مدخل :

كثر ، وقتك ماخذااا منك يجيب
لا تقول الوقت احرمني دواي

لو نويت تروح عن عيني تغيب
قول [ ماحبك ] وخربها معاي , ,
احيان ماودي ازعلك ، وارضيك
ماابيك تزعل بس ماابيك ترضى

افهم كلامي يوم اجيك و احاكيك
تعبت انتظرك وماكنت ( تفضى )

كل يوم دمع يطيْح من عين مغليك
وهو يردد ليه ؟ بـ الحزن ترضى

من رحت وانا ساهر الليل احاتيك
الين جوّ الضيق بـ الشمس يحضى

انا اشوف : الليل بـ البعد يغليك
يسهر معّي ونمت هـ الليل امضى

علمتني وشلون اتعب / وابكيك
وخليتني حافي وامشي برمضى

هذا الخطا ، منك وماهوب يعنيك
بس الخطا انك عن الجرح تغضى

اسّج عنك ، وانصدم يوم اناديك
حتى بـ غيابك نعمة انساك ماحضى ؟

بزعل عليك ان كنت ناسي واطريك
والمشكله ادري مع الوقت أبرضى

ان كان [ وقتك ] في غيابي يسليك
ياخي خلاص ابعد ولا عاد : تفضى