البارت 133


بين عباده للبعض وشغل وتعب لاخرين ونوم للاكثريه ارتفع اذان المغرب واجتمعوا عائلة ابوريتان على السفره
اول رمضان بدون ابوهم
ابتسامات باهته ونظرات ضايعه لبعض
ابي حبيبي
يرق قلبي عليك دائماً
اظهر الثبات وكأن الحياه لم تصدع
جدران قلبي بالبرد
كأن قسوتها الواجمة بفراقك لم تكن
تؤثر في صلابتي
بمحاولة لتغيير الجو الذي اتضح
فيه قسوة الفرقى ..

تمتمت ام سعاد وعيونها تنتقل بينهم : ساره اذن ماودك ترحبين فينا ؟
ساره " ام ريتان" تنهدت
ورفعت سبابتها تمسح دمعه متمره انهمرت من عينها : الله يحيكم ويزين مجالسكم تفضلوا حياكم
ابتسمت ام سعاد : الله يبقيك
وبمحاولة لتغيير الجو : ذكرتيني بـ سعاد الله يصلحها عزمت وحده
من صديقاتها وجات البنت وسولفوا
وضحكوا وراحت وهي ماصبت لها قهوه شوي الا تجيء عندي ي امي
انا ضيفت البنت وما اعطيتها قهوه اعطيتها عصير على التمر من بعدها وانا غاسله ايدي منها
ضحكت ام ريتان وعيونها ع سعاد : افا نسيتي ضيفتك ؟
سعاد بحرج وهي تنزل فنجان القهوه من يدها : شسوي وربي راح عن بالي
روز ضحكت : عادي يمكن ماتشرب قهوه
سعاد ضحكت : والله مدمنه عليها لكن استحت بعد عمري
ارتفعت ضحكاتهم وبدوا يسولفون ويكملون فطورهم .


في بيت ابو خالد ..

انتهى من الفطور واستلقى في الصاله بالعرض مانع ولد بُشرى من المرور للجهه الاخرى
وكل ماقرب منه الولد دفه برجله
بُشرى بتنهيده : خويلد حرام عليك
ام خالد بنظرات طويله : خالد معصب وخاطره ضايق والا ليش يناشب هالصغير يبي يحط حرته فيه
ضحك خالد بضيق وجلس وهو يمسح وجهه ببطء : عندي علم
ام خالد بترقب : عسى خير
خالد تربع وابتسم : خير إن شاء الله
التفت لبشرى وضحك : انا بعرس
بُشرى شهقت : اعقب
ام خالد تجهم وجهها : وشو ؟ ماعندك لا وظيفه ولا مصدر دخل وش بتسوي ؟
خالد ميل راسه ع جنب : انا خطبتها
من عمها ووافق والمهر جهزته وامور الخطوبه عليهم والى وقت الزواج
بكون جهزت نفسي واسوي عاد الحفله الكبيره على حسابي
بُشرى بنص عين : عمها وافق ؟ من تقصد ؟
ام خالد : نعرفها
خالد هز راسه بالايجاب : ايه خِتام
ام خالد شهقت : ووه ي عمري
خالد التفت لها : ماتبينها ؟
ام خالد ابتسمت : والله ابيها وزين مااخترت لكن تتوقع توافق عليك انت حلو ومزيون فديت زولك
بس خلني صادقة والله مامنك فايده بالنسبه لها
ضحك خالد وغمز لها : سحرتها وبتوافق
ام خالد : كلمتها انت او باقي ؟
خالد : بكلمها اليوم
ام خالد : زين الله يوفقك
خالد ابتسم لها ووقف وقرب لها يبوس راسها
عقد حواجبه من سمع صوت الجرس يرن
بُشرى ابتسمت : افتح افتح اكيد عبودي فديته
خالد بسخريه : عبودك ! في عينك إن شاء الله قليله ادب
اتجه للباب وهو يتحلطم من بُشرى وزوجها عبدالله
فتح الباب وتكتف : خير ؟
تجمدت ملامحه ووقف بأعتدال : ختام !!