البارت 134


خالد : ختام !!!!!
ختام ابتسمت له : ايه ابي نطلع بسرعه اذا جاهز خلنا نمشي
خالد ناظر وراه وشاف ولد بشرى يضحك بخبث ويركض للصاله
ووصله صوتهم : خالي خالد عنده بنت
خالد ضرب جبينه بقهر
وختام عضت شفتها : ماكان مفروض يشوفني صح !
خالد تنهد : ادخلي ادخلي
ختام بضيق وعيونها بعيونه : ماقصدت
والله
خالد ابتسم : يابنت الحلال ادخلي خاربه خاربه اصلاً
ختام ابتسمت بتوتر ودخلت
وخالد وراها : رحبوا بالضيفه
بُشرى من شافتها ضحكت : هلا والله
ختام ضحكت لها وقربت لام خالد تبوس راسها وانحنت باست كفها
وهي تتكلم بدلع فطري : اشتقت لك
اشتقت اشتقت اشتقت
ام خالد بحب : ياجعلني فداك يمه
بُشرى وقفت وبين كفوفها بنتها : مالت عليك ماتشوفين الشيوخ ؟
ختام وقفت بدهشه : وش ذا ؟
بشرى ضحكت : بنت بيبي ماتعرفين ؟
ختام قربت بهدوء وبرقة قربت اصابعها وتلمست وجهها البيبي :
واي تجنن وش اسمها ؟
بشرى بخبث رفعت عيونها لخالد : باقي
ماسميتها بس خالد اختار اسم ومحتاره
فيه
ختام بلهفه التفتت لخالد : وش ؟
خالد انحرج وصد عنهم وطلع قبل تزعل منه امه
ختام بفضضول : وش بالله ؟ قولي
بُشرى ضحكت : سلمي علي واعلمك
ضحكت ختام وضمتها وابتعدت عنها وهي تتكتف : هاه ؟ شنو
بشرى وعيونها بعيون ختام : اختار اقول ولا ما اقول
ختام بقهر ضربتها ع كتفها
بشرى بهمس : اختار اسم خِتام
ختام بهت لونها ورمشت ببطء وكررت بخفه : اسمي !
______

وهواك في قلب الظنون حقيقة
لا ريب فيه وحب غيرك باطل
ان كان حبك في الفؤاد فريضة
فسواك في شرع الغرام نوافل .
'
- ربيع السايح .

..

في هولندا ..
تحديداً المستودعات القديمه مغمض عينيه ورافع رجوله على طاولة قدامه واثنين من الحراس
يعملون له مساج
انفتح الباب بقوه ودخل راشد وهو يلهث : طال عمرك لقيـ
قاطعه رامز : تبيني افضي سلاحك في جبهتك ؟ انت ماتفهم ؟ فيه شيء اسمه ادب
اددددددب ياليت تلتزم شوي ي اخوي ترى
طفشتني هاه ؟ خير وش تبغى ؟ اللي يشوفك قال بتنقذ العالم
راشد ابتسم : المعذره بس لقينا رائد
رامز فز واقف : ايش ؟
راشد ابتسم بخبث : جاء بنفسه لقيناه يتسلل من وراء المستودع ويتنصت
يبي يكتشف وين زوجته
لكن لقطناه طال عمرك
رامز بنص عين : ايش ؟ لقطتوه ؟ يعني مسكتوه صح ؟ موجود وراء المستودع ولحاله
وانتم جيش وفرحان انكم مسكتوه المفروض ماتفرح لانه غصباً عنك
بتمسكه او انا بمسكك واحطك فالمكان اللي المفروض رائد محبوس فيه
ابتعد رامز واخذ معطفه وخرج وهو يلبسه : وينه ؟
رامز : قدام
رامز : انتبه اكيد وراه حراسه او شرطه
راشد : تطمن كل شيء تمام فتشنا المكان وكل كاميرا يراقبها
اثنين
رامز بتنهيده : تمام مع اني شاك فيكم احس ما انتم قد المسؤوليه
دخل للغرفه المقابله لغرفته وابتسم بحقد من شافه ..
____

فالمستودع الاخر ضامه نفسها وتبكي بحده من بلغها الحارس ان اليوم رمضان وهي ماتعرف لا وقت ولا تاريخ
ماتدري متى تشرق ومتى تغرب متى تصوم ومتى تفطر
انكتمت انفاسها من سمعت
الحراس يضحكون بفرحه وصراخهم عالي : مسكناه
ابشركم رائد مسكناه
ارتفع صوتهم بفرح : الراتب دبل اخيراً
غمضت بقوه ووقفت بسرعه وركضت للباب : افتححححوا ..