|
ياحلو همس الكلام ان مر شفتها
 
الغايبه طوّلت ياشين غيبتها والقلب طعم الغياب المر ماطاقه
خلوني آمر شارعها وحارتها يمكنْ قلبي يطفّي نيرة اشواقه
يوم اتذكر تغنجها وضحكتها ياخوك كنْ القدم مكسورةٍ ساقه
آقف وآقول الليالي وين ودتها وآثر الليالي ياابن شبلان بوّاقه
يوم آخذتها كذا ماعاد ردتها وانا خفوقي تقطّع بي من اعماقه
يافيصل الحزن لونه من عبايتها خيّم عليّه وانا ماعاد لي طاقه
ياوجد حالي عليها وين ديرتها وعزي لمنهو سواتي خربت اخلاقه
ياما سرابي خيالي في مودتها ببداية الليل لين الصبح وإشراقه
احبها حب طيبتها وشيمتها ياحيثها دايمٍ للطيب سبّاقه
واحبها حب مبداها وِرقتْها اميرة العشق يّم العشق تواقه
ياحلو همس الكلام ان مر شفتها فنجال كيفٍ تقهوا به على فاقه
واليوم حكم القدر يكتب نهايتها بغيابها اللي رهيف القلب ماطاقه
اقفا بي الحب لين اقفت علاقتها الله ولا الحب هذي فعلة إفراقه
الموضوع الأصلي :
ياحلو همس الكلام ان مر شفتها || الكاتب :
همس الشوق || المصدر :
شبكة همس الشوق |