|
اكتب همومي بالقلم فوق قرطاس
 
أكتب همومي بالقلم فوق قرطاس
وارسم معاناة الجروح الجديدة
القلب وش خلاه مخنوق الانفاس
بين الظلوع العوج ينزف وريده
إلا الفراق وغرة الناس للناس
وبعض السوالف والعلوم المكيده
يا قلب لا تحزن ولا يغلبك ياس
ارتاح واستبشر بلحظه سعيده
أقولها يا قلب لا باس لا باس
لا تقهرك سود الليالي العنيده
اللي ذكر طيبي على العين والراس
واللي تجاهلني تجاهلت سيده
ما همني من باعني دون مقياس
عزيت نفسي والاماني البعيده
أنا كذا طبعي مع كل الاجاس
القلب عزيته وشديت قيده
حوله من الاضلاع حطيت حراس
تحميه من غدر الليالي الشديده
الموضوع الأصلي :
اكتب همومي بالقلم فوق قرطاس || الكاتب :
الــســاهر || المصدر :
شبكة همس الشوق |