اابارت 132


في صالة الجلوس
جالسه ومقابله الماس يسولفون ويحشون في مروان صح انه خال الماس لكنها تكرهه تحس انه اناني وحقود اكثر
من الطبيعي حتى
قربت لهم الشغاله تنبههم ان خالد
في المكتب
الماس بروعه فزت واقفه : انا بطلع فوق قبل يجيء
ركضت لغرفتها وختام ما اهتمت بالعكس
ابتسمت وحطت رجل على رجل
وجلست تنتظره وهي تحمد ربها انها وافقت تنام عند الماس امس لولاها ماكان بتشوفه
انتبهت لباب المكتب ينفتح ويخرج وهو ساكت وملامحه ساكنه ولونه مخطوف
وقفت وقربت له وهو شارد مو معها
مر من جنبها وطلع لحقته
بسرعه وهي تناديه
اخيراً التفت لها وبمجرد ماشافها تنهد تنهيده حست ختام انها من قلب
ابتسمت له بحرج : شفيك ! اناديك ما ترد
خالد ابتسم لها : صايم وتعبان شوي تامرين بشيء
ختام هزت راسها بالنفي : سلامتك
خالد : عن اذنك
صد وخرج وهو يكلم خويه وليد يجيء
ياخذه وارسله العنوان
ظل واقف تحت الشمس ويفكر بكلام ابو الماس ومصدوم منه يزوجني اياها !
غمض بقوه وهو يتذكر اخر كلامه وهو طالع
من مكتبه " ترى العرس والقاعه والمهر علي "
هز راسه بالنفي وهو متوتر
ابتسم بخفه من شاف وليد وقف قدامه
: ياهوه اركب وش تسوي بذا الشموس !
خالد ركب وعدل المكيف لجهته : الشغل والحاجة نعنبوها .


في تبوك ..

مستلقي على بطنه مقابل الـ. Tv
وهو شبه نايم ينتظر العصر يأذن عشان يصلي ويرجع ياخذ غفوه
قبل المغرب
عقد حواجبه من شاف رُبى واقفه قدامه ومتكتفه وتبتسم بخبث :
وش فيك منفس !
عُمر اشر لها : ابعدي عني
رُبى : ترى رمضان مو بس نوم واكل قوم اقرأ قران
عُمْر : مو بحاجة كلامك روحي عني انا دايم اقرأ وقت صلاة التراويح
ربى : طيب
وقفت وابتعدت ثواني ورجعت له : اقول روز ماعلمتك بشيء
عمر : لا زعلانه لاني مارجعتها امس تاخذ جوالها
انقلب على ظهره وناظرها بنص عين
: تبين الصدق ؟ اختك تجيب الضغط
رُبى ضحكت : طيب شرايك فيني انا ؟
عمر رفع جواله يناظر الساعه : مافي اخس من روز الا انتي
ربى كشرت : احسن وانا اللي جايه بقولك علوم تفرح
قامت وراحت للمطبخ وهو عاقد حواجبه يفكر : علوم !!!!
طرى في باله الجمعه امس وام سعاد اكيد تقابلوا فز جالس وبسرعه وقف وركض للمطبخ
دخل وشاف امه تلف سمبوسه وتستغفر
رفع حاجب وقرب لها : يمه وش صار عندكم يالحريم امس ؟
ام ريتان رفعت عينها له : ولاشيء بس ماكلمت اختك ! ترى قلبي مو مرتاح
عمر : ماعليك زوجها رجال بس هاه وش صار امس ؟
ام ريتان بصبر نزلت الحشوه من يدها وناظرته : وش بيصير يعني مسكوني هالحريم وتحلفوني اتسامح انا ونوير قطع الله ذاك الوجة وتسامحنا وايه ترى عزمتهم اليوم عشان صدق يحسون اني رضيت
بجهز لك فطورك واطلع افطر في اي مكان المهم اطلع من البيت لو جلست بيظنون انك ميت على سُعاد
عُمر ابتسم وضحك وباس
راسها : فديتها اللي تسامح كفو يمه والله انك كفو
طلع بسرعه من المطبخ
والنوم طار
وخرج من البيت كامل للسوق يجيب حلويات من برا وشوكلت وعصاير
سُعاد بتجي واول يوم رمضان
الله ! وش زين هاليوم الحمدلله الحمدلله
مر الوقت بسرعه ..