ياكثر ماشالت ضلوعي من آلام
ولا درى فيها من الخلق مخلوق
وإذا لزمت الصمت ماني بمنلام
وش لي أفك حلوق وأسكر حلوق
أمشي وأفضفض ليه والعام تنام
وأنا أسهر لحالي ولا أغمض الموق
لو الحكي ينفع نفع قبلي الشام
إللي تجر الصوت والصوت مخنوق
خلوني أسكت دام الأيام قدام
لأن العرب تقبض على كل منطوق
يمكن أخط أقلام وأوهام وأحلام
لكني أبقى دايم نظرتي فوق
من لا يسفح في سما العز لا حام
تربط يدينه عن سمى الحوم بسبوق
النفس مثل الحر والحر عزام
واللي يشد العزم ماعاقه العوق
وانا اعترف صبري تردى من العام
لأني أخيط الجرح وألقاه مفتوق
ماعاد باقي غير تنكيس الأعلام
من كثر صبري ملني كل مخلوق
النفس لو تعرف تصاريف الأيام
تطرق لها طرق فلا هو بمطروق
وياكثر ماشلنا من ذنوب وآثام
والله يمهلنا ولا عندنا ذوق