يسعد صباح العيون اللي تناظر من ورى الشاش
عيـون مــا صــوّب عيـونـي لـمـا عـيـنٌ سـواهـا
ترسل سهوم المنايا والهـوى مـن بيـن الارمـاش
مــع نسانـيـس نــور الصـبـح صوبـنـي هـواهــا
وانـا جفونـي لهـا واحـد لحـاف وواحـد فـراش
يوم ان شوفي قبـل يحكـم علـى النظـره قراهـا
يامـن يـداوي جـروح القلـب واعاملـه بالـكـاش
والا يخـبـر كحـيـل العـيـن ويــن الـقــا دواهـــا
يوم ان جرح العيـون السـود مايبـرى بالانعـاش
ولايـداويــه طـــب الـلــي جـروحــي مـادراهــا
انا اشهد ان الهـوى طبعـه ظلـوم ودوم غشـاش
نـاره بقلـبـي لـيـا شـفـت اللـمـا يشـعـل سنـاهـا
ياليتـنـي طـيـر واحـلـق بجنحـانـي والاريـــاش
في جو ديرة وليف الـروح واسبـح فـي فضاهـا
واشاهده كلما مـد الخُطـى وابنـي لـي اعشـاش
واسكـن جـواره وامنـي الـروح واحـقـق منـاهـا
واعيـش فـي جـوه اللـي للمخايـل فيـه رشـاش
من وبـل مـزن السحـاب اللـي يهلـل مـن سماهـا
وانقـش علـى بـاب داره يابـرى حالـي بمنـقـاش
يسعـد لـي العيـن والنظـرات يسعـد لــي لمـاهـ