البارت 131


ابتعد عنها وهو يتأوه بألم : اففف شريره
رفع كفوفه لوجهه ومسحه ببطء
ورجع يناظرها : الوقت معي بيربيك صح وبتتأدبين
مسك ايدها بقوه وسحبها معه وهو يطلع من المستودع ويرجع للمستودع اللي قبل
والرجال والحراس صاروا اكثر
ونظراتهم لريتان تخوف
دخل واتجه لباب حديدي وفتحه وسحب ريتان ودفها داخل
التفتت في المكان بخوف
مقفل ومافيه شبابيك
والباب حديدي
رامز تكتف وهي يناظر شعرها
اللي على الارض : هذي غرفتك اذا طفشتي وقررتي تسلمين نفسك لي وتعامليني بأدب واخلاق زينه وتبوسين رجلي طلعتك من هنا
لا تنسين ترى انا تاج راسك رامز مو رائد خادمي اللي مسكك لوقت قليل وسلمك لي وهرب زي الغبي انتبهي انتي تتعاملين مع من ، وبالنسبه لشعرك قصيته لاني مابيه المهم
اذا قررتي القرار الصحيح كلميني فاهمه !!!! وخليك ساكته وراجعي نفسك وحركاتك ..
_

ريتان تأففت وهي ترجع لواقعها : مرت ثلاث ايام معقوله مامسكوا رائد
والزفت هذاك " تقصد رامز "
غريبه ماطلّ بوجهه علي
تنهدت بقوه وهي تتربع على الارض وتاخذ كوب الماء وترشف رشفه : لو خلصت المويه بيجيبون لي !
بعناد لنفسها اخذت الكوب وارتشفته كامل
ووقفت بسرعه وقربت للباب : هييييه
ضربت الباب بقوه وهي تنادي عليهم : افتححححوووا
انفتح الباب وظهر راشد امامها : نعم !
ريتان : ابي مويه
راشد ابتسم ببطء : طويل العمر مانعك من الاكل بس المويه مابعد قال شيء فيه خُذي هذي رحمه مني ترى ولا انتي
ماتستاهلين
رمى علبة مويه ع الارض وقفل الباب بوجهها وهي متجمده : ححححققيييير
ابتعدت عن الباب وجلست وهي تناظر الباب بشرود جاهله مايحدث خلفه .


يوم جديد..

في الرياض .
خرج خالد من شركة ابو الماس واتجه لبيته بعد ماعرف انه ماداوم
من امس وهو متوتر ومايدري وش
يبي فيه لا يكون معصب لايكون عرف عن علاقتي
في ختام ؟
كيف اشرح له انه حُب طاهر بريء بمجرد وصوله لبيت ابو الماس
فتحت له الشغاله ودخلته
لمكتب ابو الماس وقالت له ينتظره رجع راسه على وراء وهو متوتر
وقلق ومرتبك
انفتح الباب ودخل ابو الماس وهو يبتسم
: الله حيه
وقف يسلم عليه وباس جبينه : مبارك عليك الشهر
ابو الماس : علينا وعليك ي ابوي ، تفضل
جلس خالد وهو يفرك كفوفه ببعض بأرتباك
ابتسم له ابو الماس : كيف يومك ! والصيام
خالد : تمام
ابو الماس يفتح مجلد عنده : وكيف سفرتك انت وختام ؟
خالد بهتت ملامحه : كويسه
ابو الماس رفع نظراته لخالد : وكيف ختام ؟
خالد بأستغراب وتوتر : مافهمتك !
ابو الماس ضحك : كيفها عسى ماتعبت
خالد ارتاح شوي : لا لا ماتعبت
ابو الماس لبس نظارته الطبيه وطلع الاوراق قدامه : خالد انت
وحيد امك وابوك ماعندك اخوان صح
خالد بصمت ناظره وهز راسه بالايجاب : عندي اخت بس
ابو الماس : اقصد اولاد
خالد : لا ماعندي
ابو الماس بتفكير : طيب كيف صحة ابوك ؟
خالد سكت لثواني واردف : جيده نوعاً ما
ابو الماس : عنده زهايمر صح
خالد بلع ريقه بربكة : ايه بس كيف عرفت
ابو الماس بغموض : وامك ؟ مقعده ماتتحرك
صح ؟
خالد انخطف لونه وهو متوقع ان ختام قالت له : ايه
ابو الماس تنهد : وعندك قرض لابوك انت حالياً اللي يسدده ولو ماتسدد بياخذون البيت
خالد جمدت ملامحه
وش عرفه ! ماقال لختام !!؟
ابو الماس ابتسم من لاحظ اختلاف ملامح خالد : طيب عندي عرض مساعده لك
خالد وانفاسه تضيق : وش ؟
ابو الماس ببطء : تتزوج ختام واسدد القرض
خالد توسعت عيونه
بصدمه ...