 
لــيت الليالي خبّرتني عــن نواياك
من قبل ما اربط مواثيق العهد فيك
يـا ساكن القلب خيبتني في عطاياك
واضميتني يـوم اصبح الملح يرويك
الصد والهجران اشوفها من مزاياك
لجيت اسولف كنــي بالموت اعزيك
عزاه يـــا قلبي وانا اقول اياك اياك
درب الهـوى شـوك يوجع مواطيك
كويتنـي بجمراللضـى واليـوم انعاك
مثــل اليتيم مـن صافي الدمع ابكيك
يــا قلــب خلك عايشا فــي سجاياك
واترك مـن الناس قولهم هذي وذيك
اتعب علـى بنت الاصل اللي تمناك
تجعـــل حياتك هنـــــا وبحبها تفديك
وفيها الانوثه طبع كنها بكــف يمناك
لا تعجبك اللي بضحكة السن تغريك
بياعة للهــــوى عديمة الفـكر تنساك
مغرورة ان اجدبت بلسانهـــا ترميك
|
|
|
|
|