البارات الثالث عشر

...ببيت شريفه...
بالغرفه منار قاعده ع سرير تتكلم بتليفون:انتي الي قلتي لي اسوي جذيه
ساره:ايه قلت بس ماقلت تنفجرين بوجها...جذيه بتراقبج وما بتخليج تخطين ولاخطوه
منارتوهقت:سشوي الحين؟؟...امي وايدزعلانه مني
ساره:حضنيها واعتذر منها وانتي بنتها اكيد بتسامحج...بهاحطه سمعت طراق الباب:سارونه بعدين اكلمج...يله باي...فتحت منار الباب شافت امها قدامها من غير مقدمات حضنتها وصارت تبكي:يم...يمه سامحني...غلطت عليج...ماكان قصدي اقولج هالكلام...بس ابليس قص علي وخلاني افع صوتي عليج
شريفه:ياحبيبتي...من متى انا ازعل عليكم؟؟...واذا صارخت عليكم وهاوشتكم هذا لاني ابي مصلحتكم
منار تبعد عن حضن امها:يعني مانتي زعلانه علي؟؟
شريفه:تبين صج؟؟...شوية ماخذه بخاطري منج لان اول مره اسمعج تقولين هالكلام
منار:يمممه...خلاص ومسامح كريم
شريفه:ههه ياعيارتج...خلنا من هالسالفه وروحي بدلي عشان تسلم ع خالج
مناربفرحه:خالي سعد جا من سفر؟؟
شريفه:ايه وماشاءالله صاردكتور
منار:انزين بروح ابدل وانزل اسلم عليه
شريفه:يله زتج

...ببيت الهام...
بالمطبخ الهام قاعده تغسل موعين دشت عليهارنا:وين تليفوني؟؟
الهام ولاكانهاسامعتها:
رنا تقرب منها:طرمه انتي ولا شنو؟؟...قاعد اقولج وين تليفوني؟؟
الهام لفت لها:تليفونج عندي بالغرفه بس ماراح تاخذينه
رنا:وليش ان شاءالله؟؟...هوتليفوني ولاتليفونج؟؟
الهام:انا لقلت كلمه مااثنيها ماراح تاخذينه يعني ماراح تاخذينه
رنا:انتي شنوتبين مني باظبط؟؟...ليش تكرهني؟؟
الهام:السوال الاول جوابه ابيج تتصنعين وتصيرين ادميه ترى البنت هني سمعتها مثل ورقه البيض...اما السوال الثاني مفروض انا الي اسالج ياه
رنا:خلنا من فلسفه الزياده هذي الحين...ودلني ع مكان تليفوني
الهام:كلامي واضح وماني معيدته مره ثانيه
رنابعصبيه:ان ماعفست غرفتج فوق حدر مااكون انا رنا...وبتشوفين ...طلعت من المطبخ

...ببيت منصور...
بالغرفه ساره قاعده ع سرير تطقطق بتليفون دشت عليها ماما امينه:ماما امينه المجموعه الجديد اضافت لي وايد متابعين...قربت اوصل ل200الف...تعالي تعالي شوفي معي التعليقات والله تونس
ماما امينه تقعد يم ساره وبحزن:ساره حبيبتي
ساره:ماما امينه...شفيج؟؟...صاير معاج شي؟؟...عيالج فيهم شي؟؟
ماما امينه:انتي مستانسه من الي قاعده تسوينه؟؟
ساره:ايه ماما امينه ووايدبعد...ليش تسالين؟؟
ماما امينه:ابوج شافج ودق علي يصارخ وقال قولي لها تمسح حساباتها
ساره:ها...شدعوه هو درى عني...بحياتي ماشفته الا مرتين او ثلاثه ولما اجي اسلم عليه مايرضى...ليش،مادري؟؟...والحين اشتغلت ومستانسه من شغلي...يبي يخربه علي...اذا دق قول لي له ساره تقولك...خليك بعيدعن حياتي مثل ماكنت
ماما امينه:ساره يمه مايصير تعاصين كلام ابوج
ساره:ماما امينه اذا تحبيني صج انسي السالفه...انا مستحيل اتخلى عن شغلي
ماما امينه:ابوج بيعاقبني ع هالشي
ساره:لاتخافي ماعليج منه
ماما امينه:ع هواج انتي وابوج تنيازون

...ببيت شريفه...
بصاله سعد ومنار وشريفه قاعدين ع كنبه:ها منور اشلون دراسه معاج؟؟
منار:انا خلصت دراسه بس منتظره نتائج
سعد:ان شاءالله تجيبين نسبه قويه وترفعين راسنا كلنا
منار:ان شاءالله
سعد:عيل وين سامي؟؟...مااشوفه
شريفه:دقيت عليه مارد اكيد قاعد مع ربعه
سعديطلع تليفون من جيبه:هذا لج يامنار
منار تاخذه وبفرحه:تليفون؟؟...وتحب راسه خالها:الله يخليك لنا ولا يحرمنا منك يا احلئ خال بدنياء...ماني ماني مصدقه يكون عندي تليفون...وتحب راس خالها مره ثانيه:حبيبي خالي مشكور ع الهديه...بصعد فوق اشحنه...وتركض صوب الدرج
سعد:ههههه
شريفه:تبي صراحه سعد ماني راضيه ع الهديه الي عطيتها ياها
سعد:ليش؟؟
شريفه:هذي بنت مراهقه وبسن خطر...وهالتليفونات ماوراءهم الا خراب والمصايب
سعد:دامها تربيتج ماينخاف عليها...وبعدين خلها تستانس حلها حال البنات...بهالحطه دش سامي:خالي سعدون هني؟؟...وراح يسلم عليه

...ببيت الهام...
بالغرفه رنا قاعده ع سرير دشت عليها الهام:انتي شمسويه بالغرفتي؟؟
رنا:هذا جزا العناد الي فيج
الهام:الحين تروحين ترتبينها ولا بتشوفيني شي عمرج ماشفيته
رنا تقرب منها:ماني رايحه ولا اني مرتبه شي...والي بتسوينه سوينه ماني خايفه منج
الهام تمسكها من شعرها:بتسوين الي قلت لج عليه غصب عنج...سامعه؟؟
رنا:هدي شعري احسن لج...اقولج هدي شعري
الهام:تبيني اهد شعرج؟؟...سوي الي قلت لج عليه ولاترئ والله بيجيج مني اكثر
رناتحاول تقاوم دموعها:خلاص بسوي الي قلت لي عليه بس هديني تكفيني
الهام تركت شعرها:يله قدامي اشوف...مشت رنا قدامها

...ببيت منصور...
بالغرفه ساره قاعده ع سرير تتكلم بتليفون:مبرووك حياتي
منار:الله يبارك فيج...سارونه عفيه تعالي باجر لعندي عشان تعلميني انا مااعرف فيه
ساره:بشوف وارد لج خبر
منار:الاتعالي رنوشه وينها مالها حس؟؟
ساره:مادري عنها...اخرمره شفتها باخر الامتحان...وادق ع جهازها مغلق...مادري شنو سالفتها
منار:لايكون صار لها شي؟؟
ساره:والله مادري صراحه بديت اشك...وابي اروح اتطمن عليها ما ادل بيتها
منار:من صجج انتي ماتدلين بيت رفيقتج
ساره:ايه والله ما ادلها...وتغير السالفه:الا ماقلت لي شصار معاج؟؟

...ببيت صالح...
بالغرفه سمر وسحر كل واحد قاعده بسريرها:خايفه
سمرباستغراب:خايفه؟؟...من شنو خايفه؟؟
سحر:من اليوم الي نفترق فيه
سمر:اذا قصدج نتزوج وكل وحده تروح لبيت زوجها...انا ماني متزوجه ولا افكر اتزوج اصلا...واذا قصدج ع سالفه سفر لجا وقتها يصير خير
سحر:لا انا مااقصد زواج وسفر
سمر:عيل شنو؟؟
سحر:امج تطلقت ورجعت لديره وبتستقر هني
سمر:امي؟؟...وانتي من وين عرفتي؟؟
سحر:من خالج
سمر:وخالي متى شافج؟؟...وشنو قال لج؟؟
سحر:شفته يوم رحنا الجمعيه وقال بياخذونج لبيتهم
سمر:ها...ياخذون لبيتهم؟؟...وينهم عني طول هالسنين...اناتربية بهالبيت وبظل طول عمري فيه
سحر:يعني مانتي رايحه معهم ولو ظغظو عليج
سمر:مستحيل اروح واخليج...انتي مواختي وبس انتي كل شي بحياتي...بكل سهوله وعشان كم بيزه بتخلى عنج؟؟صعبه والله صعبه...وحضنوا بعض

للمعلوميه((سمر وسحر خوات من اب وكل وحده بامهم ام سحر توفت من زمان اما ام سمر تطلقت من صالح وتزوجت من واحد ثاني مليونير ع قولتهم))

...ببيت شريفه...
بالغرفه منار منسدحه ع سرير وتطقطق بتليفون دشت عليها امها:للحين مانمتي؟؟
منار:شوي وانام
شريفه:كلمت اخوج عشان يجيب لج بطاقه لتليفونج
منار:صج؟؟...مشكوره يمه
شريفه:عاد احسني استخدامه...ترى تليفون فيه زين وشين
منار:يمه انا ماعندي شي فيه غير اني اكلم رفيقاتي
شريفه:عفيه عليج خلج ع قد الثقه...الا سامي اخوج وينه؟؟
منار:مادري يمكن بغرفته

...ببيت بوطلال...
بالغرفه طلال نائم ع الفراش يحلم...((طلال ينزل من ع درج لابسه البشت ويمشي بكل فخر:يا
بوطلال يركض:سم يا طويل العمر
طلال:روح لغرفتي بتحصله هناك اغراض شيلهم وحطهم بسيارتي
بوطلال:انت تامر ياطويل العمر
طلال:وشنو شاسمه هذا؟؟
بوطلال:شنو طال عمرك؟؟
طلال:ولااقول بس خلاص...ومشئ صوب الباب

...ببيت شريفه...
بالغرفه سامي نائم ع سرير...يحلم((بصاله سامي قاعد ع كنبه وحده قاعده ع يمينه والثانيه ع يساره والثالثه تغسل رجوله ورابعه تمشط شعره:احم احم...اقول
الاولى:عمري حياتي
الثانيه:قول ياحبي وانا اخدمك بعيوني
الثالثه:انت قول وانا من يدك هذي ليدك هذي
الرابعه:انت قول ومابعد قولك الا فعل
سامي:شيلوني...كلهن بحركه وحده تلموا حوله وشالوه وبوسط الصاله طيحوه...وصحى سامي من الحلم مفجوع:بسم الله الرحمن الرحيم...بسم الله الرحمن الرحيم
شريفه من وراء الباب:سامي يمه قوم عشان تصلي وتتغذاء
سامي:ان شاءالله يمه...ان شاءالله...اوف وقام اخذ الفوطه وراح الحمام