شبكة همس الشوق - عرض مشاركة واحدة

28 - 3 - 2021, 08:03 AM

ليتك خذيت .. بليل الاحبـاب مسـرى ‏.....!!

لا تنشغل فيني أنا بحالي ادرى
قلبٍ تعلق فيك ينسى مع الـوقـت
اكثر من اللي صار لي ويش يجرى
بين الرجا والياس فكري تعلقت
مثلي ولو شفته عن همومه ازرى
ما قال ليتك في جروحه ترفقت
هاك القصايد لاتضايقت واقرى
شف وش كثر فيها لبسماتك اشتقت
أثرالوفا ينباع عندك ويشرى
ماكنت اصدق فيك واليوم صدقت
يامشتهي فرقا المواليف حذرى
تبعد وأنا من سكرة الحب ما فقت
لا طافت الفرصه تحريت الاخرى
وتروح ماكني عليها تشوقت
ساري لوإن الليل مافيه قمرى
اشيل من حمل الهوى فوق ما طقت
لاصار حظٍ أقشر والايام قشرى
مافيه احد عاقل يلومك ليا ضقت
صحيح بعض الناس فرقاه بشرى
وبعض البشر لاغاب ليله تضايقت
ليتك خذيت بليل الاحباب مسرى
غربت من كثر الطواري وشرّقت
السيل يبقاله على القاع مجرى
ويبقالك التذكار لو كنت فارقت
اشوف لك من وين مارحت ذكرى
ولاشفتها صديت عنها ودنقت
ماكل جرحٍ لاخذا أيام يبرى
بعض الجروح يزيد شره مع الوقت ..