مجموع الأوسمة: 17

البارت الثـــاني والسبعون ...


وعــدت إلـيـك ..
ألـقيت بـمرساتي
عــــلــــى الــــرمـــل
غــسـلـت الــوجــه بـالـطـل
كــأنــك عــدهــا نـاديـتـنـي
وهــمـسـت فــــي أذنــــي
" رجــعـت إلــي يــا طـفـلي؟"
أجــــــــل أمـــــــاه ..
عــــــــدت إلــــيــــك
طـــفــلا دائــــم الــحــزن
تــغــرب فــــي بــــلاد الله
لـــم يـعـثـر عــلـى وكـــره
وعـاد الـيوم يـبحث فـيك عـن عمره
وعـــدت إلــيـك يــا صـحـراء
ألــقــي جــعـبـة الـتـسـيـار
أغـازل لـيلك الـمنسوج مـن أسـرار
و أنــشـق فـــي صــبـا نـجــــد
طيوب عرار و أحيا فيك للأشعار و الأقمار..

المرحوم بإذن الله تعالى..غازي القصيبي..


هديل بألم\أحس بغربة..
كل شيء غير..هذا مو بيتنا اللي كنت اتمنى ارجع له..
في هذا البيت أنا مالي غرفة ولا لي مكان..
أحس حالي فيه مثل الدخيلة..
حتى هلي..ماهم هلي..
تغيروا كثير..مدري قســوا..ولا أنا قسيت..
كل شيء يجرحني منهم..
ولو كلمة صباح الخير توووجعني..
لا ماهو هذا اللي كنت ابيه واتمناهـ..
رجعني لهلـــي..رجعنييييييييي..

سمعت تنهيدته بآآآآهـ مخنووقة..
حست بمواساة عقيمة منه..
غازي بحنية\تعالي..
وإسمحي لي أجبر ما انا كسرته..
خليني أداوي جروح تنزف..
تعالي لك عندي قصر في قلبي ماتملكه غيرك..
في حياتي أنتي مالكة الروح ما انتي بدخيلة..
لقيتك في وقت ماكنت ابى فيه شيء..
ويوم جيتي سرقتيني من كل شيء..
صباح الخير ياوجه الخير كلها إفداك..
تعالي يا أطهر ذنوبي..


أستلطفت حالها الغريب..
تشكي له ويزعل عليها..
تمنت لو تطلب منه ينتقم لها منه..
يجور على حاله مثل ماجار عليها..
تدري إنه مابيقصر في نفسه..
وعشانها بيسوي أي شيء..
إلا نساينها مستحيل يسمح لها تبتعد عنه وتغيب..
وهذا الشيء الوحيد اللي هي تبيه..
يتركها لــ الزمن يمكن تطيب..

هديل بآسى\عساهـ يسرك حالي..؟؟
تطمن يا ابو ذياب..
طعناتك عميييقة..أنتقمت لاخوك..
وبيضت وجهك معه..الله يجزاك كل خير..
بس تكفـــى طلبتك..
إن كان لي عندك معزة..
لو مرت عليك لحظة معي تهمك..
إعتقني لوجه الله..حللني منك من أخوك وهلك..
ضاقت الدنيا وهي وسيعة..
إفتح لي باب أكمل منه حياتي..
والله يفتح لك الف باب..

غازي برفـــض\أطلبي غيرها..
ما اسومك ولا أعتقك لو تذبحيني..

هديل بقهر\أنا أذلك..
أهينك واقولك ما ابييييك..
ترفع عني وعن عشقك الكذااااب..
أنت إنسان أناني حقوود..
لو أهمك كان فضلتني على نفسك..
حبني بقد ما اكرهك..يمكن وقتها تعتقني..

قفلت الجوال ماتبي تسمع كلامه..
ولا تحس بكذبه الصادق..
ماتبيه بحياتها..
هي خسرت كل شيء..
انوثتها..صبرها..إحتسابها..
هلها ..وخسرت توئمها الغالي..

هـــادي..
إللي ياما تمنت وصاله..
تمنت تضمه وتشكي له..
لو أحتواها بعد مارجعت..
أحتضنها وأهتم فيها..
سألها عن الغربة وشقاها..
كانت بتقوله كل شيء..
بتشكي له لحتى يبكي معها..
بتنعى نفسها وينعاها..
بس صدهـ لها جرحهـــــــــا..
صدمها بقوووة..
حست إنه يتمها..
علاقتها فيه اقوى من سنين غياب تعدمها..

موقنة ومؤمنة إن كل شيء بسبب الغازي..
هو اللي غزى حياتها..
دمر كل شيء..
مابقى لها العائلة اللي تحضنها..
ولا شهادة تنفعها..
أصحاب مايتشرفون فيها..
ولــد مثل السيف بظهرها..

حطم حياتها بكل فخر..
ويبي الجائزة تكون رجوعها له..


؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛

تنهدت بطفش وهي تشوفه نايم..
بينما هي صاحية وماتحس بالنوم ابداً..
ماحسبت حساب هذا الشيء..
هي صارت تتغلب على المرض بمساعدة راجح لها..
بس ماقدرت تتحكم في وقت النوم الإجباري..
في أوقات كثيرة يكون راجح موجود با البيت بس النوم مسيطر عليها..
ولما ينام او يطلع تصحى وتظل لحالها..
ترجته قبل ينام يسهر معها..
حاول يسهر وبعدها نام لانه صاحي من بدري..
رشا\يرضيك أسهر لحالي..؟؟
راجح بنعاس\ههههههه لا مايرضيني..
بس حالتك جبارة..وأنا نعسااان واريد أنام..
رشا بزعل\تفضل النوم علي..؟؟
راجح\رشا تراك الطرف الأضعف في الموضوع..
لاتقلبين السالفة علي..
رشا تتحلطم\ياربي طيب وش اسوي توني صاحية من ساعة..
وأنت بتنام..كيف أعيش حياتي كذا..؟؟
راجح بتعب\إحمدي ربك على كل حال..
وبعدين أنتي قدرتي تواجهي النوم القهري..
بعد ماكان يسيطر عليك..
اللي عليك مثل ماقال الدكتور تلتزمين بعلاجك..
وتحاربين النوم مثل ماسويتي من قبل..
رشا\الحمدلله رب العالمين..
البلا في التوقيت..ابي انام الليل وأصحى النهار..
راجح\أنتي معذورة بحكم المرض..
بس فيه ناس فقدوا القدرة على النوم في الليل..
لانهم حرموا نفسهم هذي النعمة..
بكثرة سهرهم وإنشغالهم..
ونسوا قوله تعالى{وَهُوَ الَّذِي جَعَلَ لَكُمُ اللَّيْلَ لِبَاساً وَالنَّوْمَ سُبَاتاً
وَجَعَلَ النَّهَارَ نُشُوراً }

نام وهي فكرت بكلامه..
لما كانت إنسانة طبيعية وصحتها كويسة..
ماحست بهذي النعمة..
أحيان كان يطلع الصباح وهي مواصلة..
ولما تصلي الفجر تنام..
حتى شوق نفس حالتها..

قربت من راجح وهزته بخفيف..
رشا\خلاص نمت ساعتين مايكفيك..
قوم صحصح تروح الدوام وأنت نشيط..
راجح\.................
رشا\راجح حبيبي قووم..
تاخرت بنومتك..
راجح\رشا نامي..
رشا\مارضى يجي..
وش اسوي ..؟؟
راجح\نامي..
رشا\رجوحي يا قلبي..قوم أبي اقولك سر..

سحبها من يدها وسدحها بعد ماكانت جالسة..
ضمها له بقوووة وشد يدينه عليها..
راجح بنوم\نامي..
رشا بتذمر\مــ.......
راجح بتهديد\نامــــي..
رشا بخفوت\طيب..

مر وقت طويل وهي صاحية..
راقبته نايم وغايب عن الدنيا..
ظلت تناظر فيه بملل..
وقررت تعد شعرات عارضه وبدت في مهمتها..
وهي تحس إنها بتقدر على هذا التحدي..
وقدرت تطلع نفسها من حالة الملل..
وهي تعد تحرك راجح..صرخت بقهر..
مدت يدينها وثبتت وجهه ورجعت تعد من جديد..

بعد ماخلصت اخذت جواله..
وسجلت الرقم اللي أحصته عشان ماتنساهـ..
اليوم أحصيت نص عارضك..بكره الباقي ههههههههههههه..
وهي تتخيل شكله لما تعلمه كم عدد الشعرات في عارضه..

فزت من على السرير بفرح لما سمعت صوت الأذآن..
هزت راجح بخفة\راجح قوووم صلاااة..
يالله لا تخلي ابليس يلعب عليك..
هذي صلاتك لا تأخرها ياقلبي..
راجح يتنهد\طيب باصحى..
رشا\يالله اجل قوم وانا بأجهز الفطور..
راجح بخمول\لا تجهزين شيء..
باصلي وارجع أنام..
رشا\لا والله..وين اللي يقول الليل نوم والنهار نصحى..
لا مالي شغل قووم صل وافطر معي..

وقف وتوجه لدورة المياه..
التفت عليها وهو نعسان..
راجح\بعد اليوم بأشوتك من الغرفة وانام..
رشا تبتسم\أفا واهوون عليك..؟؟
راجح يفتن\إيه تهونين..
ماريحتيني..
رشا\ههههههه تحمل يا رجوحي..
أبتسم لها بغمزة..
ودخل دورة المياهـ..
جلست على السرير تنتظرهـ يطلع..
عشان تتوضىء وتصلي..
ومن غير أي قدرة لها..
نامت وهي جالسة..

طلع راجح من دورة المياه..
بدل ملابسه وهو يتكلم معها..
أستغرب ليه ماترد عليه..
ولما قرب منها شافها نايمة وهي جالسة..

ضاق قلبه على حالها..
أستغفر الله يارب..
صاحية طول الليل ولما دخلت الصلاة تنام..
سدحها على فراشها وقرأ عليها..
اللهم اشفها انت الشافي المعافي..
شفاء لايغادرهـ سقم ابداً..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛