 كل ما مريت من حيها والقلب ضام
اسهب النظره على دارها شوق وحنين
خاليه ما غير بيتين لطيور الحمام
شدوا اهل الدار حتى الطيور مهاجرين
هاجس الذكرى على اطلالها حلق وحام
لين وقف بي على اول محطات السنين
اتذكر ضبي ما شفت مثله في الانام
لو يصفون العذارى فلا مثله يمين
اول ايام التلاقي لمحته في الزحام
من يشوفه قال سبحان خير الخالقين
شفتها صدفه تمخطر مع قوم ٍ حشام
آية ٍ في الحسن والذوق والعقل الرزين
حين سلت رمشها كن في قلبي سهام
حسبي الله كيف سسوابي الرمش الحسين
قلت بالله ارحمي من تولع بك وهام
ما معي حيله واضنك بعد ما ترحمين
قالت الا خل عندك حشيمه واحترام
روح دور لك على ناس مثلك بايخين
قلت ما غيرك ملا العين يا بدر التمام
والله اني خالي القلب ومن الصادقين
مقصدي ماهو في اللعب ودروب الظلام
يشهد الله وانتي ارضي بخير الشاهدين
قالت ظروفي صعيبه ومن حولي حسام
وانت ما تدري بسطو السيوف الصارمين
الهوى لعبه وحب الشرف ولى وشام
راحت ايامه مع اهل القلوب الطاهرين
والقبايل تحت حكم العوايد والنظام
والعوايد مثل رآي العرب متخالفين
قلت لا صرنا على قلب واحد ما نضام
بالمحبه نبلغ القصد والقاسي يلين
واتفقنا نحفظ العهد ونصون الكلام
ريثما نلقى طريقه لجمع الحالتين
احكمت قلبي بصك الموده والغرام
والمشاعر في رضا حكمها متقيدين
العنود اللي مواصله لي غاية مرام
فيه انا بالحيل مجنون وجنوني يقين
لو حصل بيني وبينه زعل والا خصام
صرت ما ميز طريق الشمال من اليمين
دنيتي لامن غشاها ظلامن في ظلام
اشرقت شمس الضحى من وجانه والجبين
ارتقينا بالمحبه عن اوحول الحرام
رغم همزات العواذل وكيد الحاسدين
الاماني حلم نبني به اقصور ٍ عظام
والمشاعر نفح جوري وفل وياسمين
ما حسبنا الوقت ما نعطي الوقت اهتمام
السنين تمر واحنا بنشوه عايشين
لين جا لقصور الاحلام بالقاع ارتطام
والخبر زلزل كياني في الليل الحزين
ودنا بالقرب لكن على القرب التزام
سلعه ابن العم حاجز عليها من سنين
تشتكي ودموعها مثل همال الغمام
قالت ان الموت منوه لها في كل حين
في حياتي ما خذلتك بلحظه يا ابتسـ
جيت وسيوف المنايا بوجهي تذكرين
لكن الواقع صدمنا وصدماته جساام
والظروف امست على دربنا متكالبين
يا عسى حظ ٍ تعثر بذاك الوقت قام
وانجلا عتم الليالي وصار الجو زين
والله ان اموت ما انسى غرامك والسلام
نعمة النسيان 'طافت قلوب العاشقين
|
|
|
|