مجموع الأوسمة: 18

لغات الحب 2
لغه من لغات الحب
هي كلمات التشجيع ...
.
.
غالباً تكون لغة الحب الخاصه بالاشخاص الجنوبيين ..
يعني اذا زوجك مغرقك مدح وكلام يفتح النفس ويشكرك على ابسط الاشياء
ودايم يطلب منك تغيري اسلوبك الدفش وتكلميه برومانسيه !
ويطلب منك تناديه بحبيبي او قلبي او عمري ويقول اذا شكرتيني على اللي اقدمه تحمسيني اكثر للعطاء..
هذا لغة الحب الخاصه فيه هي كلمات التشجيع
وهاذي ابسط واسهل لغه ، اذا كانت اللغه الخاصه بشريك حياتك فأنتي محظوظه
خلي لسانك سلاحك
ينقط عسل وشهد
وابتعدي عن الاسلوب المنفر حتى وقت الزعل
مثال ؛ ودك تسافري وزوجك اللي لغته الخاصه كلمات التشجيع عارف انه ودك بالسفر ومو راضي ..
اذا شفتيه طلعكم مكان حديقه او ملاهي ، اذا رجعتي طيريه للسما بالمدح
انت مافي منك وانت دايم تفرحنا وتطلعنا واحلى وقت بحياتي لما اطلع معاك احس بفرحه وسعاده عجيبه
.
.
واستمري بهذا الاسلوب ومافي احلى من الكلمه الحلوه
بعدها اضمنلك ان اول ماتجيه الفرصه بيطيرك
ووارد جداً انه بيتحرقص ويدور الفرصه عشان يطلع الانسانه اللي طايح بحبها وغرامها
.
.
وبيكون كل تفكيره كيف اسعدها مثل ماتسعدني
لان الكلام التشجيعي بالنسبه له افضل طريقه عبرتي فيها عن حبك ، وحس من خلالها انك قدمتي له الحب اللي يتمناه طول عمره

نكمل...
اما اذا كانت هاذي لغة الحب الخاصه بأحد اطفالك
بتلاحظي انه دايم يقولك انا احبك ياماما
شكراً على هذا الاكل اللذيذ
واذا مدحتيه او قلتيله شاطر حبيبي يفرح ويسمع كلامك
وممكن اذا سمعك تمدحي طفل غيره وهو موجود يغار ويزعل
لانه يشوف انه هذا حب خاص فيه وبيروح لغيره
.
.
اذا كان هاذي لغة الحب الخاصه بطفلك شجعيه دايم وامدحيه وصفقيله
وحاولي امام الناس تتكلمي عنه ، شفتو فلان شاطر وذكي يحل واجباته بنفسه ومايتعبني
شفتو فلانه سنعه وشطوره تساعدني بشغل البيت
.
.
اضمنلك اذا استمريتي بهالطريقه بعدها بيصيرو اطفالك يطيعو اوامرك بحب ونفس راضيه ..
ويتنافسو على خدمة امهم المحبه الحنونه
.
.
نقيس على ذلك الوالدين والاصدقاء ونتعامل معهم بنفس الطريقه

بسم الله الرحمن الرحيم ((وَلَوْ كُنْتَ فَظًّا غَلِيظَ الْقَلْبِ لَانْفَضُّوا مِنْ حَوْلِكَ ))
قال رسول الله (صلى الله عليه وسلم ) الكلمة الطيبة صدقة ))...
.
.
بالكلمه الحلوه واللسان اللي ينقط عسل ، تقدري تكسبي قلوب الناس جميعاً
وبالأسلوب المنفر ينفر منك الناس
فما بالك بزوجك ورفيق دربك !
اللي يومه كله معك ويصحى على كلمتك وينام على صوتك..
اذاً اول لغه من لغات الحب هي ( الكلمه الحلوه ) او كلمات التشجيع ...
واذا كانت هذه هي اللغه الخاصه بزوجك رح تكون اول خطوه لك للتغير بإذن الله وهي تغيير اسلوبك بالكلام مع تخفيض الصوت والكلام بأنوثه ورقه
مع العبارات الجميله مثل ( حبيبي ، عمري ، من عيوني ، تآمر آمر ، فديتك ، تدلل )
والله لو كان اصعب رجل في العالم سوف يلين لك
ولكن بشرط
الاستمرااار وعدم الاستعجال على النتائج
فإن تغيرك لنفسك اولاً وثانياً وثالثاً ولمن حولك رابعاً