ياحرف الشعر قلي كيف افرغ صدري المليان
آنا صدري هموم الوقت عشر سنين ماليته
همومي من رزالتها تخاويني بلا استئذان
افك الصدر ابيه ايروح ويعيي وصكيته
تربع فالحنايا وستقر وحط له جيران
يمون بما يريد وجاعلً صدري مثل بيته
عرفت ان الصدور ام المشاعر لالهموم اوطان
وعرفت ان العلاج ال هم تال الليل تنهيته
لاحد يقعد يعاتبني على هم وشعور أنسان
انا من كثر ماعاشرت هم الليل حبيته
حصل بيني وبينه ولف مثل السجن والسجان
أحيي به اليا جاني ويفرح بي آليا جيته
الشيل الهم وسكت وأبتسم لو خاطري زعلان
ونا ماهمني همي لاكن الهم. توقيته
اليا ظلم علي الليل اروح مع الخيال أحيان
سرا همي على صدري وسراني وسريته
انا طالبك لاتجرح مشاعر طرفي السهران
يكفيك الفواد الي بسم الوقت. ساقيته
ياهمي لاتحاسبني على لحضه من النسيان
اليا مني نسيت الهم ساعه. ذقت عافيته
حسدت الذيب فالمسرى حسدت الطير ابو جنحان
حسدتك ياسحاب ويالهبوب الي مخاويته
تبوجون الفيافي عرض طول بلا وجع وأحزان
ونا صدري هموم الوقت زارعته. وراعيته
احس أحيان بالغربه. واحس أحيان بانقصان
فقدت ألي تمنيته. وجا مالا. تمنيته
ونا مومن بما يكتبلي الخالق عظيم الشان
شكيت امري على الخالق وغيره. ماترجيته
محمد الذيابي