جمال الطِّير دا شئ ساحرْ..
بطيب خاطر بيفتح باب خيال لينا
يخلينا نبدَّل حالنا في ثانيا
ويَبْحرْ فوق أماكنـَّا وأزمانـَّا
ويَرسم لوحه تَفتنـَّا
تعلمنا آفاق الحُرّ فَ الدُّنيا.

جمال الطَّير دا شئ ساحرْ..
كأنـُّه ربيعْ ولـُه جَنحينْ يطيربعطوره ويزُورنا
يخودنا بذوق ويعلى لفوقْ يدور بينا ويسْعدنا
ظهورُه سرورْ ولحنـُه جَهورْ
وفيه ألوان ما شاء الله بتبهجنا
إله الكون بطير شادي يَفرحنا.

وعندي عتابْ ..
ياريت الطَّير سِلم مِنـَّا..!!
بنظرة عين وحقد دفين وصوت شياطينْ..
تُحوم أفكار لناس أشرارْ ما بين أمرينْ:..
يَصيبوا حَياتًه لو رَصَدُوه بطلق رُصاصْ
ولو مَسكُوه يقضي عُمرُه ف الأقفاصْ.

عليك اللُّومْ ..
يا آىسر كُلَّ طير ف الكونْ
حَرام تَحْبِس كيان لـُه رُوحْ
دا مَهْما يَنول طعام مَعْسولْ
هَوان أسره عليه قاسي وعليك اللُّومْ.

عَفَاكَ الله بفتح البابْ..
كَفاك تَجريح ف طير سَابح لذكرالله
ذِهاب وإيابْ
ماهوش ظالم ولاجاني عشان تملى حياتـُه نُواحْ
ف دنيا براحْ
وأيه ذنبُه..!!..
دا طير شادي
وكل ذنوبُه إنـُّه جميلْ
وانا مَعشوقي زَيـُّه جميلْ
ومَهْمَا هناك يَروح ويطيرْ
يعود للعش من تاني
ويرجع لي وعليه يميلْ.

بقلم الشَّاعر/
د.عبدالحميدالباجوري