|
معزتك في ضامري مالها اقياس
 
 والله جمالك شي نادر مــع الناس
سبحان من سواك رب البريه
فيك الوفا والصدق ورقيق احساس
اقولها يازين من طيب نيه
باالله لايطري على البال وسواس
ماجيت ناويبك علومٍ رديه
قدرك وتقديرك على العين والراس
والمصلحه ماهيب تطري عليه
معزتك في ضامري مالها اقياس
ماتختلف مادامت النفس حيه
وان كان عني غبت يادًر ياماس
تبقى المعزه فالزمن هي هيه
واقول ياسيد الرعابيب لاباس
عذرك معك يالجادل الغشمريه
وان صاب ظني فيك يازين الالباس
قلت الوفا ساس القلوب الوفيه
هذا الكلام اللي مثبت على ساس
ان الهقاوي فيك ماهي رديه
كتبت لك من صادق الشعر نبراس
وبينت لك كل العلوم الخفيه
تسريبي الافكار مع كل هوجاس
وانتي هواجيسي بروحه وجيه
قصيدتي من منبع اشعور وحساس
لعيونك الثنتين مني هديه |
|
|
|
|