ليس للواقع غير الواقع ذاته
الفراق قاسي ولكنه يصل إلي مرحلة القتل
ما لم يـُعرف السبب
نقول لا نوفق بالفرص
نحب وننسى في كنف الفراق
ولكن الصدف منبه
الذكريات الجميلة .. لحظة اللقاء
تدق القلوب قبل العيون
وتدمع العيون قبل العناق
مدخل
الصدفه اللي مالها أي ميعاد
،، ليت اجمعتنا قبل هاليوم بـ سنين
جريت من حلو الطواريـق طـاروق
يطرب له المقـرود قبـل المطافيـق
تدمع لـه قلـوب المحبيـن والمـوق
طاروق لا كنـه يغيـض الطواريـق
ياتي على در القواصيـد مـن فـوق
يبـري كبـود وينفـرد بالصناديـق
على خشيف ٍ ما هـو بـأي مخلـوق
في مبسمه طب المعنا عـن الضيـق
ياعين حر ٍ زاهي الريـش ولحـوق
سم الحباري / في عيـون المطاليـق
أم السنا / طعـم الهنـا / والتوافيـق
روح المسا/ موت الأسى/كاسب الشوق
عمر الصبا / حلو النبأ / سكر الريـق
خدهـ/ يشادي لمعة السيف وبـروق
عنقه لا يا من قلت عنـق الغرانيـق
رقة قوامـه لا مشـي تقـل زملـوق
وان هب نسنـاس ٍ تميـل الزماليـق
قبل امس قابلته مع طـارف السـوق
فتق جـروح القلـب ويـا المعاليـق
يمشي وكني لا حـق ٍ زولـه لحـوق
من يـوم شفتـه والنواظـر بحاليـق
راع الغرام اللي لحق بيتـه حـروق
اللي أصد ان شفـت بيتـه ولا ويـق
عامين هجرانه بـلا ذنـب وحقـوق
من عقبها نفسـي فـلا ود و اطيـق
قلت السلام وقال يـا حـي منطـوق
وعيونـك الثنتيـن لـيـه نواطـيـق
هاك العذر ياخالد الشوق مـن مـوق
قضّـى غيابـك بالدمـوع المدافيـق
والليٍ لحقني من هلا الكـذب والبـوق
ما هو قليـل ٍ مـن كبـار التلافيـق
خلوني العايق وانـا مانـي بـعـوق
ولا زلت اقدامـي بـدرب العواشيـق
إلا انت خبرني / عسا مابـك سبـوق
عسا بيـوت الحـب عقبـي مغاليـق
قلت الغلا متربـع ٍ وسـط صنـدوق
ما خان من عقبـك عهـود ومواثيـق
مخرج
الشمعه اللي انطفت قبل عامين
،، ولعتها لعيــونك الســـود هالعـام
خالد الدعسان العنزي