ღღღღღღ
لا تفرح إن الوقـت أسعدك واعطاك
لابــد مـن ســود اللـــــــيالي تبكيــك
دنـــــيا تقلـــب علــها مـــا تــولاك
تمسي عزيز وتصبح من الصعاليك
إلى اقبلت تخفي عيوبك عن أعداك
وإلى ادبرت تظهر عيوبك لاهاليـك
اغنم من صروف الدهر كانه امداك
قبل اللحد عن ظاهر الارض يخفيك
وترى التشكي للمخاليق يشـنـاك
يحط من قدرك ويفـرح امــعــاديـك
و كـثرالتـشره يجعل الناس تجفاك
ولا عـاد تلـقى بيـنهـم من يخـاويك
ولا تمادى في زعل من ترضـاك
مادام جاء عاني على شأن يرضيك
ولا تخــاوي من على أبوه بـــــداك
هذاك وان طال الزمان يغدر فـيــك
والـجـاهل احـذر لاتجـادلـه يـبلاك
في كـلـمة بين المخاليـق تعـمـيــك
والهرجه العوجى لو أنها تنصــــاك
حـاول تجـاهـلهـا وخــلها تـعـديـــك
ولاتضيّع هـقـوة اللي تـهـقـــواك
مادام جاء بين المخاليق ناصيــك
واحـذر تـهـزأ يـافـتى بخلق مولاك
تـشـوفـها باقـرب قـريـبٍ يوالـيـــك
ولا تفرح بزودٍ على الحق وان جاك
زودك ترى نقصٍ على حق ذوليـك
وخل القناعه ميزةٍ من مزايـــــــاك
مـع الـقـناعـه كــل شـيءٍ يـكـفـيـــك
وان جت لك الدنيا على غيرمشهاك
اصبر ترى بالصبر تدرك أمانيك
لا تامـن الدنيــا تـرى الوقـت فتــاك
لا جاء القدر كثـر الحـذر ماينجيـك
ღღღღღღ