شبكة همس الشوق - عرض مشاركة واحدة - غصبن عني حبيتها للكاتبهSandra-kas

15 - 11 - 2011, 06:08 AM

البـــــارتــ الثــانــي
حمد:هلا سارة..
سارة:هلا
حمد:وين الشطة..الله يصلحك
سارة:وي لحظة بجيبها لك..
حمد:لا ميحتاج انا بروح سلاام
وسكر الخط في وجهي..قلت في نفسي انا بروح اجيبها احسن.. ورحت المطبخ كان اشوف..اشوف رجال في وجهي نزلت عيوني وطلعت بسررعه..ورحت عند الحريم..وسويت نفسي كنا مصار شيء وقعدت اكل..بمعنى اصح سويت نفسي اكل..
مجلس الرجال...حمد:فيصل وش فيك تأخرت...
فيصل(من هل القمر ذي):هه لا ولاشيء"وهو يمد الشطة" رفع اكمام ثوبه وكل
وفي مجلس النساء بعد مخلصوا الأكل...أم فيصل: والله مكذبت منيرة يوم قالت انك تعرفين تسوين الكبسه..ماشاء الله عليك..
نوف وصيته:كيف؟؟؟"علامات الدهشه في وجهم..
سارة:ههههه أي وش فيكم مستغربين..أنا الي سويته
صيته:ماشاء الله عليك ابدعتي..
سارة بنت متعب:انتي كل شيء تعرفين تسوينه..مع اني نفس عمرك إلا انا معرف شيء..
ام جمعان:من الرباده والكسل ألي عندك..
عفراء"وهي تدلع":هههههه الله يهديك ياخالتي شوي شوي ع البنت..إلا بنات وش رايكم نروح نسبح قبل الشباب..
ام عبدالله:لوين إنشاء الله
عفراء: للمسبح
ام عبدالله:والشباب ان دخلوا عليكم..
ام حمد:متخافين هم ماهم مطولين إن شاء من تجي الساعة 4 يطلعون بسرعة..
عفراء:أي صح كلام عمتي بنطلع من تجي الساعة اربع..
ام عبدالله:روحوا بس لاتتوخروا زين..
عفراء وسارة بنت متعب:زين... وراحوا سارة بنت متعب وسارة بنت مبارك ورغد وريم وحنان وفاطمة
ام عبدالله: ياخوفي بس يدخل احد الشباب عليهم..
سارة:متخافي مرت خالي راح اكلم حمد ولا عبدالله وبلغهم أنهم يقولوا لشباب انهم ميدخوا
ام فيصل:كفوا والله كفوا
استحيت من مدح ام فيصل لي ورحت داخل وكلمت اخوي عبدالله بس جواله ميرد واخوي حمد مقطوع..خذت الشيلة حقتي ولفيتها ع وجهي ورحت وشفت اخوي عبدالله ورحت عنده..
سارة:عبيد.. عبيد
عبدالله"يلتفت لي":هلا سارة وش تسوين هنا؟؟
سارة: ابي اقول لك لاتخلي الشباب يروحون للمسبح"وانا مدري من الي يناظرني"
عبدالله:وليه مدقتي علي بدل منتي جاية
سارة:دقيت عليك بس محد رد..
عبدالله"وهو يتفحص جيب ثوبه":يووووه نسيته في المجلس..خلاص انتي روحي..
سارة"ابتسمت":خلاص مو تنسى"ومزال يطالع بنظرات حاده"
وستدرت ومشيت وفسخت الشال رحت بسكر الباب مشان محد يدخل إلا كان يطيح نظري لمجلس الرجل وشوف ذاك الرجال الي شفته في المطبخ يطالع فيني من بعيد..وبحركة سريعة سكرت الباب...وقلبي عامل قرع طبول من الخووف...
وجاني النووم لاني منمت عدل ورحت استلقيت في الغرفة
في الصاله...ام فيصل في التلفون:هلا فيصل..
فيصل:هلا يمه
ام فيصل:وش فيك..وش فيه صوتك؟؟
فيصل:راسي يعورني عندك باندول..
ام فيصل:لا والله لحظة بسأل سارة يمكن عندها..سارة ياسارة...
سمعت صوت ام فيصل رحت لها بسرعة:هلا يمه وش فيك؟؟
ام فيصل:اسفة يابنتي صحيتك من النوم..
سارة:لا يمه عادي وقتي كله لك..وش تبين يمه سمعتك تناديني..
ام فيصل:ابد يابنتي بس حبيت اسالك ان كان عندك باندول
سارة:أي يمه لحظه اجيبه..
ام فيصل: لحظة سارة عندها بندول انت روح ع جه المطبخ وانا بعطيك اياه..
فيصل:يلا انتظر..سلاام
سارة:خذي يمه..
ام فيصل "وهي تقوم كسرت خاطري"يالله..
سارة:يمه انا بوديه..
ام فيصل:لا..سارة انا بروح
سارة"وانا اجلسه":يمه ارتاحي وانا بحطه في المطبخ وانتي كلميه وقولي له انه ياخذه من المطبخ لطلعت منه..
ام فيصل:الله يعطيك العافية..
ابتسمت لها ورحت المطبخ ولا ادري انه هو موجود... ورن جوالي ورديت:هلا بقلبي..نعم عبيد..اي فيه هههههه"خق من ضحكتي.."لحظة بخليك تمرني وتاخذه بس مو احين بعد 5دقايق..وان كثرت بكون ممنونه..اي سويت لك تشيز كيك الي تحب"وهو يطالع فيني بنظرات حاده وساكت"....يلا سلاااام
وحطيت البندول ورحت من دون ماحسيت فيه ولا في نظراته القتاله
وفي المسبح..
سارة بنت مبارك:يلا نطي ترى مبقى إلا نصف ساعة..
ريم"وهي تجفف شعرها بالمنشفة":لا شكرا..ع مسرح شعري يبيلي نصف ساعة بروح اغير ملابسي..
نورة:اقول سوير طلعي احسن لك ترى مبقى شيء..
وطلعت سارة مبارك من المسبح وغيرت لبسها
عفراء:إلا تعالي رغد اقبلوا سارة الكليه ولا..
رغد:لا..هي بعد متبي..
عفراء:ليه!!!
رغد:مو يعني انها متبي متبي لا بس هي مو ميته إذ مدخلت..
نورة:طب..عادي تقدم السنه الي بتجي..
حنان:هي متبي عادي..
سارة بنت متعب:خلها زيي..
نورة:امحق..
عفراء:إلا ماشاء الله جلابية سارة اختك حلوة ياحنان من وين شريتها..
حنان:شرينها من دبي مدري من الكويت..
سارة بنت متعب:يعني مو من هينه..
حنان:لا مو من هينه..
عفراء:تهبل والله بس متصلح علي لاني سمراء وضعيفة مرة..مو زيها
حنانبغيره:حتى انا علي حلوة لالبستها تصير احلى علي..
نورة:متصورها عليك مدري ليه؟؟
رغد:تبالغين حيل يااحنان انتي متينة حيل بس سارة غير ماشاء الله عليها..
سارة بنت متعب:أي صح..هو يعتمد على الجسم والجمال وماشاء الله ع سارة غير عنكم متشبهكم صحيح انتوا حلوين بس هي غير..
نورة:أي صح..تشبة ميساء المغربي..
ريم"وهي توها طالعه من الحمام"كرمكم الله"يلا بنات تقول امي لازم نطلع دحين لان مابغي شيء على الساعة 4 وحنا لسه مصلينا...
سارة بنت مبارك:تلقين الشباب حدهم معصبين..
نورة:إلا ع طاري الشباب في واحد خقق يهبل اول مرة اشوفة.."تقصد فيصل"
سارة بنت مبارك ورغد يطلون ع الباب ويشفون
عفراء:وجع يلي ماتستحون.."وهي تطالع فيهم ودزهم وهي تطالع"ياااسلاام يهبل
الكل:ههههههههههه
وفي المجلس عند الرجال.. عبدالله:منصور تعال شيل معي..
منصور:جاايك..
ابو حمد:هلا بنتي...هاه مافيه تحليه ولا...بعد..خلاص بخلي جاسم وعبدالله وحمد يشيلون..يلاا سلااام

يتبع...