لو يطول الوقت وتدور السنين
ولو تغيب الشمس ويغيب القمر
ولو يموت الشوق بين العاشقين
وتذبل الأزهار وغصون الشجر
مانسيتك لو دقيقة يا (حنين)
ولاطرى أبعد عن أنفاسك شبر
كيف ببعد وأنت سيد العارفين
لو تفارق قلت روحي والقبر
ماأحتمل فرقاك يا(الترف الحسين)
لا حشا لله مافيني صبر
أنت تدري أنك الحب الثمين
وأنك أجمل ماعشقت من البشر
تدرى أنك لى دواء والله معين
وتدرى أنك فرحة أيام العمر
عشت معك أحلى ليال المغرمين
عطف وأحساس وشعورٍ بك كبر
كنّى أملك معك كل العالمين..!
لو تقول البحر لاقطع لك بحر
بس تشّر بأصبعك جيتك بحين
عاشقك يأتيك في لمحة بصر
والله أنك مدهل الجرح الدفين
والله أنك نظم فكري للشعر
كل بيتٍ لا ذكر وصفك يزين
القصايد فيك منبعها درر
ويش أوصف فيك لو مافيك شين
زينك الخّلاب مصدر للخطر
(البداوه) فى طرف عينك تبين
و(الحضاره) فى طبوعك تزدهر
كل حرفٍ تنطقه صوته رنين
(سمفونيه) صوتك الراقي سحر
(الحروف الأبجديه) لك تلين
كنّها ترقص على (صوت الوتر)
ذوق وأسلوب وثقافة دارسين
الجهل ماظن مرّك لو شهر
(العيون السود) فيها طلقتين
تقتل الأبدان والقلب الخضر
البلا كل البلا بالناظرين
(سحر بابل) في هدبها لا نظر
والقمر كنّه بدى (بالوجنتين)
(صافي الخدين) يزهاه الزهر
ملمسه ناعم يداعب رمش عين
أبيضٍ ناعم بياضه به حمر
و(الشفايف) طعمها سكر وتين
(سلسبيلٍ) يروي العاشق دهر
الغلا ويّاك وداني لفين
فوق (نجم سهيل) حبك بي ظهر
من غلاك أشوف كل العاذلين..!
لاذكرت أسمك يزيد أبها الكدر
لأن أنا ويّاك دايم مخلصين
الغلا بيني وبينك منتشر
لايجي يومٍ أحس أنك حزين
أو تهل العين (عبرات القهر)
أذكرأن (خالد) لك السد الحصين
(فارس أحلامك) حياته لك نذر
فدوتلّك روح (خالد) يا رزين
فدوتلّك بس آمرني أمر
(مستحيل أنساك) ذا عهدٍ ودين
ومستحيل أحبك غيرك ياقمر
دام حبل الوصل ياخلي متين
ما ألتفت بأهل الحكى وأهل القشر