مجموع الأوسمة: 18

حبيبي ادري بالعذاري تراعيـك وكلن تبيى تكسب رضاك ودلالك

صورك واشعارك وذوقك محليك زودٍ عليها طيب نادر خصالـك

قلبي من الغيره يميتك ويحييـك لاشفت غيري مر ولا قـرأ لـك

لا شفت هذي ترمي الورد بيديك وهذي تجي يمنـاك ولا شمالـك

وهذي تبعثر حرفها العذب تغريك بشيٍ تجاوز قدرتـك واحتمالـك

تبيك تعطيها اهتمامـك وتنبيـك بشعورها واللي خفى غير ذلـك

اذوب غيره ودي اخذك واخفيـك وسط العيون اللي سكنها خيالـك

لكن صك الباب والباب يذريـك عن عشقة اللي حبهن مش حالك

وشلك بذيك وذيك مع ذيك تأذيك وهذي حنينك منك تطلب وصالك

شعورها يرقى لحضرة معاليـك شعورها واحساسها صار مالـك

قصيدها وردٍ تناثـر بأراضيـك وانته وطنها يوم صارت حلالك

وهذي مشاعر صاغها قلب يغليك قلبٍ هـواك وكـل وده صفالـك