البارات السادس عشر

...بالمشتشفى...
بممر الهام قاعده ع كرسي تبكي طلع دكتور من الغرفه الي فيهارنا:دكتور...دكتور...تكفى طمني ع بنتي...صحت ولا للحين فاقده الوعي؟؟
دكتور:بنتج بخير والحمدلله وهي الحين صاحيه
الهام:الحمدلله يارب...الحمدلله يارب...اقدراشوفهاالحين؟؟
دكتور:ايه تقدرين...بس قبل لازم نعرف شنوالسبب الي خلها تنتحر
الهام:دكتور...هذي وحده بسن المراهقه...اكيدسمعت بشي ضايقها وماتحملت وقامت انتحرت
دكتور:بس ياخالتي الاجرات لابد منها
الهام:والي يسلمك يمه...لا تدخلنا بمتهات مالها اول وتالي...وخلي الموضوع يتم بينا
دكتور:خلاص ياخالتي ولايهمج الموضوع بيتم بينا
الهام:مشكور يمه ماقصرت...استاذنك دكتور بروح اشوف بنيتي

...بسياره ساره...
ساره تسوق ومنار راكبه يمها:انزين وبعدين شصار؟؟
منار:وبعدين دقيتي انتي وخربتي كل شي
ساره:من بعدها ماجووء منه مسجات؟؟
منار:مادري مافتحت هذا الي شنو اسمه؟؟
ساره:مالت عليج حتى الانستقرام ماتعرفين اسمه
منار:انا اعرفه بس مااتذكر انسى
ساره:انزين فتحي الانستقرم
منار:يصيرافتحه الحين؟؟
ساره:ايه ياحطي يصير...من جابينج انتي؟؟
منار:سارونه انتي تدرين فيني ماصار لي شهر من لما استخدمت تليفون...تبين اتعلم كل شي بسرعه بسرعه...مايصير
ساره:حبيبتي كل شي فيه سهل بس انتي غبيه وماتفهمين

...ببيت شريفه...
بالغرفه سامي قاعدع كرسي يتكلم بتليفون:هههه...صج؟؟...وانابعد...شسوي عمري مشغول هالايام...ان شاءالله خلال هالاسبوع...بهالحطه دشت عليه شريفه:سامي...قاعدتكلم منو؟؟
سامي بارتباك:يله طليل مع سلامه...صكرالخط ويوجه كلام لامه:هذا طلال رفيقي...يقول نبي نطلع...وانا قلت له لا مايصير نطلع هالحزه...الوقت و
شريفه تقاطعه:سوالف هذي عديها ع غيري مو علي...لما واحديكلم واحد رفيقه مايقول له عمري وحياتي والى اخره من كلم الي ماله معنى
سامي:يمه شنو تقصدين؟؟...مافهمت
شريفه:مقصدي واضح...لاتلعب بمشاعر بنات الناس...باجر الله سبحانه تعالى بيعقابك باختك
سامي يكذب:يمه هذي وحده تحبني واحبها وناوي اتزوجها عقب ما اخلص دراستي واتوظفت
شريفه:اذا انت تبيها صج تخطبها من ابوها واذا هي صج بنت صنعه وبنت الناس...ماتكلمك من ورا اهلها
سامي:يمه خلاص اوعدج من هاليوم من اكلمها...بس تكفين صكري الباب بنام
شريفه:انا جايتك عندي موضوع بكلمك فيه
سامي:اجليه يمه لبكرا الصبح
شريفه:زين...بس نام وخلي عنك سوالف الحب والخرابيط

...بالمشتشفئ...
رنا منسدحه ع سرير والهام واقفه يمها:انتي شعندج هني؟؟...موكافي الي سويته فيني؟؟...طلعي برا ماابي اشوفج...طلعي برا
الهام شوي وتصيح:يمه انا كل الي سويته عشانج
رنا:هه...عشاني؟؟...حرمتيني من طلعه واخذتي مني تليفوني وفوق هذا كله خليتني مثل خدامه اكرف ليل ونهار...وتقولين عشانج؟؟...بس خلاص كافي جذب وتمثيل
الهام:والله العطيم يمه لااجذب ولا امثل والي اقوله هو الصج

....نرجع شوي للعام 2003قبل 19سنه...
....بكرنيش...
الهام واحمد قاعدين يم بعض:اقول حبيبي
احمد:امري ياعيوني انتي
الهام:انت موعديني بزواج قريب بس للحين ماشفت شي
احمد:انا والله ودي اتزوجج اليوم قبل باجر بس انتي تدرين بطروفي
الهام:انزين لمتى بنتم جذيه؟؟
احمد:لين الله يفرجها
الهام:حبيبي اخاف احد يخطبني من ابوي ويوافق وابوي لقال كلمه مايثنيها
احمد:انزين انا عندي حل بس مادري يعجبج ولالا
الهام:وشنو هالحل؟؟
احمد:نتزوج بسر
الهام:شنو؟؟

....بعدشهر
...بالمشتشفى...
بمكتبه دكتوره قاعده ع كرسي مكتبها وعندها الهام وابوها:هادكتوره طلع شعندها؟؟
دكتوره:الف مبروك المدام حامل
بوالهام:هه دكتوره انا قاعد اسالج عن بنتي الهام
دكتوره:ايه بنتك مواسمها الهام عبداللطيف
بوالهام:ايه ايه
دكتوره:حامل
بوالهام بصدمه ويحاول يلف للهام:انت
الهام تصيح:يبه انا متزوجه احمد وعندي عقد زواج
بوالهام:اوص ولاكلمه...ماابي اسمع منج شي...ومن هاليوم لاانتي بنتي ولا اعرفج...والهام تطلع وراه:يبه يبه...لحطه خلني افهمك السالفه...يبه يبه...تكفى اسمعني يبه...يبه حرام عليك لاتسوي فيني جذيه انا بنتك يبه

...بشارع...
احمد والهام واقفين مقابلين بعض:عاجبك الي صار فيني؟؟
احمد:لاحياتي اكيد موعاجبني بس مااقدر اسوي لج شي
الهام:وهذي كانت فكرتك؟؟...يله قوم تحرك تلحلح سوي شي...ضحي مثل ما انا ضحيت عشان حبنا
احمد:مااقدر صعبه
الهام:والحب الي كان بينا وين راح؟؟...خلاص اخذت الي تبيه وشوهت سمعتي قدام الناس...الحين خلاص ماتبيني؟؟
احمد:انا احبح وابي
الهام تقاطعه:بسج جذب واعذار الي حتى الجاهل يستحي يقولها...ومااقول غير حسبي الله عليك ونعم الوكيل...الله يوريني فيك يوم...الله ينتقم منك...الله ياخذك

...نرجع للعامنا الحالي...
...بالمشتشفى...
رنا قاعده ع سرير والهام قاعده يمها:وبعدها بكم يوم رحت بيت خالتي وقلت لها سالفتي عشان ماتنصدم باجر جزاها الله خير قعدتني عندها وكانت وايدطيبه معي وبعدها بخمسه سنين مرضت بالخبيث والله اخذ امانته...وربيتج بروحي وكبرتج ودخلتج المدرسه برغم ان كانت ظروفي وايدصعبه بداك الوقت...ولما وصل عمرج15سنه بديتي تتغيرين شوي شوي علي حتى ماقمتي تناديني يمه...مادري ليش؟؟
رناودموع بعينها:لاني سمعت بوخليل وام خليل يتكلمون عن سالفتج وقالوا عني اني بنت الحرام...عشان جذيه كرهتج وماقامت اوطنج
الهام:يمه خلنا ننسى كل الي صار ونفتح صفحه جديده بحياتنا
رنا:بعدكل تضحيات الي سويتها عشاني ماتستاهلين الا كلمة يمه....وحضنت رنا امها وقاموا يبكون:يمه سامحيني
الهام:انتي الي سامحيني يمه

...ببيت شريفه...
بالغرفه منار قاعده ع كنبه تتكلم بتليفون:ايه وصلت...يله باي...وفتحت الانستقرام شفت رساله((وينج ماتردين))
منار:ياحليله يسال عني((كنت مع رفيقتي تصور دعايه حق الشركه))
المرسل((اها...ع بالي صارلج شي...وايدخفت عليج؟؟))
منار:((لاحبيبي لاتخاف مافيني الا العافيه))
المرسل:((دوم ان شاءالله قلبي))
منار:((امين حياتي))
المرسل:((فديت الي يستحون))
منار:((يفداك الكون...حبيبي مايخالف انام الحين))
المرسل:((اكيدعمري))
منار:((تصبح ع خير))
المرسل:((وانتي من اهله))
منار:((باي))

...ببيت منصور...
ساره دشت البيت شافت ابوها بوجها وماما امينه واقفه قريب من الكنبه:سويتي الي براسج وعصيتي كلمتي
ساره تحاول تقاوم:انا قائله لك قبل وبقول
منصور قاطعها ومسكها من ايدها بقوه:وانا الي يخالف كلامي اوديه بداهيه
ساره:اي اي...هد ايدي
منصور:من هاليوم تحرم عليج طلعه حتى تليفون راح اخذه منج
ساره:ابي اعرف شي واحدبس...انت ليش تحب تنكد علي؟؟...ليش ماتحب تشوفني مستانسه؟؟...ولوانت صج ابوي تاخذني لحضانك ماتتهرب لما اجي اسلم عليك
منصوريدك ايديها:اتهرب منج لانج تذكرني فيها...ولمااعرف انتي سبب موتها انقهر واكرهتج اكثر
ساره بصدمه:انا سبب موتها؟؟
ماما امينه:منصور انت غلطان ساره مالها ذنب الي كان سبب موتها شخص ثاني مو ولادة ساره
منصوريطالع فيها:انتي شقاعده تقولين
ماما امينه:انا بعترف لك بكل شي بس لاتظلم ساره لان الذنب موذنبها

اكيدمتشوقين ع الي بتقوله ماما امينه واكيد تبون تعرفون شنو بيصير مع سامي وطلال ورنا والهام اشلون بتكون علاقتهم ومنار لوين بتوصل وهل بيقتنع صالح بفلوس تماطر واخوها