مجموع الأوسمة: 18

مساءك ياسمين وفلّ

هلابك يابعد راسي


كلامك مثل حلو الطلّ

يبدّد وحشتي وياسي


تجي مثل المطر وتهلّ

وتروي وردي وآسي


واحطّ لغيبتك وأشلّ

وأجاهد شين وسواسي


وإذا شرّف غلاك وطلّ

تنثّر جوهري وماسي


واذوب لشوفتك وأعلّ

واجيك بعذب نسناسي


وانا لاجيت جيت بكلّ

شعوري وكامل احساسي


ولامن رحت أنا ياخلّ

حفظتك داخل أنفاسي


غرامك ياغلاي احتلّ

خفوقي المترف القاسي


ومن شوقك أنا ماكلّ

مدام القلب قرطاسي


وعمره خافقي ماملّ

لأنّك دنيتي وناسي


وعمره شوقنا مايقلّ

ومركب حبنا راسي


مساءك ياغرامي فلّ

أحبك يابعد راسي