ياطيب حظي كان أنا حلـم دنيـاك
يا اللي تقول اني امانـك وخوفــك
تحبنـي ادري حكالــــي محيــــاك
رعشـة يدينــك وارتباكـة حروفــك
ياللي الوفا هو بعض اصغر مزاياك
حملــي ثقيـل ووافيــاتٍ كتوفـــك
تشيـل همـي دوم كنـي أنـا إيـاك
صارت ظـروفي مو ظـروفي ظروفــك
ان جيت ابحكي عن بهاك وسجاياك
كيف أوفـي اخلاقك وباهر وصوفـك
وان جيت ألاقي لك خطايـا خطاياك
أطيب قلـوب الأرض ساكن بجوفــك
وشلـون مااحبـك وهـذي سوايــاك
وشلون مااهديـك عمري فـــ كفوفــك
ياقلب قلبـي وش حياتــي بليــاك
تسلم عيوني دامهـا هـي تشوفـك
|
|
|