شبكة همس الشوق - عرض مشاركة واحدة

#1 6 - 5 - 2020, 02:07 AM

يالبــى قـلبـه كل ما قــال لبـيــــه
.............. ويالبى صـــوته كل ما قال لي هــاه
بالحالتين إن ترجمت شفتـه إيـــه
.............. أضــيع مـن كلي وادورنــي ما القـاه
يشــل عقلي كل ما جيت أحاكيـــه
.............. وأنسى أني أصلاً كنت في شي أبغاه
أذوب في حرفـه وصوتــه يحليــه
.............. واللي يجنـــني إذا حـــرّك إشـــــفاه
وتعانقت من نشــوة الشـوق والتيه
.............. وش حيلتــي غير التناهيـــــــد والآه
يضماه سمعـي وانتظر لين يرويــه
.............. والمشكله حتى وهو يمـــي أضمــاه
حُبــه مثل طـيرٍ يبـي بيتٍ يأويــــه
.............. وانا ادري انـــه داخـل القلب مـــأوآه
وحـده بقلبـي دوم محـــدٍ يســـاويـــه
.............. وانا بقلبه طـــول هالعــــمر أمــــلاه
يذهـل شعـوره مسمعــي كل مدعيــه
.............. كـني على ضفة بحــر يحتري مـــــاه
أرقــب طيوفــه كل ما زارنــي فيــه
.............. ويدق قلبــــي كل ما مــرّ طـريــــــاه
وإن حظّنـي وقتي بشوفــه اداريــــه
.............. عن كل مخلــوقٍ يضــره وانا معـــاه
ما ودي حتى الشــوك تلمس برجليـه
.............. واغـــار من نسمــة تـداعب محيــــاه
والـــود ودي وســط عيني أخلـيــــه
.............. والحـفـــه رمشـــي وبالعـين أدفـــــاه
واضمه بصــدري وألمــه واراعيـــه
.............. واقبّـلــه من هـامـتــه لين ما طــــــاه
يعيـش بــي حلـمٍ سـرقنــي بيديــــــه
.............. واعيش به واقـــع مَلك كل ما جــــاه
لين أوصــل بشوقــي لحـده واناديـه
.............. واحـاول القانــي وانا ضايــع ويــــاه
ويــرد لي من رقــة إشفــاه لبيـــــه
.............. واضيــع من ثاني وأنا اقــول له هــاه

الموضوع الأصلي : يالبى قلبه كل ماقال لبيه || الكاتب : نجوم همس || المصدر : شبكة همس الشوق