وقتي اللي حطني بين نار وبين غار
استدار وضربة الراس دايم موجعه
انت ياللي غرك الحسن محبوبك يغار
من عيون اللي يشوفك وصوتك يسمعه
علم اللي يحسب انه مت الروس الكبار
العلوم مرقعه والفعول مرقعه
الحرار تموت ما تاكل لحوم الحرار
والثعل عند الرعيه يدور مطمعه
عيش ياراسي على العز والدنيا مدار
ما تضيق صدورنا والدروب موسعه
طبعنا من ربعنا وقر وتلقى وقار
وان عطينا ما ندور وراها منفعه
نحسب حساب الكبيره ونحسب للصغار
والخوي لاطاح همة يدينا ترفعه
ما يهم الموت بس المهم الانتصار
والمهم ان الردي ما يرفرف با اصبعه
كم مره لازم اقولها لك باختصار
المقفي جعل ربي بشره يقلعه
|
|
|