حبيباتي حابه احكيكم عن قصة اختي مع زوجها وكيف انحلت مشكلتها بشي بسيط بعد ماجربت كل الحلول مانفعت !!
اختي كان في حرررررب طاحنه بينها وبين زوجها استمرت كم سنه وكانت علاقتهم حتنتهي كم مررررره ويتشتتون الاولاد لولا لطف الله بهم
المهم الرجال له كم سنه صاد ونافر منها ولانفع معاه المعروف ولا الدلع ولا الكلمه الحلوه ولا الرشاقه والتزين ولا الخدمه الراقيه ولا البطيخ الاحمرررر
المهم اختي قرأت قبل فتره بسيطة جدا موضوع لاحد الاخوات انها صلت على الرسول وانحلت مشكلتها مع زوجها وفي بنات ايدوا كلامها في الموضوع وقالو فعلا صلينا على حبيبنا الصطفى وفرجها رب العالمين !!
قالت خليني اصلي على الرسول لو ماكسبتها دنيا قطعا باكسبها في الاخره
وجاها الشيطان يقولها افاااا ذحين جربتي كل شي في الدنيا مانفع وبتصلين على الرسول وانتي متكيه على الكنبه وبينفع !!! جاتها وساوس كثيرررر لكن قررت تقاومها
وفعلا مسكت سبحتها وبدت تصلي عليه اهم شي كانت تصلي ( بتركيززز ) وزادات عليها الاستغفار والتسبيح والتهليل والتكبير ولا االه الا نت سبحانك اني كنت من الظالمين وحسبنا الله سيؤتينا الله من فضله انا الى الله راغبون واى دعاء تفتكره
المهم طلعت لها مشكله معاه في نفس اليوم !!!!!!
جاها الشيطان يقولها ها شفتي احتاست حياتك زياده ماقلنا لك مستحيل اغسلي يدك من ذا الرجل خلاص حياتكم مدمره خالصه ....... الخ
وحست باحباط نوعا ما لكن قالت ( الله يجعله خير ) لو ماكسبت في الدنيا قطعا بكسب صلاتي عليه في الاخره
وسبحان الله طلعت هذي المشكله حل لمشكلة السنسن اللي فاتت !!!
ا(لمعذره ما اابي احكي التفاصيل لانها من حياتها الخاصه)
المهم الرجال انقلب ورجع يجري وراها بدال ماهي كانت تجري وراه وسط الظهريه حافيه ههههههههه
لا ويومها وطقته رومنسيه عجيبه غريبه وكلام حب وحركات والله تقول اني تنحت من الصدمه ماتخيلت ثانيه وحده ارجع اشوفها منه لكن سبحان القادر على كل شي !!!!!وصدق حبيبنا المصطفى حين قال يكفيك الله همك و يغفر لك ذنبك
وتأملو معي هذا الحديث (عن عبد الله بن محمد بن عقيل عن الطفيل بن أبي كعب عن أبيه قال للنبي صلى الله عليه و سلم " كم أجعل لك من صلاتي قال : ما شئت .
قال : الثلث . قال : ما شئت و إن زدت فهو أفضل . قال : النصف . قال : ما شئت و إن
زدت فهو أفضل . قال : اجعل لك صلاتي كلها قال :
إذاً ".يكفيك الله همك و يغفر لك ذنبك
وبخبركم شي حصل لي بعد هذي القصه استمريت اصلي على الرسول مع الاستغفار والتكبير والتسبيح اقسم بالله العظيم اان الله حقق لي اامنية من كثر ماكنت متوقعه عدم حدوثها ماطلبتها الامن الله ولا من خلقه لكن كنت اذكر الله وقلت الله بيكرمني اكيد بس مدري بايش ؟؟؟
فليش نضيع اوقاتنا بالشكاوي عند فلانه وعلانه لو بتنفعنا نفعت نفسها وهلكنا لاعمارنا بالهم والغم والحزن والبكاء وطرقنا كل الابواب ونسينا باب القادر على كل شي ! ما اقول الا يارب سامحنا واغفر لنا على مامضى من زلاتنا ويسر لنا كل ماتحب وترضى
لذلك اي امنيه تتمنيها او اي مشكله في طريقك اين كان نوعها لاااااا يهولها الشيطان في نظرك بل قولي هذا اختبار لي وبااذن الله سيؤجرني ربي ويرفع درجتي ويفرجها علي من حيث لا احتسب ..اول باب واعظم باب تطرقينه هو باب الله والحل جعله الله ب ادعيه بسيطه بالله في اعظم من هذا
الكررررم !!!!
م/ن