البارت 129


رائد التفت لها وبهمس : مابخليك عندهم
ريتان بشك : وش تقصد ؟
رائد ابتسم : مابيجيك شيء اوعدك بتطلعين من عندهم سالمه
ريتان بأستغراب : كيف
رائد قرب لها ومسك راسها وقربه له وانحنى وثبت شفايفه على جبينها
غمضت عيونها ورفعت كفوفها وتمسكت ببلوفره : رائد
رائد ابتعد شوي وهمس : استودعتك الله
ريتان تجمدت ملامحها : رائد
قرب لها وببحه : برجع لك ، وعد
نزل كفوفها المتمسكة فيه وابتعد للباب وهو يكلم راشد : تتوقع لو رامز يقابلنا وش بيسوي
راشد ضحكك : اتوقع ؟ مايحتاج اتوقع انت تعرف اخوك اكثر مني بس تصدق ؟!! ترى رامز
انقطع كلامه من سمع صوت الباب وحس بهواء قوي يضرب بالباب ويتقفل
التفت بسرعه وانصدم في ريتان بس تكلم بسرعه : ارجع ارجع
السائق بقلق : ما اقدر منعطف والسيارات
ورانا
راشد بسرعه اتصل على المجموعه اللي
وراه : رائد هرب فتشوا المكان لا تجون الا وهو معكم
اختفت السيارات اللي وراهم وهو يجهل اي جهه هرب لها رائد
التفت لـ ريتان وضحك : تدرين ؟ غبي مره كل المكان في كاميرات
ماجبناكم هنا الا واحنا ضابطين الوضع كسرتوا خاطري صراحه
هههههههههههههههههه
ريتان صدت عنه وهي تضم كفوفها لبعض بخوف
السائق : كم رقمه اللي نوقف عنده !
ريتان التفتت لهم بسرعه : كانت مستودعات كثيره ومتفرقه
راشد بهمس : الخامس ماتشوف الاضاءه ؟
اتجهوا له ونزل راشد وفتح لها الباب : انزلي
ريتان تجمدت بخوف : بعد عني
راشد ضحك وتكتف : مدلعه
بعد عن الباب ونزلت ريتان وهي ترجف
من الخوف
اشر لها : امشي قدامي
مشت وعيونها تتأمل المكان الباب بس عنده سبعه حراس والسائق وراشد يارب وش الحل الحين !
دخلت و وراها راشد وقفت بصدمه من شافت رامز واقف ومبتسم لها : هلا هلا من طول الغيبات جاب الغنايم ..

رجعت خطوه على وراء وقرب لها وهو يبتسم بخبث : ايه وش عليك ؟ خايفه مني والا خايفه بدون حبيب القلب
ناظرها لثواني بحده وهو يهمس : ابي اعرف ليش كلمتيني ليش !؟ دامك تبينه وعايشه معه
حُب وغرام تلعبين علي وعليه صح ! وهو صدقك زي الغبي ترى دائم اخوي كذا حنون اكثر من اللازم صح انه مفهي احياناً
واحياناً اكثر يسوي نفسه قوي ومايهزه شيء بس ترى ضعيف والدليل انه مال لك لو فيه خير كان رماك زي الـ
سكت وهو يبتسم اكثر : ماينفع اكمل توك صغيره على هالالفاظ واخوي ماعرف يتصرف معك بس يراكض فيك من ديره لديره المفروض جلس معك وفهمك ان الحياه
مو لعبه ان الحياه اخذ وعطا المفروض قال لك
ربي اخذ ابوك وبيعطيك رامز
ريتان ضحكت : لا والله !
احلف ي شيخ ! ترى انت اللي قتل ابوي ما مات من نفسه
رامز رفع ايده يحك جبهته وهو يكشر : شوفي قتلته مابكذب لكن
ماتمعنتي بالمثل اللي يقول
" لو صبر القاتل على المقتول لـ مات وحده "
يعني يومه مكتوب ومحدد انه يموت
مو ذنبي ترى استغفر الله تحطون الواحد غصباً
عنه في المشكلة انا شدخلني هاه ! شدخلني
صد عنها وهو يتأفف : اعوذ بالله تطلعني من طوري غصب
ريتان متجمده بمكانها بصدمه من كلامه وش يقول ذا ؟ بعد كل هالوقت مو مقتنع
انه قتل ابوي ؟ وجاي يقول ربي اعطاني لك هديه
هزت راسها بالنفي وهي في دهشه من كلامه
رامز التفت لها : على العموم اخوي انتهت قصته معك مجنون ولا عليه منقود إن شاء الله بس ما فضحنا معك او سود وجيهنا ترى ناقص عقل لا تلومينه
ريتان تناظره وساكته
رامز رفع كفوفه ع فوق : من اليوم ورايح انتي هنا ، لي انا تنفذين كلامي انا بدون اعتراض بدون اي عناد بدون قلة ادب
ترى اهم شيء عندي الاخلاق ابي اخلاقك زينه ونفسك شرحه وصدرك وسيع تضحكين وتسولفين ما ابي وحده مكشره ونفسها في راس
خشمها هاه ترى علمتك ..