شبكة همس الشوق - عرض مشاركة واحدة

#1 18 - 7 - 2021, 08:54 PM

ليامنّي تذكّرتك ومرّ بخاطري طيفك
أحس اني معك في كلّ روحاتك وجيّاتك

أطالع للقمر واشوف فيه اغلب تواصيفك
هدوء ومنظر ونور وصفاء وبعض ميزاتك

ترا حبّي وحبّك ماهو بكيفي ولا كيفك
واذا تبغى تأكّد شوف سجّاتي وسجّاتك

جميع معاملاتي معك محفوظات بارشيفك
وكرتٍ فيه بصماتي تحصّل فيه بصماتك

أحبّك واعشقك واعشق رسايلك وسواليفك
واموت بشكلّك الجذّاب واخلاقك وعاداتك

ومن شدّة غلاك اعدّ صوتك من معاريفك
أخشّ بعالمٍ ثاني على نغمات نبراتك

أجل ماشفتني يوم انتظر جيّة صواديفك؟
على درب الامل , والشوق يرسملي علاماتك

واقول الحين ياقلبي تحرّكبك مجاديفك
على بحر المودّه واللقا قصدك وغاياتك

تكلّفك المسافه والرجا يدفع تكاليفك
يعنّيك المفَارَق واللقا ينهي معاناتك

الموضوع الأصلي : طالع للقمر واشوف فيه اغلب تواصيف || الكاتب : حنين الأشواق || المصدر : شبكة همس الشوق