آه لمن ضاق صدري مانيب مع الحريب
انا مع الخالق اللي لمن ذكرته ما نساني
ألا يالعرب ما كل ذيب تخاونه صحيب
ترى بعض الذيابه مثل الأوادم قوماني
الذيب يشم سلاحك من بعيد او قريب
ويتحين الفرصه ويغدر بك يالمودماني
خذوها مني نصيحه بعد كل التجاريب
لتأمن الغدار احذر منه كان أول اوثاني
عاشرت ربع كانت تصلي على الحبيب
واتضح لي صلاتهم حيل بها يخدعاني
لا لا تسالوني عن اسمهم شيء عجيب
اسمهم رابح والحقيقة فعلهم خسراني
احدى الاسامي منهم مثل اسم النجيب
كثير العالم تحبه والقليل منه يبغضاني
لا تسالوني عنه ماأحب افتح الدواليب
دواليب الشعر لافتحتها فجرت بركاني
إيه والله لي دعوات عند الله ما تخيب
ودعوة الصادق لها عند الله شيء ثاني
وعرفت في الدنيا ما كل طبيب طبيب
ولا كل جرح يداويه الأهل او الخلاني
الشاعر/ حمد بن فهد المخالده السبيعي