مجموع الأوسمة: 17

طلعت من البيت وعبدالله يشد شعرهـ بقهر
عبدالله\بنتك وش بلاها..؟؟
تقول بترجع له..أروح معها ولاأسحبها من كشتها..
غادة بإبتسامة\روووح معها بسرعة..
وانا باكلم سارة ونلحقكم المملكة..

طلع عبدالله بعد هديل وركب معها السيارة..
كان جالس قدام جنب السواق وكل لحظة يلتفت عليها..
أنتبهت على حركته وكانت متاكدة إنه يبي يصرخ عليها..
أتصلت على خلود واعتذرت منها ..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛


أنهى كلامه لاخوهـ وعياله..
قال لهم كل اللي قاله غازي..
رد عليه هادي بصوت مقهور..
هادي\وتبي ترجعها له..؟؟
أبوعلي\إذا وافقت ترجع له ما بأقول لها لا..
وإذا رفضت ما احد بيجبرها..
علي\يعني هو يهدد..
ابوراكان\ليه يهدد..؟؟
علي بقهر\لأنه يدري إنه بيحرجنا بالجاهة اللي بيجيبهم معه..
ومالنا قدرة نرد جاهة كبيرة جايين يطلبون بنتنا ترجع لزوجها..
يبي يذلنا ويلوي ذراعنا..
راكان\لاتأخذ الامور بالعصبية يا علي..
المسلمين كلهم يدرون إن الزواج قسمة ونصيب..
وإن مارجعت له ما أحد له علينا شيء..
القرار لها ماهو لنا..
ابوعلي\وانا مع راكان..
علي بغضب\يوبه هو لازم يتراجع عن جمع القبايل..
ماهو بكفو يذلنا قدامهم..هديل مابترجع له..
ابوعلي\إلى متى بامشي حكم الناس على بنتي..
ما عطيته إياها بالدس زمان الا بسبب الناس..
وش فادونا فيه..لارفعونا لـ السماء ولا خسفونا بالأرض..
خلنا نبين لها قبل لا نبين له..
إن مابه من يستاهل نوجعها عشانه..
هادي\انا بأروح اكلمه..
ابو علي\والله العظيم ماتروح ولا تقابله..

هادي بقهر\يوبـــــه تكفى خفف حلوفك من علي..
لا انت ولا امك ولا أخواني..
كل من ضاقت فيه حلف علي..
خلني أقابله ومابيصير إلا كل خير..
ابوعلي\حلفت ما تقابله ولا تطلبه شيء..
هادي\ليه تقصيني عن الموضوع وانا راس السبايب..
ماهو خذاها براسي..
خلني أبيض وجهي مع اختي..
علي\صل على النبي يا هادي..
هادي\عليه الصلاة والسلام..

وقف وطلع من المجلس..
يبون يرجعونها لي..يساومون فيها من جديد..
ما بترجع له لو تصرخ بكل صوتها إيه أبيه..
أعرفها كتوووم..حاس بقهرها بوجعها..

ترددت في ذاكرته كلمتها..
غازي هو أبوي..
يعقب ماهو بابوك..
لو كان حنون عليك ما ضامك وحرمك من هلك..
لو يحبك مثل ما يدعي..
ما كنتي مقهورة اليوم وتصرخين..
لو كلهم يعمون عيونهم عنك..
انا عنك ماعميت..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛

وصلوا لـ المملكة نزلت وعبدالله معها..
ناظرت حواليها بحنين..
خمس سنين وزيادة ما زارت اسواق المملكة..
حتى اغراض ذياب واغراضها..
كانت غادة هي تنزل المول وتتشرى لها..

دارت بالمول وفي ابلها ستايل معين تبي تظهر فيه..
ماتدري غن كان قرارها بحضور الحفلة صح أو غلط..
بس مستحيل تتراجع عن هذي الخطوة..
كلهم يكملون حياتهم وأنا لازم أكون اقوى منهم..

طلعت جوالها وشافت اسم سارة..
ردت عليها بهدوء..
سارة بمرح\يالخااااايسة وييينك..؟؟
طبينا المول عشانك..ولا بنحضر الحفلة معك..
هديل تبتسم\يصير خير..

دلتهم على مكانها وأنتظرتهم لحتى وصلوا لها..
سارة بسرعة\يالله لازم أكشخك واعدلك..
إمشي وراي..
هديل\لا يا حلوة..
انا اعرف وش بألبس..
ورجاءً ما احد يتدخل بلبسي..
سارة بقهر\تعقبين..إذا ما اعجبني ماتلبسينه..
هديل بثقة\بيعجبكم يا سارة..

أبتعدت عنهم ودخلت المحل اللي عارض الفستان اللي تبيه..
أشترت الفستان ولوازمه من نفس المحل..
طلعت وسارة وغادة واقفين ينتظرونها..
غادة\خلصتي..؟؟
هديل\إيه خلصت..
سارة\ترى بأحضر معكم الحفلة..
أبي اضحك شوي واعلق على كرش العرووسة الحامل..
هديل\حياك حضورك معي بيبسطني..
غادة\حتى أنا وامي وعسوولة بنحضر..
هديل بإبتسامة\لازم تقومون بالواجب..
مو هذولاء أهل نسيبكم حبيب قلوبكم..

أبتعدت عن سارة وغادة ومشت جنب عبدالله..
اللي كان يخز بنت في السوق لابسة عباية ضيقة..
هديل\غض البصر..
عبدالله\ياليتها اختي..كان لبستها خيمة..
هديل تبتسم\طيب روح لها قل عيب عليك يابنت إستحي..
عبدالله\عيب أتكلم معها..
هديل\اجل أمش وإن شاء الله ربي يهديها..

جلست بالمقهى وأنضمت لها سارة وغادة..
كانت تدري إن فيه كلام كثير يدور في بالهم..
بس ماتبي تعطيهم فرصة يتكلمون..
ولما تكلمت سارة ضحكت على حالها..
من اللي يقدر يهرب من سارة..؟؟

سارة\هدوولة في خاطري سؤال..
أخاف يضايقك..
هديل بهدوء\تفضلي..
سارة\اممم غادة حكت لي عن كلامك عن هذي أخت زوجك..
وعرفت إنها ماسوت حفل زفاف بسبب ظروف الله العالم فيها..
هديل بهدوء\طيب..؟؟
سارة\طيب حتى انتي ماسويتي حفلة زواج..
وظروفك يمكن اصعب من ظروفها..
هديل\والمطلوب..؟؟
سارة\أنتي أبد ماتساعدين الواحد يأخذ ويعطي معك..
يعني ليه ما تحتفلين بنفسك..خلينا نحضرلك حفلة أكبر من حفلتها..
إلبسي الأبيض وإنزفي قدام كل الناس..
خلي اللي تكلم يبلع لسانه..
غادة\إيه هدولة..امي قالت كيف تبي تحضر..
وش يقولون الناس عنها..مو هي طالبة الطلاق من زوجها..؟؟
خلينا نسكت الناس ويدرون إنك زوجة غازي وهو يبيك ماعافك..
هديل بهدوء\تدرون كنت مثلكم..
طيبة كذا وعلى نياتي..
احسب إن الزواج مايكتمل إلا بفستان وحفلة ومعازيم..
بس تعلمت إن كل هذا مايسوى شيء..قدام فكرة وحدة بس..
فكرة إنك تكونين على علم إن هذا الإنسان زوجك..
وإنتي عايشة معه بالحلال..
سارة\غريب هذا المنطق..كيف تدرين إنه زوجك؟؟
أصلاً وش العذر اللي بيخليك تعيشين معه إذا كان مو زوجك؟؟
هديل بسخرية\ههههههه يمكن فزعة..او يكون مالك قيمة..
غادة\مافهمت عليك تقصدين مسيار..؟؟
هديل تتنهد\حتى المسيار كان ممكن يكون ارحم..
ع الأقل يعتبر زواج..
سارة بعصبية\أنتي تلعبين علينا وضيعتي السالفة المهمة..
ألحين نروح نشتري لك ثوب زفاف ونحضر لكل شيء..
بس أنتي ماعليك إلا تعطينا الضوء الأخضر..
هديل تبتسم\بشـــرط..
سارة بفرح\إشرطي مثل ماتحبين..
هديل بجمود\لون الفستان يكون اسووود..
والطرحة تكون بلون الفستان..
والمعازيم كلهم يلبسون أسود..
وأهم شيء..مايكون فيه رجال في الحفل..
أقصد هذا اللي تسمونه زوجي مايكون موجود..
غادة بغصة\ليييه أنتي كئيبة كذا..؟؟
وش سوى فيييك..؟؟
سارة بصوت خانقته العبرة\هديل إحكي لنا وش اللي مزعلك وقاهرك..
حن إخواتك..كلامك فيه وجع كثيير..
جمووودك مرعبني منك..

شالت أغراضها ووقفت..
هديل\أنا راجعة البيت..
عيييب أظل برا اكثر من كذا..
وش يقولوا الناس عني..؟؟
يمكن أبو علي وشلته قالبين الدنيا يدورون على عرضهم الضايع لا يضيع مرة ثانية..

طلعت من المقهى وأتصلت على عبدالله..
طلعت معه من المول ورجعوا البيت..
وفي بالها كيف ممكن تظهر بكرة في حفلة شوق..
مالها نية تخرب فرحتها بعمرها..
بس كانت هذي فرصة لحتى تبدأ أول خطوة في إسترداد كيانها إللي أستباحوهـ..

طلبت من السائق يوقف عند صالون نسائي كبير..
دخلت الصالون وطلبت تقابل المديرة..
تكلمت معها وطلبت أحسن العاملات في الصالون..
المديرة ادركت إن عميلتها الجامدة لها نفوذ..
صار عندها خبرة بإسلوب اصحاب النفووذ..
رحبت فيها وطلبت من العاملات الإهتمام فيها ومراعاتها..

بعدما خلصت شكرتهم بإحترام وطلعت من الصالون..
انتبهت على عبدالله ينفخ بقهر..
تدري إنها تعبته معها بمشاويرها..
كانت بتطيب خاطرهـ بكم كلمة..
بس حست بجموود كبير يطغى عليها..
فتجاهلته وركزت نظرها بالشوارع..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛