ياسيـد اسيـاد الهـوى كيـف ابــروق
والصدر ماله في عنى الصبر طوقه
.
كرهتنـي فـي كــل مـطـرود ملـحـوق
لـو كـل حاجـه مـن طرفـك معشوقـه
.
لاتـعـتـذر وتـحــط لاحـلـمـنـا عــــوق
حـلـم المحـبـه مــاش شــي يـعـوقـه
.
مايقـطـع ارزاق المحبـيـن مــرزوق
عـلـم بـهـا الـنــاوي يـــدور وفـوقــه
.
مشروع حبي فيك ماهـوب مسبـوق
عـن سيـرة العشـاق... مكـبـر فـروقـه
.
ياكثـر مافـي الـبـال وانــا ولــد روق
واردع قدم رجلي إليـا جيـت اسوقـه
.
يحـن لــك قلـبـي مـثـل حـنـة الـنـوق
الـلـي عـلـى جــال النـهـر مـاتـذوقـه
.
يسوقها المرزم على ريحة السـوق
ويحـدهـا طــوب بـنـو طــوب فـوقــه
.
سبحان من ميزك عـن كـل مخلـوق
سـلـبـت تفـكـيـري وغـيــرت ذوقــــه
.
قلـبـي تتـلـه لــك طـواريــه ويـتــوق
لـو كـان لـه جنحـان قـطـع إسبـوقـه
.
مدري متى يطري على بالك الشوق
وتـهــز وجـدانــك لـهـايـب حــروقــه
.
غيمة غلانا لو سمـت رعـد وبـروق
الـوصـل مابـلـت ضـوامـي عـروقــه
.
مدري متى من طيش حبي لك افوق
حق التراجـع عنـك ضاعـت حقوقـه
.
الحـب سامـي سـم ....قـاتـل ومـرمـوق
يصدق بهـا الكـاذب ويكـذب صدوقـه
.
في معضم احواله تـذوق العنـا ذوق
فـوق الخـيـال الـلـي عـذابـك يفـوقـه
.
بالله قــل لــي كـيــف تبـغـانـي اروق
والصدر ماله في عنا الصبـر طوقـه