البارات الرابع عشر

...ببيت منصور...
بصاله ماما امينه قاعده ع كنبه تتكلم بتليفون:هلاعمي
منصور:انا موقائله لج انج توصلين كلامي لها؟؟...ليش للحين المهزله قاعده تنتشر بتليفونات
ماما امينه:والله العظيم اني قلت لها وبالحرف الواحد...بس عيت...مادري شسوي لها
منصور:اخذي منها التليفون ومنعيها من طلعه
ماما امينه:لا عمي انا مااقدر اسوي معها جذيه...انت ابوها وتصرف معها
منصور:انزين...كلها كم ساعه وانا عندكم...برويها شغل الله
ماما امينه:انزين يله مع سلامه...بهالحطه طلعت ساره من غرفتها:ماما امينه انا رايحه بيت رفيقتي
ماما امينه:متى بترجعين؟؟
ساره:مادري بس ماني مطوله
ماما امينه:زين ديلي بالج ع نفسج
ساره:اوكيه...يله باي...ومشت صوب الباب
ماما امينه:باي...تتكلم مع نفسها:الله يستر لجا ابوج

...ببيت الهام...
بالغرفه رنا نائمه ع سرير صحت ع صوت فتح باب غرفتها:للحين بعدج نائمه؟؟...يله قومي ساعديني بشغل البيت
رناتقوم:مايخالف انام بعد شوي
الهام:لا ماكونوم يله قومي خلصيني
رنا:ان شاءالله
الهام:خمسه دقائق اذا ماجيتي...تعرفني شنو بسوي لج...وطلعت
رنا:اوف... وتتكلم بخاطرها:بااسيرج واشوف لوين توصلين...بس نهايتج بتكون ع ايدي

...ببيت شريفه...
بالغرفه منار وساره قاعدين ع سرير يطققون بتليفونات:هالله ياحلاة التليفون...سارونه هذا شنو؟؟
ساره ترويها:هذي سناب والي يمه الانستقرام...تبين تشوفيني فتحي الانستقرام...ولاتنسين تضيفيني حسابي
منار:اشلون افتحه...مااعرف
ساره تاخذمنها تليفون:هاتي اشوفج...شفتي؟؟
منار:هالله...صج هذي انتي؟؟
ساره:عيل...منو؟؟...بهالحطه رنين تليفون ساره وردت عليه:هلا...ايه ساره...شنو؟؟...صج؟؟...متى؟؟....ان شاءالله ان شاءالله...انا باي وقت جاهزه...بس علموني...يله مع سلامه...وصكرت الخط:يس...في واحد متصل علي يقول يبيني اسوي دعاية لشركتهم...وااااي صرت مشهوره خلاص
منارتتاجهلهاوتقرب تليفون من ساره:سارونه وهذا شنو؟؟
ساره:اقول مالت عليج انتي وتليفونج

...برى بيت حسنه...
سامي واقف يطق الباب فتحت عليه حسنه:منو انت؟؟
سامي:حجيه...تدلين بيت بوتامر
حسنه:بوتامر؟؟...هالرجال صار له سنتين من توفا...بهالحطه مسكها طلال من وراها وحط ايدينه ع فمها:دش بسرعه...دش سامي وصكر الباب

...ببيت صالح...
بصاله صالح وعبدالله قاعدين ع كنبه:اشلونك ياصالح عساك بخير؟؟
صالح:حمدلله تمام
عبدالله:انا جايك اليوم ابيك بموضوع وان شاءالله تقتنع
صالح:قول...انت تامر ياالنسيب
عبدالله:تماطر تطلقت من اسبوعين ورجعت لديره وباتستقر هني
صالح:انزين وبعدين؟؟
عبدالله:تبي بنتهاسمر تعيش معها بالبيت
صالح بعصبيه:حريمتها تاخذها...وينها عنها طول هالسنين...سمر انا الي ربيتها ومابتطلع من البيت دام انا عايش
عبدالله:بس هذيج امها ومن حقها تاخذها وتعيش معها...بالهالحطه تطلع لهم سمر:لاتحاول ياخالي انا مستحيل اهد اختي وابوي
عبدالله:سمر امج مستعده تعوضج عن كل شي
سمر:ماابيها تعوضني عن شي...وخلهاتعيش الحياة الي اختارتها...وياريت بعد تنسى ان لها بنت اسمها سمر...ومشت
صالح:ها؟؟...شفت؟؟...البنت تبيني ماتبيها

...ببيت الشباب...
بالحوش ملاين صحون وجدور واغراض مالها اول وتالي:كل هذا من بنت واحد؟؟
سامي:ايه يازعيم
هاني:ههه...شنوباقى بعد بالبيت؟؟...شغلكم وايد عاجبني...وانشهد انكم ذئابه
طلال:يازعيم صراحه مدحك بحقنا كبير
هاني يحط ايده ع كتف طلال:ياذئب مهما اقول ما اوفي بحقكم...انتواهل وفا والاخلاص
سامي:تسلم تسلم ياطويل العمر
هاني:هالاغراض بعدلهم مهمه ثانيه
سامي:انت تامر
هاني:بسطوهم بالبسطه وبيعونهم بارخص الثمن عشان كلنا نستفيد من فلوسها
طلال:سامع وطاعه يازعيم

...ببيت شريفه...
بالغرفه منار قاعده ع سرير تطقطق بتليفون...دشت عليها امها:انا قائله تليفونات مايصلحون حق بنات مراهقات...الله يهديك اخوي سعدمالقيت هديه تهديها ياها الا تليفون
...هيه انتي قاعده اكلمج انا
منار:هلايمه
شريفه:نزلي تحت اشوف عشان تتعشين
منار:لايمه ماابي اتعشى عليكم بالعافيه
شريفه:منار...ان مانزلتي وتعشيتي والله باخذمنج تليفون وما برجعه لج لو شنو يصير
منار:خلاص يمه بنزل
شريفه:زين يله قدامي
منار تقوم:ان شاءالله...اخذتليفون معي؟؟
شريفه:لاحطيه هني عشان تاكلين وماتنشغلين فيه

...ببيت منصور...
بصاله منصور وماما امينه قاعدين ع كنبه دشت عليهم ساره:س...سكتت لما شافت ابوها
منصوريقوم:من وين جايه هالحزه؟؟
ماماامينه:استاذنكم بروح اشوف الخدم بالمطبخ...ومشت
منصور:ليش ساكته؟؟
ساره:وانت من متى تسال وين رحت ومن وين جيت
منصوريقرب منها:تكلمي معي عدل ولا
ساره تقاطعه:ولاشنو؟؟...تطقني مثلا ولا تطردني من البيت...اناخلاص ماعادتفرق معي...سوي الي تبي تسويه فيني...لكن اهد الي ببالك انسى...انا سلكت الطريق وباستمرفيه...واذا موعاجبك كيفك
منصور:ماشاءالله عليج...من منو تعلمتي طولة لسان هذي
ساره:مومهم...المهم انك الحين عرفت ردي وقراري
منصور:انامنصورال،،،،....ماحدبدنياء هذي كلها وقف بوجهي ولا عصى كلمتي...تجين انتي يابنت امس تتحديني...وبتحدي:حساباتج بتمسحيهم يعني بتمسحيهم رضيتي ولالا...كلامي وقلته والقرار الاول والاخير راجع لج...وطلع
ساره بانيهار:ليش تسوي فيني جذيه؟؟...ليش بتحرمني من شي احبه؟؟...ليش؟؟...ليش؟؟..ركضت ماما امينه وحضنتها:بس يمه لاتعورين قلبي
ساره تبعدعن حضن ماما امينه:انابسوي الي براسي وماعلي من احد...ومشت لغرفتها
ماماامينه:لاحول ولاقوة الا بالله

...بشارع...
سامي وطلال قاعدين ع البسطه موعين هدوم عطور جدور:شنو الاغنيه الي يغنونها دواس ومانع بمسلسل الحياله؟؟
سامي:تقصد مصابيح وخواتم...خواتم ومصابيح
طلال:ايه ايه هذي هي...ويغني:جدور وصحون وهدوم وعطور
سامي:ههههههه
طلال:شفيك تضحك؟؟...ترى الزبائن يحبون الاغاني
سامي:وينهم زبائن ما اكواحد...من صبح واحنا هني وماباعنا الابخمسه دنانير
طلال:انا والله ما اروح من هني الا وبيعهم كلهم
سامي:تدري اشلون؟؟
طلال:هاقول
سامي:نروح نبيعهم بالفرجان الشعبيه
طلال:والله انت ابو الافكار...يله مشينا
سامي:قرب الونيت شوي عشان نحط عليه الاغراض
طلال:اوكيه...وصعدبالمونيت

...ببيت الشباب...
بالغرفه عزام وهاني قاعدين يسولفون:هههه...الجماعه مبين عليهم بقر وع وجهم
عزام:هههههه...يبون يصيرون ملياريه
هاني:ههههه...والله بسهوله ضحكنا عليهم
عزام:ايه والله...بس ماقلت لي اشلون بنتخلص منهم
هاني:الفلوس الي اعطيته ياهم مزوره واذا خلصنا مهمتنا نبلغ عليهم ع طول نسافر
عزام:بس متئ؟؟...اخاف احد فيهم يكشفنا قبل ما نبلغ عليهم
هاني:خلك متطمن ولاتخاف