عليك و اسبب لك مشاكل ..

نايف تركهم لحالهم و راح .. خاف يتأثر و يبكي قدامهم ....

فيصل : هههه أي والله كنت تسبب لي مشاكل .. بس ما عمرك كنت حمل ثقيل علي .. بعد وفاة هيثم صارت امور كثير و تغيرنا على بعض ..

هتان : انا ما عاد ابي شي .. دائما اقولك و اقولك اللحين نرجع اصحاب و بس ...

فيصل : ابشششر نرجع اصحاااب بس بشرط ..

هتان : أي شي قووول ...

فيصل : اترك شلتك و عيال السوء .. و لا عااد تفحط بالشوارع ..

هتان : و اتركهم .. والله لا اتركهم لعيونك ياا صااحبي .. بس .....

فيصل : ايييش ؟!

هتان : مشاري خويي ما اقدر اخليه ...

فيصل : لااا تخليه .. بس لا تفحط و ابعد عن طريق السوء الدنيا زايله و انا اخوك ..

هتان : ابشر ابشر ..

فيصل ابتسم و صار يناظره و يضحك و هو يتذكر مشاكلهم ....

هتان يبادله نفس النظرات و يضحك معه ...

فيصل : امشش بعرفك على الشله من جديد .. المره هذي كأخ ..

هتان : طيب ياا اخوي يصير اضمك ...؟

فيصل لعب بشعره >> الحركه اللي كان يسويها لهيثم : امش امش لا امردغك ...

هتان : هههههههههههههههههههههه ...

أماا نايف كان يناظرهم من بعيد ارتااااح بااله اخيرااا و هو يشوف ولد عمه يضحك ..

نايف ~ اخيراااا ياا ولد عمي قدرت اسوي لك شي .. اخيرا شفت ضحكتك .. ياا رب ايامك الجايه تكون سعاده و تنسى همومك ...