...........
مشغول في غيري و أنا فيك مشغول
وياي واحساسي يقول انت مو لـي
صارحتني واقفيت عني وأنا اقـول
ليته كذب يا ليت ما صـارح بشـي
حاولت أعديها على العرض والطول
بس اعترافك شـي ومبادئـي شـي
وشلون أحبك وإنت متقسم فصـول
يعني معاي شوي ومع غيري شوي
لو كنت تجبرني على شي معقـول
ما قلت لك آسف وأنا الحـل بيـدي
حتى الكﻼم اللي يجي منك معسـول
صرت أسمعه وأقول يمكن ما هو في
مقتول في قربك وإذا غبـت مقتـول
تتجدد جراحي والأحزان هي هـي
كلمه وعنها ﻻ تراجعـت مسـؤول
خذها وتكفى ﻻ تضايق وأنـا حـي
ارحل وسافر عن حياتي على طول
وإن قلت لك ارجع بعد غيبتك عي
|
|