البارت 16


في بيت بطلتنا المتهالك
لتذكير(فرح12_شوق7 ماتتكلم _ام شيهانه جالسه بكرسي بسبب حادث_ابوها مسافر من تزوجت ومايجي للبيت الا عشان الفلوس ويمشي)
فرح وهي تو منظفه البيت مع شوق جلسو بجنب بعض
فرح بحزن:شوق
شوق ناظرتها
فرح بحزن:شيهانه تزوجت صحيح انها تزوجت غصب عنها ماكانت تدري بس اشتقت لها هي اللي كانت تساعدنه بكل شي
شوق وهي تمسح على ظهر فرح
ابتسمت لها فرح وقامت :اقول قومي نروح نلبس من الملابس اللي شرتها لنه ونلعب بلالعاب بعد
قامت شوق بفرح ونست اللي قالت فرح وراحت تركض لداخل الغرفه
تنهدت فرح وجات بتلحقها بس اتصل جوالهم الوحيد واللي كان مع شيهانه والحين صار مع فرح
فرح بستغراب همست:رقم غريب.؟؟(ردت بستغراب)الوو
شهد بتوتر وهي تناظر مايا اللي بجنبها بسياره:الوو سلام
فرح بستغراب اكثر:وعليكم السلام
شهد:ا فرح هذي انا شهد
فرح ببتسامه:هلا كيفك
شهد وهي تحس الدموع بدت تمشي بمجراها وبصوت مخنوق:تمام نسال عنك
فرح بشك من صوتها:الحمدالله بس وش في صوتك
شهد(يارب عطني القووه):فرح حبيبتي ركزي معي انتي كبيره الحين مو طفله
جلست فرح وهي تحس بجدية الموضوع:اسمعك
شهد:شيهانه
فرح بفرحه:وشوو رجعتت منن لندنن واخيررا بشوفهاا
شهد ماقدرت تكمل وجلست تبكي والبنات ودموعهم بعيونهم جلسو يهدونها وخذت مايا السماعه:الوو فوح انا مايا اخت صقر
فرح بستغراب وخوف:هلاا وش فيها شهدد و ويين شيهانه
مايا بجديه وحزن:فرح حبيبتي هدي نفسك ولانك الكبيره بعد شيهانه ابيك تمسكي نفسك بقول لك شي وبعدها تاخذي امك واختك وتجي لعندنه
فرح بستغراب:لعندكم ..!! وين؟
مايا:المستشفى
فرح بخوف:شيهانه فيها شي
مايا:حبيبتي انتي شيهانه وصقر اليوم كانو واصلين من لندن و(بغصه)صقر تصوب وهو بلعنايه واما شيهانه
بخوف صرخت:وش بها اختيي
مايا بغصه وحزن:مافيها شيي بسس ...
فرح(خذت نفس تهدي نفسها):اسمعك بسس شنو؟
مايا حست بجديتها وانها هدت:بس هي جاتها صدمه وهي حاليا بغيبوبه
فرح:لا الا اله الله(تنهدت)طيبب بأي مستشفى
مايا حمدت ربها انها مانفعلت:بمستشفى.....
فرح:اوك شويات وجايينكم
سكرت من عندها وتجهت لامها
ام شيهانه:منو اللي كنتي تكلمينه
فرح:شهد تقول انه شيهانه تعبانه ودوها المستشفى كانت تو راجعه من لندن
ام شيهانه بخوف:وعساها بخير
فرح جلست وحطت راسها على رجلين امها:بخير بس زوجها تصوب وهم بلمطار وهي من الصدمه دخلت غيبوبه
ام شيهانه غمض عيونها بحزن وهي تحس بدموعها اللي حرقت قلبها:لا حول ولا قوة الا بالله(بكت وهي تمسح بدموعها)قومي يمه نروح لها
فرح اللي كانت تصيح بحضن امها قالت بصوت مخنوق:طيبب
قامت ولبست امها عبايتها ولبست هي عبايتها وجهزت شوق وركبو التكسي اللي كانت متصله في من اول
متوجهين للمستشفى
_______
عند المستشفى وصلو اهل صقر ونزلو وكانو متفرقين عشان مايكونو مصدر انتباه كانو البنات وام صقر بروح والجد والاعمام بروح والعيال بروح طبعا بلاول الجد ماكان موافق انهم يروحو كان بس بيخلي ام صقر ومايا وولده الكبير بس البنات كانو قلقانين ونفس الشي مع العيال اما الحريم فجلسو بلبيت
تجمعو قدام غرفة صقر بلعناية المركزه وجنب غرفة كانت شيهانه اللي اللين الحين غيبوبه
جلسو بلكراسي وراح باسل ينادي الدكتور يشرح حالتهم
وصحيح جا الدكتور :السلام عليكم
رد العيال والبنات اللي كانو جالسين بعيد شوي:وعليكم السلام
الدكتور:اتوقع جايين تسألون عن حالة صقر...قطع كلامه
الجد :اي اخلص قول وش به
ابو سالم:يبه خل الدكتور يتكلم
الجد بنرفزه:اي مب لازم مقدمه خل يشرح الحاله بروحي خايف علي
تنهد الدكتور:ان شاءالله صقر حالته حاليا مستقره وبنحوله لغرفة خاصه الرصاصه كانت بلمعده ويحتاج راحه ويمكن يقوم بعد يومين ثلاث
الجد:الحمدالله يعني مافي شي
الدكتور:اي بس البنت اللي كانت معه بغيبوبه الصدمة و واللي تؤثر على جزء من الدماغ مسئول عن الوعي
الجد بستغراب:بنت (ناظر لام صقر)من ذي
ام صقر برتباك:سكرتيرته
الجد:وشوله مو عنده صالح
ام صقر:ايي بسس هي اللي كانت معه في لندن اما صالح ماسك اعماله هنا
الجد:اهاا (ناظر الدكتور)ايوا وفي حتمال تصحه
الدكتور:هذي النوع من الغيبوبه على حسب استجابت الشخص نفسه باين دخلت بصدمه ومابتقوم الا لما تكون مستجيبه لها
الجد:اها الله يكون بعونهم
شهد:مايا
مايا :همم
شهد بقلق:تو اتصلت فرح اخت شيهانه وقلت لها وين والحين بتجي
مايا تنهدت:الله يكون بعونهم بعد حنى مب بعيدين عنهم
مسحت شهد دموعها وهي ودها تروح لشيهانه بس اول تنتظر جدها واعمامها اللي جالسين يتناقشون مع الدكتور
لتفتت لصاحبة الصوت اللي نادتها وقفت بتوتر:هلا فرح
ناظره ام شيهانه وسلمت عليها:كيفك خالتي
ام شيهانه:الحمدالله بس بنتي بنتي وينها
شهد وهي تحبس دموعها:مافيها الا العافيه هي محتاجه الدعاء الحين
ام شيهانه وهي تمسح دموعها:يارب ان تشفيها
جات لها ام صقر وهي تبوس راسها وتبكي:اسمحي لي ماصنت امانتكم
ام شيهانه وهي ماسكه الدمعه:لا والله ياام صقر هذا مكتوب ومقدر واللي فيك كافيك انا بنتي وانتي ولدك
فرح:يمه خلينه نجلس هنا
وصحيح قربت بكرسي امها جنبها وجلست هي وشوق
الجد وهو يسأل مايا:هذي ام اللي بغيبوبه
مايا:اي
الجد تنهد:الله يكون بعونها
توجهه لهم الدكتور:لو سحمت
الجد:نعم
الدكتور:بما انه الاثنين بنفس الحادث اقصد شيهانه وصقر
بنحطهم بنفس الغرفه بس تفصل بينهم ستاره وبنحط لهم نفس الممرضه اللي تعرف حالتهم
الجد ناظره:وليش ان شاءالله اذا ناقصكم غرف انقلهم لمستشفانه ازين
الدكتور برتباك:لا انا ماقصد كذا خلاص لو ماتبي..
ام صقر بسرعه:لاا عاديي
الجد:يامرا اكسري الشر وشوله يجلسونهم بغرفهم والبنت تتغطى عنه
ام شيهانه كانت ببتكلم بس مسكتها فرح وهمست باذنها انه محد يعرف عن زواجهم
ام صقر برتباك:خلاص ولا يهمكك اجل بنخلي غرفهم جنب بعض عشان الممرضه تطل عليهم
الجد:اي كذا عين العقل
وصحيح رد الكل لبيته بعد ماتطمنو على صقر وشيهانه والدكتور عارض جلوس احد عندهم بما انه حالتهم اللين الحين مو مستقره
مرره اسبوع على هل حال شيهانه بغيبوبه وصقر بعد اربع ايام قام بس موقادر يمشي بسبب الم بطنه وانه لازم مايضغط على نفسه ويمشي لشهر طبعا ماكان مستوعب وكان يصحى وينام
____
مايا:اوكك ادري....اي.....ايي......اوك اسمعي كلنه بنجتمع اليوم عند صقر ....اي كل العايله بما انه خلاص مافي العافيه والدكتور قال لازم تقيمونه لانه من اول ماقام وهو بس يرجع وينام بلمختصر مو مركز عدل ......لاا اليوم عطو ابرة فيتامينات وكذا وبعدها عطو مخدر وبس يقوم بيصحصح امي قالت نكون كلنه عنده لما يقوم.......ههههه الحمدالله لا بعد شيهانه يقولون في تطور بحالتها اي حركة اصبعها.....يابنت بسكك هذره بروحي متأخره....باي اشوفك بلمستشفى...سلام
مايا:يله يمه تاخرنه
ام صقر:يله كاني
مايا طلعت هي وامها لسواق
مايا لسواق:روح لمستشفى.....
ام صقر:الا وش صار لشيهانه
مايا ببتسامه:الحمدالله يقولون في استجابه وامها ماقصرت كل يوم عندها بعد ماسمحو لزياره وكذا
ام صقر:الحمدالله يارب على كل حال
وصلو للمستشفى ووجهو لجناح شيهانه اول سلمو على ام شيهانه وتطمنو عليها وعطوها بوكي الورد والحلو وبعدها توجهو لغرفة صقر
دخلت مايا:سلاا..(قصرت صوتها وهي تشوف العيال كلهم هنا همست)افف فشله احمم السلام عليكم
الكل:وعليكم السلام
دخلت هي وامها وجلست:ماشاءالله جيتو قبلنه
ابو سالم:والله يبنتي مشتاقين لصقر
الجد:يابنتي ماتسألين الدكتور هو متى يقوم من ذا المهدي
مايا:ياجدي هو قال كلها ساعه وقايم ان شاءالله
الجد:على خير
كملو سوالف ومايا تسولف مع البنات
روز:اقول شلونها شيهانه
اريج:اي صحح
جواهر:قامت ولاا
شهد:شوي شوي مو اسأله هههه المهم مافيها شي يقول الدكتوو انه صار في استجابه
مايا بضحك:زين رديتي بدالي لاني خلاص بموت الكل نفس السؤال
شهد:هههههه اعجبك
رن جوال مايا وكان الاسم(فهودي نظر عيني)
شهد:الله الله هههههه ماصار لكم خمس شهور وتتغزلي فيه
مايا بخجل:وجع هههه
طلعت مايا من عندهم وردت عليه:هلاا
فهد:شلونك وشلون اخوكك والاهل
مايا:الحمدالله الكل تمام
فهد:اسمعي اليوم جاي باخذك
مايا :اوكك الساعه كم
فهد:كذا بلليل
مايا:طيبب شصار بسفرتك والحمدالله على سلامه
فهد :الله يسلمك
هدووء
فهد:مايا
مايا:هلا
فهد:تدرين اني احبك
مايا بخجل:ادري
فهد:واموت فيك
مايا بخجل اكثر:وانا اكثر
فهد ببتسامه شاقه وجه:وانتي وشو
مايا بحراج:يوو فهد لاتحرجني
ضحك فهد على حياها:خمس شهور ترى معاكك واللين الحين تستحي
مايا:اي
فهد بجرائه:ترى لو طلبتي ارسمك رسمتك واهم شي الشامه الصغيره اللي بظهرك
مايا بحراج:فهودي باي
فهد بضحك:ههههههههه طيبب اشوفك الليله وماوصيك
مايا لاتدورونها:وجعع هههه باي
سكرت من عنده ودخلت على وقفت الجد وهو متوجه لصقر
الجد:الحمدالله على سلامتك
صقرر وهو مو قادر يتكلم عدل:م..و...يه ..
مايا راحت بسرعه خذت كاست مويه وقربت له ورفعت السرير وصار كانه جالس وعطته الكاس
شرب منه شوي ورجع غمض عيونه همس:وش صار
مايا:وحده اجنبيه صوبتك بمسدسس
همس صقر وبسبب انه الكل ساكت فسمعو وش قال :وينها
مايا وهي عارفه من يقصد اكيد شيهانه:بغيبوبه
فتحت عيونه وهو يحاول يركز وش قالت مستحيلل كذا وشلون صار ناظرها بصدمه:وشو
مايا وهي تعض على شفاتها باسف:شيهانه دخلت بغيبوبه بسبب صدمه(وقالت بسرعه)بسس قال الدكتور انهاا بخير ماعليك وانه كان في استجابه منها
قام صقر بينزل من السرير:جيبي لي كرسي بسرعه بروح لها
مايا:بسس،..
قطع عليها جدها وهو يمسك كتفه
الجد:انهبلت وشوله تروح لها
الاعمام وحريمهم ماكانو اقل صدمه من الجد اما البنات والعيال فاكانو عرفين وش السبب
صقر جلس بلكرسي بمساعده من رامي:امي تفهمك
مشت معه مايا لبرى
الجد ناظر ام صقر:وشو الي يفهمني
ام صقر بتوتر :هو اصلا افف (همست)الله يهديك بس وش حطيتني فيه
الجد:شلون يعني محد بيفهمني
شهد خذت نفس وتكلمت:انا بقول لك جدي
الجد:قولي
شهد:وشسمه هذاا
الجد اللي خلاص تنرفز:بتتكلمين ولا شلوووون
شهد بخوف تكلمت بسرعه :الا شيهانه مو سكرتيرته زوجته
هدوووء . . . الكل يحاول يستوعب وش قالت
تكلم الجد وهو منصدم:وشوو وش تقولي انتي انهبلتي
ام صقر:لا ياعمي هي قالت الصدق شيهانه تكون زوجته
الجد:ووشوله يتزووج كذاا هااا
ام صقر:انا ماكنت راضيه انه يروح بدون لايكون متزوج وقلت له يملك عليها وياخذها معه منه هو يخلص اللي رايح له وهي تكمل جامعتها هناك(ماحبت تقول له الحقيقه وانها فقيره ومن ذا الكلام)
الجد:وانتي واثقه انه ماصار شي بينهممم ها
ام صقر بفشله :كل واحد بغرفه ياعمي
العيال لاتدوروهم كل واحد ماسك الضحكه
الجد:اي اشوا بما انه بس مملك عليها اجل اشهرو ذا الموضوع والزواج بنخلي بعد شهرر منها هو يتعافه وهي تخلص اجهازها
شهد ضمت روز بوناسه:ايواا عااش جدووو
رووز بضحك:اقول باين تحمستي ابعدي بسس
الجد بضحك:ورااك مستانسه كذا
شهد بحراج وهي تشوف العيال يضحكو عليها:اي لانها صديقتي من ايام الابتدائي
الجد:اها والله زين ماختار يوم انها صديقة شهد
جلسو كلهم يكملون سوالف بعد ما قال الجد انه خل ياخذ راحته ويتطمن عليها
_____
نروح لصقر اللي دخلته مايا لغرفة شيهانه بعد ماقالت لام شيهانه اللي قالت انا وبناتي بنطلع ونجلس برا عشان ياخذ راحته وقالت مايا انها بتجلس معهم احسن مايجلسو بروحهم
عند صقر قرب الكرسي لعندها مسك يدها بحزن وهو يشوفها كيف ممتده على السرير بدون صوت ووجها شاحب قرب يدها من فمه وهو يناظرها همس:اسف ياشيهانه كله منيي
نزل يدها وقرب لها باسها بشفتها وطول فيها يروي عطش شوقه لها
بعد عنها ومرر شفته لخدها باسها قرب اللين اذنها وهمس:قومي اشتقت لكك
قرب شفت لرقبتها بس تذكر انها امها بتجي لها ابتسم بحزن وهو يذكر اخر مره كان معها همس بضحك:ههه هبله شكلها ماتعرف وش ذي
بعد عنها وجلس يناظرها مسح بيده على شعرها الكستنائي
:اشتقت لعيونك متى بتقومي ياشيهانتي
تنهد:ودي اجلس معك اكثرر ولو الود ودي انام بجنبك بس ماحصل لي لو مره بحياتي قرب لها وبسها براسها بعد عنها واتصل بمايا تجي تودي لغرفته
____
بلغرفه
الجد:مابغيت تجي
صقر بتعب وهو وده يرتاح بس ماحب يقول لهم وهم متعنين له:اي على ماتطمنت وكذا
ام صقر بخوف:يمه صقر تعبان شي
صقر حمد ربه انها جت منهم:اي والله فيني النوم
الجد قام:اجل خلك مرتاح وحنى بنقوم اهم شي راحتك
خالد:افا ياجدي ورا كذا معا بسس
الجد:اي الغالي ولد الغالي
صقر بضحك:اقول تلايط بسس ولاتجلس تغار
خالد :اصلا عادي مشينه عيال
باسل:خهههه كان كملته وقلت مشينه بنات على هل غيره هههههههههه
الكل :هههههههههههه
وصحيح طلع الكل بعد ماتحمد له بسلامه واصرت ام صقر تجلس معه بس هو قال مافي الا الخير وان شاءالله بكرا بيطلع
_____
عند ام شيهانه على 8 الصباح
قامت على صوت تمتمت شيهانه
قربت كرسيها من عندها وهي تمسك يد بنتها:الحمدالله على السلام يابعد قلبي(ضغطت على زر اللي ينادي الممرضه)
وصحيح جات الممرضه وهي تكشف على حالتها
شيهانه فتحت عيونها وهي تهمس بعجز
ام شيهانه بخوف:وشو
الممرضه وهي تقرب المويه لشيهانه:مافي شي ياخالتي هي تبغا مويه بسس والحمدالله على سلامتها في ناس يجلسون اكثر من اسبوعين وفي ناس شهور وسنين بعد ماتشوف شر ان شاءالله
ام شيهانه:يعطيك العافيه
الممرضه:حاولو ماتضغطو عليها وخليها اليوم عندنه بس شوي فحوصات بسيطه وتقدر تطلع واثناء هل وقت بيجون الممرضات بيحركون رجلها ويعودها على مشي لانها اسبوع و يوم ماتحركت فطبيعي بتتجمد رجولها
ام شيهانه:ان شاءالله
طلعت الممرضه وقربت ام شيهانه من بنتها:الحمدالله على السلامه
شيهانه بحزن ودمعتها تنزل:الله يسلمك
ام شيهانه وهي تمسح دمعتها:وش بك يابنت
شيهانه وهي فجئه بكت:اهىى يمهه صقرر ماات اهىى شفته بعيوني يمه اهىىى اهىىى
ام شيهانه وهي تضمها:بسم الله عليك يابنتي صقر مامات عايش والله العظيم
شيهانه ناظرت امها بصدمه:بسس بسس انا سمعتهم
ام شيهانه بحزن على بنتها:والله يابنتي عايشه وهو بلغرفه اللي بجنبك مافي الا الخير حتى جا امس وتطمن عليك
ضمت شيهانه امها وجلست تصيح فرح وحزن والم ماتدري ليشش ماتبغا يموت مو عشان يموت بسببها لا في سبب ثاني بقلبها بس مو عارفه وشش هوو
هدت شيهانه ونامت لها شوي بعدها قامت وجلست امها توكلها وعلى ماخلصت جو الممرضات ويحاولون يحركونها
ام شيهانه:هاا يمه تقدري تمشي
شيهانه:اي شوي بسس الحمدالله
ام شيهانه:تبغين شي
شيهانه:اي والله ابي اتروش
ام شيهانه :خلاص اجل انتي روحي تروشي وانا اطلع لك ملابس
شيهانه ببتسامه:اوك (وهي تو تنتبه)الا وين شروق وفرح
ام شيهانه:بلمدرسه
شيهانه:هههه ياحرام
ام شيهانه:اي صح ترى قلت لام صقر انك قمتي وقالت بتزورك العصر
شيهانه بهدوء:الله يحييها
ام شيهانه:اي وترى(قالت لها عن صقر وانه مو قادر يمشي عدل وبيجلس بلكرسي لشهر وانه العايله درت انها زوجته وبيسو لهم عرس بعد شهر)
شيهانه(افف شكلهم مايدرو اننه بننفصل بسس (ابستمت)احسن ماودي اتطلق اصلا ههههههه اهم شي مامات)
:احمم اوكك
ام شيهانه:الا شيهانه
شيهانه بستغراب:هلا
ام شيهانه:لا تستحين مني بس بسالك هو صار بينكم شي
شيهانه واللي قلب وجها احمر:يمهه وش ذا السؤال
ام شيهانه:يعني صار
شيهانه وهي تتذكر لما باسها بلمسبح والحديقه بس امها ماتسال عن ذاا:احمم لاا
ام شيهانه:يويلي اجل مالمسك
شيهان بحرج:يووو يمهه ترى استحيي
ام شيهانه:طيب هو يتقرب منك مرات
شيهانه :امم مادري يمكن
ام شيهانه وهي تناظرها بصدمه:وانتي حارمته صح
شيهانه بحرااج:يمممه خلااص ترى والله استحي وبعدين احسن عشان لالبست الفستان الابيض وجيته احسنن
ام شيهانه:هههه يمه منك بسس الحين جالسه معه ثلاث شهور وبذا الجمال ولا خليتي يلمسك
شيهانه قامت متوجهه للحمام:والله لو جلست معك بتتعمقين اكثر اروح اتروش احسن لي
ام شيهانه بضحك:وانا الصادقه يابنتي وش زينك
تروشت شيهانه وخلصت وبعدها سوت فحوصاتها وعلى العصر جات لها ام صقر
ام صقر:الحمدالله على السلامه
شيهانه ببتسامه لها:الله يسلمك ياخالتي
ام صقر:الا يابنتي ماودك تجي معي لغرفة صقر وتسلمي عليه
شيهانه بحراج ناظرت امها
ام شيهانه ببتسامه:هو في عنده احد
ام صقر:اي والله اهلنا كلهم
شيهانه برتباك:يكون احسن بوقت ثاني
مايا بخبث:لا عاديي تعالي ترى زوجك
شيهانه ناظرتها بقهر(نفس خباثت اخوها سبحان اللع): ها وشسمه
قاطعتها ام صقر:يله يمه امشي معنا
ام شيهانه:اجل بجيب عباتها
شيهانه ناظرت امها بورطه(افف والله فشله):ط طيبب بلبس واجي معكم
وصحيح راحت لبست عباتها وتلثمت
توجة لام صقر
اما مايا فتصلت بصقر وقالت له انها بتجيي شيهانه لعنده وهو مرره متحمس انه يشوفها ويسمع صوتها بس مابين قدام مايا
____
الجد:يعني بتجي هنا
صقر بهدوء عكس العاصفه اللي داخله:اي
الجد:الله يحيها ومره وحده نتعرف عليها
قطع عليهم صوت الباب توجة انظار الكل له دخلت ام صقر وبعدها مايا وهي باين تجر باحد
ابتسم صقر (اكيد شيهانه)خذ نفس وابتسم وهو يشوفها دخلة وهي رافعه راسها وماسكه بطرف عباية مايا:السلام عليكم
رد الكل:وعليكم السلام
همست لمايا:وش اسوي الحين
مايا:روحي لصقر وتحمدي له بسلامه
شيهانه بهمس:كيف يعني اسلم بس كذا ولا وشلون
مايا بضحكك همست:مدي يدك وسلمي مصافحه
شيهانه :اها ططيب لاحد يناظر امانه وقفي قدامه بحيث محد يشوفنه وكذا عدل
مايا :اف طيب بس بعطيهم ظهري وبس انا اشوفكم عشان مايشكو
شيهانه:طيبب
الجد:وشبكم واقفين كذا ادخلي يابنتي ولا تستحين
توجة شيهانه هي ومايا لصقر ومثل ماقالت شيهانه وقفت مايا قدامه وكانها تنتظرها اما شيهانه مدت يدها ليده اللي لامست يدها:الحمدالله على السلام
ابتسم صقر بخبث وجرها بيدها اللين صار خدها على خده وسلم عادي وقال:الله يسلمك
شيهانه وهي ترص على اسنانها:حيوان
صقر ابتسم بخبث:ودك بثانيه
بعدت شيهانه عنه بسرعه وراحت مع مايا وجلست بعد ماسلمت على البنات والحريم
اما صقر فكان مره يسولف مع جده ومره يسرح فيها
جلست معهم شوي بعدها طلعت بعد ماقالت لها ام صقر انها بتجلس مع صقر بجناحه اللين زواجهم لانه ماوده بممرضه وزوجته موجوده ماعارضت شيهانه لانها تحس بتأنيب ضمير انها السبب بلي صار له