ويش انت تبغي بي .. معا طاري النوم
طيفـك يبيتنـي .. ولابـه منآعـه ؟؟
احط خدي شوي واطريك . . . واقـوم
ويغزي السهر عيني ولآبه .. فرآعـه
اسري وادور خط ماهـو بمزحـوم ؟؟
واقول للهاجوس .. سمعـاً وطاعـه ؟؟
من غبت حآفظ لك وسط جوفي البـوم
مآ آغير آقلّب بالصورّ . . . كل ساعه
وجهك على جـدار المعاليـق مرسـوم
عين المهاه .. وخـد يبـرق شعاعـه
عز الله ان النـآس معطـى ومحـروم
فلان شآري فـلان وفـلان .. بآعـه
غدآ بك الوقت الـردي جعلـه القـوم
والروح عقبك عايشه ... في مجآعـه
غذيتهآ .. دمع وتناهيـت .. وهمـوم
والقلب لآ غذي مـن الصبـر زآعـه
اي والله احبـك لا ادري وش آلــوم
الوم وصلك ولا الـوم .. انقطاعـه ؟ ؟
بآحلّفـك بالله .. هـو يقبـل السـوم
قلب ً ما صدّق فيك .. هـرج الاشاعـه
واحلّفـك بالله .. والقلـب مضـيـوم
متاك تنسى عاشقـك .. وارتياعـه ؟؟
حبك بكـوم .. وصـدك التالـي بكـوم
فلّيت لجـروح الليالـي .. شراعـه ؟؟
انا كان ما يجيبك سوى جرح وسهـوم
إجرح ويفدآآآك الحشـآ .. والتيآعـه
قصآيدي بآسمك .. سبت كـل مهيـوم
لين فضحتني .. في عيـون الجمآعـه
ياللي توآصل يوم .. وتغيب كـم يـوم
غلاك في نقصان .. عقـب ارتفاعـه
سكين غدر الوقت .. قاتـل ومسمـوم
ويالله سترك .. من طعـون البشاعـه
متسحرك قلبي .. ولا فادك بـك صـوم
مآ كني أوصيـك .. واقـول رآآآعـه
مابه على دنيا الفنـآ .. حاجـه تـدوم
واكبر دليل .. الحب .. ضعت بضياعه
يا ليل .. وش سرآك في قلـب مظلـوم
منت برفيـقً لـي ولا لـك .. وداعـه
سريت متثبـت .. وذا الحيـن منجـوم
وش يرحم المشتآق .. والشوق لاعـه
فيا من .. تقول ان الحكـم دايمـه دوم
وش رايك إن الضد .. يصبح ( قناعه )
ركز معي .. وآسمع مفآهيـم وعلـوم
عشآن تدري كيف حَبْـك .. الصناعـه
الخبث في الاعدآء .. ما يلحقـه لـوم
والكذب لجل الوصل .. ينهي القطاعـه
وطعم السهر بالحب آحلى مـن النـوم
والذل من فرقـآ المحبـه .. شجآعـه
يعني آكون آغليك .. وآعيش محـروم
احسن من جروحك علـي كـل ساعـه |
|
|
|