شبكة همس الشوق - عرض مشاركة واحدة

#1 28 - 1 - 2017, 01:08 AM

وشلون أمد الكف والكف مبتور

آخر كلامك قلت لي منت مجبور..
وش رجعك بالله بعدك تبيني ؟!

وصلتها لفراق ولامنت معذور..
أبيع بايع وأشتري مشتريني..

مادام قلبك خالي أحساس وشعور..
ماني بحاجة قلب ماحس فيني..

ماني على خبرك تمثل لي الدور..
ولاني على كيفك تروح وتجيني..

واذا الزمن له جور والحب له جور..
جورك على جور الزمن مبتليني..

ضايقتني حدي وأنا دمي أيفور ..
وكذبت في شيٍ حصل شوف عيني..

كاذب,, أناني,, ميت أحساس,, مغرور..
قاسي,, عنيد,, وياخسارة حنيني..

وشلون أمد الكف والكف مبتور ؟!
من قلبك اللي مايقدر يميني..

وقتٍ مضالك مالفى مني قصور..
ماباقي الا أشيلك براحتيني..

وكتبت فيك حروف وأبيات وسطور..
ليتك تحس وليت قلبك يبيني..

زرعت فيك الكبر وأصبحت محقور..
وأعميت عيني من رفالة يديني..

رفعت من قدرك وواجهت بغرور..
وأول وفاك تروح ماتحتريني..

واليوم ترجع لي عقب غيبة شهور..
ودك تعيد الحب؟! لا ياضنيني

ماعاد باقي غير أوادعك مجبور..
راحت عليك وياخسارة سنيني..

العام قلبي يوم ألاقيك مسرور..
واليوم عقب الود لاترتجيني..

واذا ذكرت العشره بقلب مقهور..
تذكر اللي صار بينك وبيني..

وبعد بعيد وعن فعايلك مشكور..
الربح نفسي والخساره لعيني..

آخر كلامك قلت لي منت مجبور..
والحين أظنك منت مجبور فيني..

الموضوع الأصلي : وشلون مد الكف والكف مبتور || الكاتب : ودعت احلامي || المصدر : شبكة همس الشوق