دام أنا مغلّيك بالله راعني وارفق بقلب غدا كلّه جروح سهم حبّك بالضّمائر صابني يا بعد روحي ترى ماني شحوح خذ عيوني كان قلبك طاعني بس عطني كلمة فيها وضوح وكان أنا غلطان بالصّد جازني عيني لشوفك بها شوق لحوح كلّ ما سجيت طيفك زارني أنت لك بالقلب يالغالي صروح ما تغيّر لو ضميرك باعني بس لا تقسى عليّ يوم وتروح وأنت خابر كيف بُعدك تاعبني والعذر مقبول ولك منّي شكر وكرّر الغلطة معاي وخلني أنتظر عذرك بكلّ فارغ الصّبر جيبني ثمّ ودّيني ثمّ جيبني من حدود الشّمس لحدود القمر وين ما تبغى فديتك ودّيني خادمك يا سيدي تحت الأمر هدّ حيلي بالغرام وهدّني والله إنّي ناذر لحبّك نذر تِكفى بعثرني شظايا ولمّني في كفوفك يا بعد كلّ البشر وراح أسويّ كنّي دخت وضمني ورح أقولّك أمزح وأحبك واعتذر احتجتلك يا أطيب بشر وين ألاقيك؟ وين الحنان اللّي بغيته وين ألاقيه في ضيقتي في ضحكتي بس أناديك دامك تحسّ بضيقتي ليه أعاني رفيق دربي فرحتي بين أياديك أنسى التّعب وأنسى الشّقا والأماني رفيق دربي كلّ ما غبت أبكيك تعال شوف بدنيتي من بكّاني أرجوك لا تترك حبيبك ومغلّيك لا غبت أنا من هو يصير بمكاني ودّي أموت بحضنك اليوم وأبكيك وليّا بكيتك طاري البعد جاني أبيك إيه، أبيك وأبيك وأبيك محتاجة لك في كلّ شي بزماني احتجتلّك، وإن احتجتلّك وين ألاقيك؟ أبي حنانك وأعترف ما كفاني سخّرت لك شِعري وشِعري تمنّاك و أصبحت أنا أكتب كل شِعري عشانك وش فايدة شعري بلا ذكر طرياك أنا أشهد أن الشّعر يحلا بشانك أعاهدك باللّي خلقني وسوّاك ويعاهدك قلب إذا غبت صانك والله ما خونك ولا أفكّر بفرقاك وملعون قلبي كأنّه يوم خانك