مجموع الأوسمة: 18

ايه اعترف اني معك حيل حساس ، اضيق لو ماقلت لي : كيف حالك .؟ كريم لكنّك معي ابخل الناس ، في شوفتك في مواصلك في اتصالك ، غلاي لك واضح ومبني على ساس وصلت لك لكن كسرني همالك سلامتك من ضيقة الصدر لاباس ماتنفع اللي باع عمره وجالك ماجيت لك الا وانا بآخر انفاس تعبان ومعاني وضايق وهالك جيتك وابيك تضمني شوق وإحساس خذني لو اني مت فدوه قبالك عرق الغلا لو يدري ان في يدك فاس ماكبر اغصانه يدوِّر وصالك صبرت صبر البن من فوق محماس وشبيت شوقي لين فاحت دلالك ومشيت حافي بجمرة القيض عساس عن لاهب الرمضى ادوّر ظلالك وحيد لكن كل ماهب نسناس ضميت عطرك وابتسمت لـ خيالك تعال واسمعني من الراس للراس ، الـبيت هـذا ثـبته وسـط بـالك . . عطني عمر ثاني وقلبين وإحساس وانا اوعدك أنساك واعشق بدالك