وحشـتن ماهي لغيـرك من النـاس
أنت اللي بس أقــدر أسميــك غـالـــي
أنت الغــلا والشــوق كله والأحســـاس
وأنت الجــواب لغايتـــي ياســــــؤالي
أنت الذهب وأنت الفرح وأنت الألمـاس
وأنت الوحيــد اللي بقلبــه صفـالــي
أشتــاق لك مع كل نسمــه ونسنــاس
وأتــووق لك لاحــن غصــنن ومـــالــي
وأتلهفـــك لاجيـت بالقلـــب عســـاس
وأزدان عشبــك بالضـلــــوع الخـــوالي
من قبـل أحبـك وأنت طيبه ونومـاس
واليــوم كلك صــرت لي رأس مـالــي
حبـي لكـم مالـه معاييـر وقيــــــاس
وغديــركم عنـدي قـــــراح زلالــــــي
ماهـو بحـب أقــلام تكتب بقرطـــــاس
ولاحـب قــدره مرتبـــط بالـريــالـــي
حبــن بنيتـــه ياحبيبــي على سـاس
يحيــط بـك لاهــب بــرد الشمـالــــي
مـالك بهـالدنيـــا مماثيـــل وأجنــاس
ولالـك علــى قلبـــي شريـــك بحــلالي
ياغايتـــي والشـوق بي مثل الأمــواس
يقدبــي بيـن الرجــــاء والوصـــــــالي
إما تجينـــي وأنت قـدرك على الـرأس
وإلا أجيـــك بلهفتــي واشتعـــــــــالي
|
|
الموضوع الأصلي :
نت الغلا والشوق كله وال حساس || الكاتب :
همسه الشوق || المصدر :
شبكة همس الشوق