.
جريت صوتي على لحنٍ يجرونه
الين بانت علومٍ كنت مخفيها
راع المحبه يبين الحب بعيونه
تلقى على لفتت عيونه مواريها
لي صاحبٍ راح معْه الروح مرهونه
بشيّب و عشرته ماني بناسيها
يا ناس لامن بغا شي لا تردونه
عشانه العالم ازْعلها واراضيها
وان ضاق حاكوه يا اهله لا تخلونه
ما اعرف سبب علّته واعرف اداويها
عساه ما يْحب ناسٍ ما يحبونه
واصحاب ما تنبغا والخير مو فيها
وعساه ما يبتليه الوقت بطعونه
اللي يمر البشر ويبذ خافيها
ويا هنيّكم يا هله بالصوت تدعونه
ودعوتي لو علت ماهوب يوحيها
واقول يا قل حلاة الوقت من دونه
وارجع اراجع سواليفه وماضيها
ويا مل قلبٍ تعنّا و جفّت غصونه
من عقب ما وقّف الما من سواقيها
اخبار ليله تبين بصفحة اجفونه
روحه على ذكريات الامس مشقيها
ما فيه ناسٍ عن الذكرى يسلونه
دايم على باله الفرقا وبلاويها
|
|
|
|