اللـي جنيتـه مـن عظيـم الكبايـر
يا زين خاف الله وش ذا الظليمه
تشكـي و انـا عينـي تهـل العبايـر
ولعت بـي نـار الغـرام و جحيمـه
انـا معـك محتـار و القلـب حايـر
يتعـذب و حـارب هنـاه و نعيمـه
الصابـر المشتـاق بالـحـب غـايـر
عــزاه يــا قـلـبٍ حبيـبـه غريـمـه
كنـت انتظـر منّّـك تـزف البشايـر
و تفـرّح اللـي بـه جـروحٍ مقيـمـه
اللي بنى لك دار وسـط الضمايـر
امشـيـدٍ فــوق النـوايـا السليـمـه
أفنى حياته في رضـا خـل جايـر
لجـل المـوده و اللـيـال القديـمـه
متولع و قلبـه مـن الشـوق طايـر
عليـك يـا نـور الصبـاح و نسيمـه
كان الخطا مني على شي صايـر
انـا اعتـذر لـك كـان للعـذر قيمـه
 |
|
|
|