|
قصيدة قلب شاعرك من نوادر سراب الشعر
 
حبيبتـي وينـك سـرى اللـيـل نـاطـرك
واقـف علـى الأطـلال وأقــول ويـنـك
يكتب سراب الشعر حرفن يسـامـرك
و أسترجع اللحـظـات بيـنـي وبيـنـك
أقرى قصيدي فيك وأقـرى خواطـرك
وآقـول يــا قـلـب العـنـاء الله يعيـنـك
أنتي دفاء وأنفاس وإحساس شاعرك
وأجمـل سنينـه عاشـهـا مــع سنيـنـك
دامه هواك العذب وأصـدق مشاعـرك
ودامــه حـيـاة ونــور قلـبـك وعيـنـك
الليـل لا يسـري عـلـى قـلـب شـاعـرك
والـنّـاس لا تُـوقـف مــا بيـنـه وبيـنـك
لـو تسمعيـن النـاس بيضيـق خاطـرك
أكـبـر قـهـر للـنـاس حـسـنـك وزيـنــك
والمشكـلـة يــا فتـنـة الـغِـيـد خـابــرك
لـو مـا ذبحـك الشـوق جابـك حنينـك
صوتك مطـر والمـوت لا هـلّ ماطـرك
اسمـي يـذوب إن مـرّ فــي شفتَيـنـك
الـــورد خـــدّك والمـسـافـات نـاظــرك
والشمـس يشـرق نورهـا مـن جبينـك
جامعك فـي حـدب المحانـي وناثـرك
وقلبـي رميتـه وســط راحــة يميـنـك
أهـم مـن ماضيـك يــا زيــن حـاضـرك
وأهــم مــن شوفـتـك لمـسـة يديـنـك
من نوادر ::
|| سراب الشعر ||
|